Photo: Somchai Kongkamsri (https://www.pexels.com/@chaikong2511) / Pexels
جامبىل وبلىسىنداعى اسكەري بولىمدە ساربازدى ۇرىپ سوققان: كومانديرلەر قىزمەتىنەن بوساتىلدى
جامبىل وبلىسىنداعى اسكەري بولىمدە ساربازدى ۇرىپ سوققان وقيعادان كەيىن بىرنەشە كوماندير قىزمەتىنەن بوساتىلدى. بۇل تۋرالى قورعانىس مينيسترلىگى حابارلادى.
بۇل تۋرالى Infohub.kz اقپارات اگەنتتىگى حابارلايدى.
وقيعا گۆاردەيسك گارنيزونىنداعى اسكەري بولىمدەردىڭ بىرىندە بولعان. ءبىر اسكەري قىزمەتشى ءوزىنىڭ ارىپتەسىن ۇرىپ سوققان. سالدارىنان زارداپ شەككەن سارباز جاق سۇيەگىنەن جاراقات الىپ، الماتىداعى اسكەري-كلينيكالىق گوسپيتالعا جەتكىزىلدى.
قىلمىستىق ءىس قوزعالدى
قورعانىس مينيسترلىگىنىڭ مالىمەتىنشە، وقيعا بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە.
كىمدەر قىزمەتىنەن بوساتىلدى؟
تەسەرۋ ناتيجەسىندە ءبولىم كومانديرى، ونىڭ تاربيە جانە يدەولوگيالىق جۇمىستار جونىندەگى ورىنباسارى، باتالون كومانديرى جانە روتا كومانديرى قىزمەتتەرىنەن بوساتىلدى. تاعى بىرنەشە باسشىعا قىزمەتتىك سايكەسسىزدىك تۋرالى ەسكەرتۋ جاسالدى. ءبىرقاتار وفيسەر مەن سەرجانت قاتاڭ تارتىپتىك جازا الدى.
«قابىلدانعان شارالار لاۋازىمىنا قاراماستان، تۇلعالىق جانە ءسوزسىز جاۋاپكەرشىلىك قاعيداتىن كورسەتەدى»، - دەپ مالىمدەدى مينيسترلىك.
تەرگەۋ اياقتالعاننان كەيىن قورىتىندى شەشىم قابىلدانادى.
-
جاڭارتىلعان جاستار تەاترىنىڭ اشىلۋ مەرزىمى ءبىر ايعا ۇزارتىلدى. جوبانىڭ جالپى قۇنى 23،9 ملرد تەڭگەگە جەتتى.
-
Several military leaders in Kazakhstan's Zhambyl region have been removed from their posts following an incident where a soldier was beaten and injured.
