جامبىل وبلىسىندا 13 جاسار قىزدى زورلاعان تۋىس اعالارى ءومىر بويىنا سوتتالدى
جامبىل وبلىسى، مويىنقۇم اۋدانىندا ادام شوشىرلىق وقيعا انىقتالدى. 13 جاسىندا بوسانعان قىزدىڭ التى جىل بويى زورلىق كورگەنى بەلگىلى بولدى. تەرگەۋ بارىسىندا ونى ءوز اكەسىنىڭ تۋعان اعالارى — 35 جانە 37 جاستاعى ەكى ەر ادام ۇزاق ۋاقىت بويى قورلاپ كەلگەنى انىقتالعان.
قىزدىڭ جۇكتى ەكەنىن ەشكىم بايقاماعان، ءتىپتى مۇعالىمدەرى دە. تەك دەنە وزگەرىستەرى انىق بايقالعاندا عانا شىندىق اشىلىپ، قىز 13 جاسىندا ءسابي دۇنيەگە اكەلدى. وقيعادان كەيىن قوزعالعان قىلمىستىق ءىس بويىنشا سوت ۇكىمى شىقتى. ايىپتىلاردىڭ ءبىرى ءومىر بويىنا، ەكىنشىسى 20 جىلعا باس بوستاندىعىنان ايىرىلدى.
بۇل جاعداي بالالار قاۋىپسىزدىگىنە نازار اۋدارۋ قاجەتتىگىن تاعى ءبىر مارتە كورسەتتى. قۇقىق قورعاۋشىلار اتا-انالار مەن پەداگوگتاردى بالانىڭ مىنەز-قۇلقىنداعى كەز كەلگەن وزگەرىسكە بەيجاي قاراماۋعا شاقىرىپ وتىر.
You Might Also Like
-
تۇرسىن الاگوزوۆتىڭ الماتىدا 100 جۇمىسشىسىنا پاتەر تارتۋ ەتۋى قوعامدا رەزونانس تۋعىزدى. الايدا بۇل ارەكەت بىرەۋلەردىڭ كوڭىلىنەن شىقپاعانداي، دەپ جازادى اشكەرە.
-
استانادا اتوم جانە ەنەرگەتيكالىق قاداعالاۋ كوميتەتىنىڭ القا وتىرىسى ءوتتى
