Photo: Alexa Popovich (https://www.pexels.com/@alexapopovich) / Pexels
«جالاقىمنان ءبىر جىل بويى 50 مىڭ تەڭگە اۋداردىم»: پاراكاراتەشى ادىلەت ىزدەيدى
پاراكاراتەشى جەتەس نۇرماعانبەتوۆ استانا قالالىق كاراتە فەدەراسياسىنىڭ باسشىلىعى تاراپىنان قىسىم كورگەنىن ايتىپ، قۇزىرلى ورگانداردان ادىلەت سۇراپ وتىر. ونىڭ ايتۋىنشا، ءبىر جىلدان استام ۋاقىت بويى ونىڭ جالاقىسىنان اي سايىن 50 مىڭ تەڭگەدەن اۋدارىلىپ كەلگەن.
بۇل تۋرالى Infohub.kz اقپارات اگەنتتىگى حابارلايدى.
سپورتشىنىڭ ايتقانى
38 جاستاعى جەتەس نۇرماعانبەتوۆ – ءبىرىنشى توپتاعى مۇگەدەك. سەرەبرالدى سال اۋرۋىنا شالدىققان سپورتشى 2021 جىلدان بەرى پاراكاراتەمەن اينالىسىپ كەلەدى. ول 2022 جىلى جۇمىسقا ورنالاسقاندا، جالاقىسى 102 مىڭنان 120 مىڭ تەڭگەگە دەيىن وسكەنىن ايتادى. الايدا، سول كەزدەن باستاپ اي سايىن 50 مىڭ تەڭگەنى بەلگىلى ءبىر ادامداردىڭ Kaspi Gold نومىرلەرىنە اۋدارىپ وتىرعان.
باستاپقىدا بۇل قاراجات مۇقتاج جاندارعا، اتاپ ايتقاندا، جالعىزباستى انالار مەن كوپبالالى وتباسىلارعا كومەك رەتىندە بەرىلەدى دەگەن تۇسىنىك بولعان. الايدا، سپورتشى يپوتەكا العاننان كەيىن بۇل تالاپتىڭ زاڭدىلىعىنا كۇماندانىپ، اۋدارىمدى توقتاتقىسى كەلگەندە، وعان قىسىم كورسەتىلگەنىن جەتكىزدى.
«يپوتەكا تولەپ وتىرعان ادامعا بۇل وڭاي ەمەس. اقشا اۋدارۋدى توقتاتاتىنىمدى ايتقاندا، “جۇمىستان شىق” دەدى»، – دەيدى نۇرماعانبەتوۆ.
رەسمي ارىز جانە جاۋاپ
2026 جىلدىڭ قاڭتارىندا جەتەس نۇرماعانبەتوۆ eء-وتىنىش ارقىلى رەسمي ارىز جازعان. ونىڭ ايتۋىنشا، ون كۇن وتكەن سوڭ فەدەراسيا وكىلى ۇيىنە كەلىپ، كەشىرىم سۇراپ، 1 ملن 150 مىڭ تەڭگەنى قولما-قول قايتارماق بولعان. الايدا، سپورتشى بۇل اقشانى الماعانىن ايتادى.
نۇرماعانبەتوۆتىڭ سوزىنشە، ءوزى سياقتى تاعى شامامەن 10 ادام وسىنداي جاعدايعا تاپ بولعان. سپورتشى بۇل ماسەلە بويىنشا پروكۋراتۋراعا، پوليسياعا جانە ۇقك دەپارتامەنتىنە شاعىمدانعان. الايدا، ونىڭ ادۆوكاتى داستان يگۋبايەۆتىڭ ايتۋىنشا، ءىس ءالى كۇنگە دەيىن تولىققاندى قارالماي، «قىلمىستىق قۇرام جوق» دەگەن سىلتاۋمەن قايتا-قايتا توقتاتىلىپ جاتىر.
فەدەراسيا وكىلىنىڭ جاۋابى
اتالعان ايىپتاۋلارعا قاتىستى WKF كاراتەدەن استانا قالالىق فەدەراسياسىنىڭ ۆيسە-پرەزيدەنتى مەيرامگۇل دۋكۋيەۆا بارلىق مالىمدەمەلەردى جوققا شىعاردى. ول مۇنى جالا جابۋ دەپ اتاپ، بۇعان دەيىن دە مۇنداي ارىزدار بولعانىن، ءبىراق ەشقايسىسى دالەلدەنبەگەنىن ايتتى. «قالاسا، تاعى دا سوتقا جۇگىنسىن»، – دەدى دۋكۋيەۆا.
بۇل ماسەلەگە بايلانىستى ق ر تۋريزم جانە سپورت مينيسترلىگىنە رەسمي ساۋال جولداندى.
-
ميۋنحەنسكايا «باۆاريا» ودەرجالا پوبەدۋ ناد مادريدسكيم «رەالوم» سو سچەتوم 2:1 ۆ پەرۆوم ماچە چەتۆەرتفينالا ليگي چەمپيونوۆ ۋەفا.
-
A disabled parakarate athlete alleges illegal deductions from his salary for over a year، seeking justice from authorities after facing pressure to continue the payments.
