InfoHub Logo

رەسەيدىڭ ورىنبور وبلىسىنداعى يريكلين سۋ قويماسىنان جايىق وزەنىنە جىبەرىلەتىن سۋدىڭ كولەمى 15 اقپاننان باستاپ تاۋلىگىنە 139 تەكشە مەترگە دەيىن ۇلعايتىلدى. بۇعان دەيىن ءبىر اي بويى بۇل كورسەتكىش 90 تەكشە مەتر/سەكۋند بولعان.

بۇل تۋرالى Infohub.kz اقپارات اگەنتتىگى حابارلايدى.

سۋ تاسقىنى ءقاۋپى بار ما؟

«قازسۋشارۋاشىلىعى» رمك باتىس قازاقستان فيليالى ديرەكتورىنىڭ مىندەتىن اتقارۋشى راۋان قۇسايىنوۆتىڭ ايتۋىنشا، قازىرگى ۋاقىتتا سۋ قويماسى 82،5% تولعان. سۋ قويماسىنداعى بوس سىيىمدىلىق 570 ملن تەكشە مەترگە جەتكەن.

قۇسايىنوۆ 15 ناۋرىزعا دەيىن سۋ قويماسىنداعى سۋ كولەمىن 950 ملن تەكشە مەترگە جەتكىزۋ جوسپارلانعانىن اتاپ ءوتتى. سالىستىرمالى تۇردە، 2024 جىلى يريكلين سۋ قويماسىنان سۋدىڭ ەڭ كوپ جىبەرىلگەن كولەمى 2170 تەكشە مەتر/سەكۋند بولسا، وتكەن جىلعى تاسقىن كەزىندە بۇل كورسەتكىش 201 تەكشە مەتر/سەكۋندقا جەتكەن.

ەگەر جايىق وزەنىنە سۋدىڭ كەلۋى 1800 تەكشە مەتر/سەكۋندتان اسسا، جاعالاۋداعى ساياجاي القاپتارىنىڭ سۋ استىندا قالۋ ءقاۋپى بار.

بيىلعى سۋ تاسقىنى بولجامى

الدىن الا بولجامدارعا سايكەس، بيىل يريكلين سۋ قويماسىنا سۋدىڭ كەلۋى ورتاشا كوپجىلدىق كورسەتكىش 1،22 ملرد تەكشە مەترگە قاراعاندا 0،7-1،3 ملرد تەكشە مەتر ارالىعىندا بولادى دەپ كۇتىلۋدە. 2025 جىلعا ارنالعان بولجام 1–2 ملرد تەكشە مەتر بولسا، ناقتى كەلگەن سۋ كولەمى 1،180 ملرد تەكشە مەتردى قۇرادى.

بۇعان دەيىن 15 قاڭتاردان باستاپ سۋ قويماسىنان تاۋلىگىنە 90 تەكشە مەتر سۋ جىبەرىلىپ كەلگەنى حابارلانعان بولاتىن.