tengrinews.kz
يراندىق سۋپەرتانكەر اقش-تىڭ ورمۋز بۇعازىنداعى تەڭىز بلوكاداسىن بۇزىپ ءوتتى
يراننىڭ ەكى ميلليون باررەل مۇناي تاسىمالداي الاتىن سۋپەرتانكەرى اقش-تىڭ ورمۋز بۇعازىنداعى تەڭىز بلوكاداسىن ءساتتى ەڭسەردى. بۇل تۋرالى Fars اقپارات اگەنتتىگىنە سىلتەمە جاساپ Infohub.kz حابارلايدى.
اگەنتتىكتىڭ مالىمەتىنشە، سانكسيا تىزىمىندەگى تانكەر اشىق تەڭىزبەن ورمۋز بۇعازىن كەدەرگىسىز، ءوزىنىڭ گەولوكاسيا جۇيەسىن قوسىپ وتكەن.
كەيىنىرەك اتالعان اقپارات قۇرالى پورتقا باعىت العان ازىق-تۇلىك تيەلگەن كەمە تۋرالى دا حابارلادى. بۇعان دەيىن Bloomberg اگەنتتىگى قىتايمەن بايلانىسى بار Rich Starry تانكەرىنىڭ دە ورمۋز بۇعازىنان وتكەنىن جازعان.
The Wall Street Journal گازەتىنىڭ حابارلاۋىنشا، اقش اسكەريلەرى ورمۋز بۇعازىن بلوكاداعا العان العاشقى تاۋلىكتە ودان 20-دان استام كوممەرسيالىق كەمە وتكەن.
اقش ورتالىق قولباسشىلىعىنىڭ باسشىسى برەد كۋپەر بولسا، امەريكالىقتار يرانعا باراتىن جانە يراننان شىعاتىن تەڭىز ساۋداسىن تولىق توقتاتتى دەپ مالىمدەدى.
اقش ورمۋز بۇعازىنا تەڭىز بلوكاداسىن يرانمەن وتكەن اپتادا وتكىزىلگەن كەلىسسوزدەردىڭ ءبىرىنشى كەزەڭىنەن كەيىن جاريالادى. كەلىسسوزدەر ناتيجەسىندە تەگەران بىرنەشە ماڭىزدى ماسەلە بويىنشا كەلىسىمگە كەلە الماعانىن حابارلادى. ۆاشينگتوننىڭ ايتۋىنشا، بۇل ماسەلەلەردىڭ قاتارىندا بايىتىلعان ۋران دا بار، ونى اقش يراننان الىپ قالۋدى تالاپ ەتىپ وتىر.
بلوكادا سەيسەنبى كەشكىسىن كۇشىنە ەندى. پرەزيدەنت دونالد ترامپ امەريكاندىق اسكەريلەر بۇل باعىتتى پايدالانۋعا تىرىسقان بارلىق كەمەلەردى توقتاتاتىنىن ەسكەرتتى. سونداي-اق، يرانعا ءوتۋ ءۇشىن اقى تولەگەن كەمەلەردى باقىلاۋعا جانە ۇستاۋعا تاپسىردى.
-
الماتىداعى يپپودرومدى قالا سىرتىنا كوشىرۋ نەمەسە جەكەمەنشىكتەن ساتىپ الۋ تۋرالى ۇسىنىستارعا جەتىسۋ اۋدانىنىڭ اكىمى ءلاززات جىلقىبايەۆا پىكىر ءبىلدىردى.
-
تانىمال جۋرناليست دينارا ءساتجان جاقىن قۇربىسى بايان ماقسات قىزى مەن كاسىپكەر تۇرسەن الاگوزوۆتىڭ جاڭا ۇيىنە قوناققا بارىپ، ونىڭ ەرەكشەلىگىن ايتىپ، كوپشىلىكتىڭ قىزىعۋشىلىعىن تۋدىردى.
