tengrinews.kz
يران پرەزيدەنتى كورشى مۇسىلمان ەلدەرىنە ۇندەۋ جاسادى
يران پرەزيدەنتى ماسۋد پەزەشكيان نوۆرۋز مەرەكەسىنە وراي كورشى مۇسىلمان ەلدەرىنە ۇندەۋ جاساپ، ءوز ەلىنىڭ كورشىلەرىمەن قاقتىعىسقىسى كەلمەيتىنىن ايتتى. بۇل تۋرالى Anadolu اگەنتتىگى حابارلايدى.
«سىزدەر ءبىزدىڭ باۋىرلارىمىزسىزدار، ءبىز سىزدەرمەن قاقتىعىسقىمىز كەلمەيدى»، - دەپ جازدى پەزەشكيان X الەۋمەتتىك جەلىسىندە.
ونىڭ ايتۋىنشا، يران مەن كورشى مۇسىلمان ەلدەرى اراسىنداعى قاقتىعىستان تەك يزرايل ۇتادى، ونىڭ رەجيمى «مەملەكەتتىك تەرروريزمگە نەگىزدەلگەن».
اقش پەن يزرايل شابۋىلدارىنا قارسى بىرلىككە شاقىردى
پەزەشكيان سونداي-اق اقش پەن ءيزرايلدىڭ شابۋىلدارىنا بايلانىستى حالىقتى بىرلىككە شاقىرىپ، يراندى «داۋىلدان ماقتانىشپەن الىپ شىعۋ» قاجەتتىگىن مالىمدەدى.
پەزەشكيان اقش-تىڭ يرانعا جاساعان شابۋىلدارى مەن ەل باسشىسى ءالي حامەنەيدى نىساناعا الۋى جاھاندىق قۇقىقتىق ءتارتىپتى بۇزۋى مۇمكىن جاڭا پروسەسس ەكەنىن اتاپ ءوتتى. ەگەر بۇل توقتاتىلماسا، كوپتەگەن ەلدەرگە زيان كەلتىرۋى مۇمكىن.
«ەگەر الەم بۇل داعدارىسقا باتىل قارسى تۇرماسا، بۇل ءورتتىڭ جالىنى كوپتەگەن ادامداردى شارپىيدى»، - دەپ جازدى يران پرەزيدەنتى.
اقش پەن ءيزرايلدىڭ يرانعا قارسى وپەراسياسى 28 اقپاندا باستالدى جانە ءۇشىنشى اپتاعا سوزىلۋدا. وسى ۋاقىت بويى تاراپتار بىر-بىرىنە سوققى بەرىپ كەلەدى. اقش پەن ءيزرايلدىڭ شابۋىلدارى سالدارىنان يران باسشىسى ءالي حامەنەي جانە ءبىرقاتار جوعارى لاۋازىمدى يراندىق تۇلعالار قازا تاپتى.
تەل-اۆيۆتىڭ ايتۋىنشا، ولاردىڭ ماقساتى – تەگەراننىڭ يادرولىق قارۋ الۋىنا جول بەرمەۋ. ۆاشينگتون ەلدىڭ اسكەري الەۋەتىن جويۋعا ۋادە بەرىپ، ازاماتتاردى رەجيمدى قۇلاتۋعا شاقىردى.
يران ءوزىن قورعاۋعا دايىن ەكەنىن جانە كەلىسسوزدەردى جاڭارتۋدىڭ ءمانىن كورمەيتىنىن بىرنەشە رەت اتاپ وتكەن.
-
ەكسپەرت ارمان بەيسەمبايەۆ پرواناليزيروۆال پريچينى ەكونوميچەسكوگو روستا ۆ كازاحستانە، رول ينفلياسيي ي تەكۋششەە سوسيالنو-ەكونوميچەسكوە پولوجەنيە ۆ سترانە.
-
يزۆەستنىي جۋرناليست بيگەلدى گابدۋللين پرواناليزيروۆال پريچينى كامپانيي پروتيۆ يمانگالي تاسماگامبەتوۆا ي ەگو پوليتيچەسكوگو يميدجا.
