Photo: Cara Denison (https://www.pexels.com/@cara-denison-886614634) / Pexels
جانبولات پەن جازيرا ءانشى كەنجەبەكپەن قۇدا بولدى: ۇلدارىنىڭ جارى تانىس تۇلعا ەكەنى بەلگىلى بولدى
ءانشى جازيرا بايىربەكوۆا ءوزىنىڭ Instagram پاراقشاسىندا ۇلى جانبولاتتىڭ جارىنا سىرعا سالعانىن حابارلادى. بۇل جاڭالىق قازاقستاندىق جۇلدىزدار اراسىنداعى جاڭا قۇدالىقتى رەسمي تۇردە راستادى.
بۇل تۋرالى Infohub.kz اقپارات اگەنتتىگى حابارلايدى.
سالت-داستۇرمەن اتقارىلعان ءراسىم
ونەر يەلەرى قازاقى سالت-داستۇرگە ساي، بولاشاق كەلىنىنىڭ قۇلاعىنا سىرعا تاعىپ، رەسمي تۇردە قۇدا اتاندى. جەلىدە تاراعان بەينەجازبالاردان جانبولات پەن جازيرانىڭ كەنجەبەك ءجانابىلوۆتىڭ شاڭىراعىنا بارعانى كورىنەدى. ۆيدەودا ءۇي يەسىنىڭ جاڭا قۇدالاردى جىلى قابىلداپ، تورگە وزدىرعان ءساتى كورسەتىلگەن.
قاۋەسەت راستالدى
بۇعان دەيىن وقىرمان اراسىندا جانبولات پەن جازيرانىڭ كەلىنى كەنجەبەكتىڭ بالدىزى ەكەندىگى تۋرالى قاۋەسەت تاراعان بولاتىن. بۇگىنگى ءراسىم وسى قاۋەسەتتىڭ راستالعانىن كورسەتتى.
«اللاعا شۇكىر، بۇگىن – جۇرەگىمىزدى قۋانىشقا بولەگەن، ەرەكشە باقىتتى كۇنىمىز. قازاقتىڭ سالت-داستۇرىمەن، ۇلىمىزعا اق قۇسىن قوندىرۋعا نيەت ەتىپ، قۇدالار بولىپ، اق كەلىنىمىزگە سىرعا سالۋعا كەلدىك. بۇل – ەكى اۋلەتتىڭ تابىسقان، بەرەكەلى باستاماسىنىڭ بەلگىسى. اللا تاعالا وسى قۋانىشىمىزدى باياندى ەتىپ، جاس جۇبايلاردىڭ وتاۋىنا ماحاببات پەن بەرەكە ءناسىپ ەتسىن. تىل-كوزدەن ساقتاسىن»، – دەپ جازدى جازيرا بايىربەكوۆا ءوزىنىڭ الەۋمەتتىك جەلىسىندە.
-
اياز بەن اشتىققا توتەپ بەرگەن مالشىنى قۇتقارۋشىلار تاۋىپ الدى. ول بەس كۇن بويى قار جەپ، اياعىنىڭ سىنىپ قالعانىنا قاراماستان ءتىرى قالدى.
-
ماڭعىستاۋ وبلىسىندا سۋ تاپشىلىعىن ەڭسەرۋ جانە سۋمەن قامتاماسىز ەتۋدى جاقسارتۋ ماقساتىندا جاڭا سۋ كوزدەرىن انىقتاۋ بويىنشا جۇمىستار جۇرگىزىلۋدە.
