سوڭعى جاڭارتۋ

(وزگەرتىلگەن ۋاقىتى 6 ساعات بۇرىن)
جابايى اڭدار
تاقىرىبى: جابايى اڭدار

ماقساتى: جابايى اڭدارمەن تانىستىرۋ.
بىلىمدىلىك: جابايى اڭداردىڭ اتىن دۇرىس ايتۋعا ۇيرەتۋ.
بالالارعا سۇراققا تولىق سويلەم قۇراپ، جاۋاپ بەرۋگە ۇيرەتۋ.
دامىتۋشىلىق: سوزدىك قورىن بايىتۋ، ءتىل مادەنيەتىن جەتىلدىرۋ.
جابايى اڭداردىڭ كەيبىر ەرەكشەلىكتەرىن سالىستىرۋ، قورەكتەنۋى تۋرالى تۇسىنىك بەرۋ.
تاربيەلىك: اڭداردىڭ ءتۇر - تۇستەرىنە كوڭىل اۋدارىپ، ولارعا قامقورلىقپەن قاراۋعا تاربيەلەۋ.
كورنەكىلىكتەرى: جابايى اڭدار سۋرەتتەرى، بەينەتاسپا، قۇراستىرما سۋرەتتەر، ورمان كورىنىسى.

ۇيىمداستىرۋ، امانداسۋ، شاتتىق شەڭبەرى.
- ارمىسىڭ التىن كۇن!
- ارمىسىڭ كوك اسپان!
- امانسىڭ با جەر انا!
- سالاماتسىز با، بالاباقشا؟!
- سالاماتسىز با، قوناقتار؟!
ەندى قويان بولىپ سەكىرىپ ورنىمىزدى تابايىق.
- بالالار ءقازىر جىلدىڭ قاي مەزگىلى؟ - قىس مەزگىلى.
قىستا كۇن قانداي بولادى؟ - اينالا اپپاق قار، اياز، بوران سوعادى.
قىس ايلارىن اتا - جەلتوقسان، قاڭتار، اقپان.
ءقازىر قاي اي؟ - اقپان ايى.

تاربيەشى: ەندى بالالار جاڭا ساباعىمىزعا كوشەمىز، تاقىرىبى: «جابايى اڭدار»
ەسىك قاعىلدى ورماننان حات تاسۋشى اپاي كەلدى.
سالەمەتسىزدەر مە، بالالار؟ بۇل قاي توپ؟
- بۇل «بالاپان» توبى.
مەن سەندەرگە ورماننان حات اكەلدىم.
تاربيەشى: كەل بالالار حاتتى اشىپ كورەيىك.
بالالار سەندەرگە ورمانداعى جابايى اڭدار وزدەرىنىڭ سۋرەتتەرىن سالىپ جىبەرىپتى. بالالار بۇل اڭداردى تانيسىڭدار ما، قانە اتىن اتاپ كورەيىكشى.
- قويان قانداي؟ - اق
قاسقىر قانداي؟ - كوك
تۇلكى قانداي؟ - قىزىل
ارىستان قانداي؟ - سارى
- جولبارىس قانداي؟ - الا.
ارىستاندى اڭ پاتشاسى دەپ اتايدى.
بالالار بۇل اڭداردى سەندەر قايدان كوردىڭدەر؟
- سۋرەتتەردەن، تەلەديداردان كوردىك.
بالالار جابايى اڭدار ورماندا، تاۋلى جەرلەردە مەكەندەيدى.
ولار ءوز ازىقتارىن وزدەرى تاۋىپ جەيدى.
جابايى اڭدار جىرتقىش جانە پايدالى بولىپ بولىنەدى.
اڭداردىڭ بىزگە پايداسى مول، ولاردىڭ تەرىسىنەن تون، جاعا كيىمدەر، باس كيىمدەر تىگەدى.
نەمەن قورەكتەنەدى؟

قاسقىر مەن جولبارىس وزدەرىنەن كىشى اڭدارعا شابادى.
تۇلكى ۇساق اڭدارمەن، تىشقاندارمەن قورەكتەنەدى.
قويان: شوپتەرمەن قورەكتەنەدى، ەڭ سۇيىكتى تاعامى – ءسابىز.
ايۋ: جازدا جەمىس - جيدەكتەرمەن ال قىستا ۇيىقتايدى.
ال ەندى بالالار سەندەردىڭ ارالارىڭدا جابايى اڭداردىڭ بالاسى نەمەسە كۇشىكتەرى وتىر ەكەن، ولاردى ورتاعا شاقىرىپ تانىسايىق.
قوياننىڭ بالاسى - كوجەك
ايۋدىڭ بالاسى – قونجىق
قاسقىردىڭ بالاسى – بولتىرىك
تۇلكىنىڭ بالاسى – تۇلكىشەك
جولبارىستىڭ بالاسى – شونجىك
ارىستاننىڭ بالاسى – ابدان دەپ اتالادى. وسى اڭدارىمىز بىزگە تاقپاقتارىن ايتادى.
تۇلكى. ءوزىم ايلاكەر، ءوزىم قۋ،
جۇرگەن جەرىم ايقاي - شۋ.

قاسقىر: قاسقىر جورتار تۇنىمەن
كۇندەس بولىپ كۇنىمەن.

ايۋ: ايۋ وتىر پارتادا
ەكى قولى قالتادا،
اپاي ساباق سۇراسا
ۇيىقتاپ قالدى ماسقارا.

قويان: اق قويانمىن، قويانمىن.
ۇركەك قويان ساق قويان
دىبىس شىقسا قاشامىن،
بەلدەردەن ءبىر - اق اسامىن.

سەرگىتۋ ءساتى
ورمانداعى ايۋدىڭ
قۇلپىنايى كوپ ەكەن
تەرىپ - تەرىپ الايىق
قالتامىزعا سالايىق.
ەندى ءبىز بەينەتاسپادان جالپى باسقادا جابايى اڭدار بار ەكەنىن كورۋگە شاقىرامىن. اڭدارعا شولۋ جاساۋ.

قورىتىندى.
دىبىستىق جاتتىعۋلار:
- ىر – ىر – ىر ىرىلدايدى قاسقىر،
- كى – كى – كى بۇلاڭدايدى تۇلكى،
- يان – يان – يان جۇگىرىپ ءجۇر قويان.
- يۋ – يۋ – يۋ قورباڭدايدى ايۋ.
بالالار جۇمباق ايتادى.
قالقيعان قۇلاعى بار
ەلەڭدەپ قورقىپ تۇرادى.(قويان)
قىس بويى ۇيىقتايدى،
كوكتەمدە ويانادى( ايۋ)
ءوزى ايلاكەر، ءوزى قۋ،
جۇرگەن جەرى ايقاي - شۋ. (تۇلكى)
قۇراستىرۋ. بىلىمدەرىن بەكىتۋ.
اڭداردىڭ قيىلعان سۋرەتتەرىن قۇراستىرۋعا بەرىلەدى.
بالالار ءبىز بۇگىن جابايى اڭدارمەن تانىستىق.
- ولار قايدا مەكەندەيدى؟
- قانداي جانۋارلارمەن تانىستىق؟
بالالاردى ماداقتاۋ. اڭداردىڭ بەت پەردەسىن سىيلىققا تاراتامىن.
بۇگىنگى ساباعىمىزعا قاتىسقاندارىڭا راحمەت.
ورنىمىزدان تۇرايىق
ءتۇزۋ سىزىق قۇرايىق،
كورىسكەنشە كۇن جاقسى
ساۋ - سالامات بولايىق.

You Might Also Like

جاڭالىقتار

جارناما