tengrinews.kz
جامبىل وبلىسىندا پوليسيا قۋىپ جەتكەن كولىكتىڭ ۆيدەوسى جاريالاندى
جامبىل وبلىسىندا رەيدتىك شارالار كەزىندە پوليسيا قىزمەتكەرلەرى ۆاز اۆتوكولىگىن توقتاتپاق بولدى. الايدا، جۇرگىزۋشى ولاردىڭ تالابىن ەلەمەي، قاشىپ قۇتىلۋعا تىرىسقان.
بۇل تۋرالى Infohub.kz اقپارات اگەنتتىگى حابارلايدى.
جۇرگىزۋشىنىڭ ارەكەتى ءتارتىپ ساقشىلارىنىڭ كۇدىگىن تۋدىرعان. كەيىننەن مەديسينالىق كۋالاندىرۋ ونىڭ ورتا دارەجەدەگى ماس كۇيىندە بولعانىن راستادى.
بۇرىنعى جازاسىنا قاراماستان
بەلگىلى بولعانداي، بۇل ونىڭ العاشقى بۇزۋشىلىعى ەمەس. 2024 جىلى تاراز قالاسىنداعى مامانداندىرىلعان اكىمشىلىك سوتىنىڭ شەشىمىمەن ول بۇعان دەيىن 7 جىلعا جۇرگىزۋشى كۋالىگىنەن ايىرىلىپ، 15 تاۋلىككە قاماۋعا الىنعان بولاتىن. سوعان قاراماستان، ازامات قايتادان كولىك تىزگىنىنە وتىرىپ، ماس كۇيىندە كولىك باسقارعان.
قىلمىستىق ءىس قوزعالدى
قازىرگى ۋاقىتتا بۇل دەرەك بويىنشا سوتقا دەيىنگى تەرگەۋ باستالدى. بۇزۋشى ۋاقىتشا ۇستاۋ يزولياتورىنا قامالىپ، كولىك ارنايى ايىپپۇل تۇراعىنا قويىلدى.
اعىمداعى جىلدىڭ باسىنان بەرى جامبىل وبلىسىندا بارلىعى 291 جۇرگىزۋشى ماس كۇيىندە كولىك باسقارعانى ءۇشىن جاۋاپكەرشىلىككە تارتىلعانى حابارلاندى.
-
اقش پرەزيدەنتى دونالد ترامپ يرانمەن بەيبىت كەلىسىمگە قول جەتكىزىلگەن جاعدايدا، اقش-تىڭ يران پورتتارىنا قويعان بلوكاداسىنىڭ توقتاتىلاتىنىن مالىمدەدى.
-
الماتىنىڭ ماڭىزدى كولىك ارتەريالارىنىڭ ءبىرى سانالاتىن تالعار تاس جولىندا اۋقىمدى جوندەۋ جۇمىستارى باستالادى. جوبانىڭ ەگجەي-تەگجەيىن ءبىلىڭىز.
