Photo: Şevval Pirinççi (https://www.pexels.com/@sevval-pirincci-997526) / Pexels
يراننىڭ رۋحاني كوسەمى ءالي حامەنەي ومىردەن وزدى
يراننىڭ جوعارعى رۋحاني جەتەكشىسى، اياتوللا ءالي حامەنەي ومىردەن وزدى. بۇل تۋرالى ەلدىڭ مەملەكەتتىك تەلەارنالارى مەن رەسمي اقپارات قۇرالدارى حابارلادى.
بۇل تۋرالى Infohub.kz اقپارات اگەنتتىگى حابارلايدى.
مالىمەتتەرگە سايكەس، حامەنەي 28 اقپان كۇنى تاڭەرتەڭ، اقش پەن يزرايل يرانعا قارسى اۋە وپەراسياسىن باستاعان ۋاقىتتا قايتىس بولعان. يراننىڭ مەملەكەتتىك IRNA اگەنتتىگى ونىڭ «شەيىت بولعانىن» حابارلادى.
ەلدە 40 كۇندىك ازا تۇتۋ جاريالاندى
حامەنەيدىڭ قايتىس بولۋىنا بايلانىستى يران اۋماعىندا 40 كۇندىك ازا تۇتۋ جاريالاندى. الداعى ءبىر اپتا جۇمىس كۇنى رەتىندە سانالمايدى.
ءالي حامەنەي كىم بولعان؟
ءالي حامەنەي 1989 جىلعى 4 ماۋسىمدا يراننىڭ جوعارعى رۋحاني جەتەكشىسى قىزمەتىنە تاعايىندالدى. بۇل شەشىم يران يسلام رەسپۋبليكاسىنىڭ نەگىزىن قالاۋشى رۋحوللا حومەينيدىڭ قايتىس بولۋىنان كەيىن قابىلداندى.
ودان بۇرىن، 1981-1989 جىلدارى ارالىعىندا ول يران پرەزيدەنتى قىزمەتىن اتقاردى. ونىڭ پرەزيدەنتتىك كەزەڭى يران-يراك سوعىسىمەن تۇسپا-تۇس كەلدى. بۇل كەزەڭدەگى سوعىس جاعدايى، حالىقارالىق وقشاۋلانۋ جانە ىشكى ساياسي تۇراقسىزدىق ونىڭ ساياسي تاجىريبەسىن قالىپتاستىردى.
حامەنەي بيلىگى كەزىندە يران يادرولىق باعدارلاماسىن دامىتۋدى جالعاستىرىپ، ايماقتىق ساياساتتا بەلسەندى ۇستانىم تانىتتى. دەگەنمەن، باتىس ەلدەرىمەن، اسىرەسە اقش-پەن قارىم-قاتىناسى كۇردەلى بولىپ قالا بەردى.
يراننىڭ ساياسي جۇيەسىندە جوعارعى جەتەكشى ەلدىڭ ستراتەگيالىق باعىتىن ايقىندايتىن باستى تۇلعا سانالدى. كونستيتۋسياعا سايكەس، پرەزيدەنت اتقارۋشى بيلىكتى باسقارعانىمەن، ماڭىزدى شەشىمدەر جوعارعى جەتەكشىنىڭ قۇزىرەتىندە بولدى.
-
يرانمەن اقش پەن يزرايل اراسىنداعى شيەلەنىس شيەلەنىسۋدە. تەگەران ورمۋز بۇعازىن جاۋىپ، الەمدىك مۇناي نارىعىنداعى جاعدايدى كۇردەلەندىردى.
-
سۋپەرماركەتى استانى پەرەسماتريۆايۋت سەننيكي نا سوسيالنو زناچيمىە پرودۋكتى. ۋزنايتە، كاكيە يزمەنەنيا پرويزوشلي ۆ فيەۆرالە.
