InfoHub Logo

جامبىل وبلىسىنىڭ تۇرعىنى كۇتپەگەن جەردەن 34 جىل بۇرىنعى قىسقا قارىم-قاتىناسى زاڭدى نەكەگە اينالعانىن ءبىلدى. ول بۇل نەكەنى زاڭسىز دەپ تانۋ ءۇشىن سوتقا جۇگىندى.

بۇل تۋرالى Infohub.kz اقپارات اگەنتتىگى حابارلايدى.

تاريحي دەرەكتەر

1991 جىلى ەر ادام ءبىر قىزبەن كەزدەسىپ، وتباسىن قۇرۋدى جوسپارلاعان. الايدا، ءتورت ايدان كەيىن ولار اجىراسىپ كەتكەن. ەشقانداي قۇجاتتارعا قول قويىلماعان، نەكە كۋالىگى الىنباعان.

ءارقايسىسى ءوز جولىمەن كەتكەن: 1994 جىلى قىز باسقا اداممەن زاڭدى نەكەگە تۇرعان، ال ەر ادام 2021 جىلى وتباسىن قۇرعان.

قىزىقتى دەرەكتەر

2025 جىلى ەر ادام بانكتىك قوسىمشا ارقىلى 1991 جىلى تىركەلگەن نەكەنى بىلگەن. سوتقا جۇگىنىپ، بۇل نەكەنى جويۋعا تىرىستى.

سوت ماتەريالدارىن زەرتتەۋ بارىسىندا قىزىقتى دەرەك انىقتالدى: نەكە اكتىسىندەگى قولتاڭبالار ەر ادام مەن ايەلگە تيەسىلى ەمەس، ءۇشىنشى تۇلعا قويعان. سونىمەن قاتار، سول جىلعى ازاماتتىق حال اكتىلەرىن تىركەۋ كىتابى ساقتاۋ مەرزىمى اياقتالعاندىقتان جويىلعان.

سوتتا ەر ادامنىڭ جاقىن دوسى مەن كورشىسى كۋالىك بەرىپ، نەكە تىركەۋ راسىمىنە قاتىسپاعانىن جانە ەشقانداي قۇجاتتارعا قول قويماعانىن راستادى. راگس وكىلى سوتقا كەلمەدى.

سوت 1991 جىلعى نەكە تىركەۋ ءراسىمى زاڭدى بۇزۋشىلىقپەن وتكەنىن انىقتادى: تاراپتار راسىمگە جەكە قاتىسپاعان، ال مۇنداي "قاشىقتىقتان نەكە" زاڭدا قاراستىرىلماعان. اكت جازباسى جارامسىز دەپ تانىلدى.