Tengrinews.kz / تۋرار كازانگاپوۆ
ىشكى ىستەر مينيسترلىگى جاستاردى «وڭاي اقشانىڭ» ارتىنداعى ءقاۋىپ تۋرالى ەسكەرتتى
جازعى دەمالىس قارساڭىندا قازاقستاننىڭ ىشكى ىستەر مينيسترلىگى مەكتەپ وقۋشىلارى مەن ستۋدەنتتەرگە ۇندەۋ تاستادى. مينيسترلىك ينتەرنەتتەگى «وڭاي تابىس» تۋرالى جالعان ۇسىنىستارعا الدانىپ قالماۋعا شاقىردى.
بۇل تۋرالى Infohub.kz اقپارات اگەنتتىگى حابارلايدى.
ينتەرنەتتەگى «وڭاي جۇمىس» – ءقاۋىپتى ارنا
ىشكى ىستەر مينيسترلىگىنىڭ مالىمەتىنشە، جاز ايلارىندا الەۋمەتتىك جەلىلەردە جانە ينتەرنەتتە «ەش قيىندىقسىز تەز اقشا تابۋ» تۋرالى جارنامالار ءجيى پايدا بولادى. الايدا، بۇل ۇسىنىستاردىڭ كوبى ەسىرتكى زاتتارىن تاراتۋ، جارنامالاۋ جانە تاسىمالداۋ سياقتى زاڭسىز ارەكەتتەرمەن بايلانىستى ەكەنى انىقتالدى.
ەسىرتكى قىلمىسىنا قارسى ءىس-قيمىل كوميتەتى ءتوراعاسىنىڭ ورىنباسارى قۋاندىق الجانوۆ بۇل ارەكەتتەردىڭ قانشالىقتى ءقاۋىپتى ەكەنىن اتاپ ءوتتى. ول 16 جاستان باستاپ ەسىرتكى قىلمىستارى ءۇشىن قىلمىستىق جاۋاپكەرشىلىك بولاتىنىن ەسكە سالدى.
«بوستاندىق اقشادان قىمبات»
«ءبىر ساتتىك «وڭاي جۇمىس» بۇكىل ءومىرىڭدى كۇيرەتۋى مۇمكىن. ەگەر سىزگە كۇماندى جۇمىس ۇسىنىلسا، باس تارتۋعا شاقىرامىز. جىلتىراعان جالعان اقشا ءۇشىن بوستاندىعىڭىزدى، تاعدىرىڭىزدى جانە ءومىرىڭىزدى تاۋەكەلگە تىكپەڭىز. اقىلمەن تاڭداۋ جاساڭىز – ءبىر جازعا ەمەس، ءومىر بويىنا. بوستاندىق اقشادان قىمبات. بولاشاق پايدادان ماڭىزدى»، – دەدى قۋاندىق الجانوۆ.
مينيسترلىك ەسىرتكىگە قاتىستى قىلمىستار ءۇشىن جازانىڭ وتە قاتاڭ ەكەنىن جانە ءومىر بويىنا باس بوستاندىعىنان ايىرۋدى قامتۋى مۇمكىن ەكەنىن باسا ايتتى.
-
گراجدانين كازاحستانا سموگ ۆزىسكات س دولجنيكا سۋممۋ، كوتورۋيۋ ون ۆىپلاتيل پو ەگو كرەديتۋ، بلاگوداريا رەشەنيۋ سۋدا.
-
ۇلتتىق ستاتيستيكا بيۋروسى قازاقستان بويىنشا ورتاشا جانە مەدياندىق جالاقى تۋرالى دەرەكتەردى جاريالادى. ءبىرىنشى توقسانداعى كورسەتكىشتەر قانداي بولدى؟
