InfoHub Logo

يراننىڭ ساۋد ارابياسىنداعى ەل-دجۋبايل قالاسىنداعى مۇناي-حيميا كەشەنىنە جاساعان شابۋىلى سالدارىنان ءىرى ءورت شىقتى. بۇل شابۋىل ايماقتاعى شيەلەنىستى ارتتىرۋى مۇمكىن.

بۇل تۋرالى Infohub.kz اقپارات اگەنتتىگى حابارلايدى.

Tasnim اگەنتتىگىنىڭ حابارلاۋىنشا، ەنەرگيا نىساندارىندا قۋاتتى ءورت باستالعان. اتالعان كەشەن الەمدىك مۇناي-حيميا ءوندىرىسىنىڭ شامامەن 6-8 پايىزىن قۇرايتىن جىلىنا 60 ميلليون توننا مۇناي وندىرەدى ەكەن. اگەنتتىك زىمىراننىڭ سوققىسىنان كەيىنگى اۋقىمدى ءورتتىڭ بەينەجازباسىن جاريالادى.

بۇعان دەيىنگى شابۋىلدار

بۇعان دەيىن يراننىڭ شابۋىلى بىرىككەن اراب امىرلىكتەرىندەگى نىساندارعا دا باعىتتالعان بولاتىن. ابۋ-دابيدە ونەركاسىپ نىسانىنا جاسالعان شابۋىلدان كەيىن ءبىر ادام ۇشقىش سناريادتىڭ سىنىقتارىنان جاراقات الدى. ەل-فۋدجەيرا پورتىنداعى تەلەكوممۋنيكاسيا كومپانياسىنىڭ عيماراتىنا يراندىق دروندار شابۋىل جاساپ، زارداپ شەككەندەر جوق. ءباا قورعانىس مينيسترلىگىنىڭ حابارلاۋىنشا، 6 ساۋىردە 12 بالليستيكالىق زىمىران، ەكى قاناتتى زىمىران جانە 19 درون اتىپ الىنعان. بۇل شابۋىلداردان ءتورت ادام جاراقات العان.

يزرايل مەن اقش-تىڭ جاۋابى

يراننىڭ اسكەري قولباسشىلىعى وكىلى ەبراحيم زولفاگاري يزرايل مەن كۋۆەيتتەگى نىسانداردىڭ جويىلعانىن مالىمدەدى. ونىڭ ايتۋىنشا، تەل-اۆيۆتىڭ سولتۇستىگى مەن وڭتۇستىگىندەگى ماڭىزدى نىساندار، حايفاداعى ستراتەگيالىق ورتالىقتار، بەەر-شيەۆاداعى حيميا زاۋىتتارى جانە پەتاح-تيكۆاداعى يزرايل اسكەرلەرىنىڭ شوعىرلانعان جەرلەرى جوعارى دالدىكتى بالليستيكالىق زىمىراندارمەن اتقىلانعان. كۋۆەيتتەگى شابۋىلداردان اقش-تىڭ ەكى نىسانى زارداپ شەككەن، ونىڭ ىشىندە اۋەجايداعى ۇشاقتار مەن تىكۇشاق انگارلارى جويىلعان.

ءوز كەزەگىندە اقش پەن يزرايل يراننىڭ مۇناي-حيميا نىساندارىنا قايتا شابۋىل جاسادى. Fars اقپارات اگەنتتىگىنىڭ مالىمەتىنشە، يراننىڭ گاز ونەركاسىبى ورتالىعى بولىپ سانالاتىن اسسالۋيە ونەركاسىپ ايماعىنداعى مۇناي وڭدەۋ زاۋىتىنىڭ ماڭىندا بىرنەشە جارىلىس بولعان. يزرايل قورعانىس ءمينيسترى يسراەل كاس بۇل نىساننىڭ يراننىڭ مۇناي-حيميا ءونىمىنىڭ جالپى كولەمىنىڭ جارتىسىنا جۋىعىن وندىرەتىنىن ايتتى.