جاقسى كورەتىنىڭىزدى ايتىڭىز
اتاقتى پسيحولوگ ءبىر كونفەرەنسياسىندا “كىمدى جاقسى كورسەڭىز، وعان بارىپ جاقسى كورگەنىڭىزدى اشىق ايتىڭىز”، — دەگەندى ايتادى. ءبىر اپتا وتكەندە پسيحولوگقا ءبىر جاس جىگىت تەلەفون سوعادى:
— وتكەن اپتادا ايتقان ءسوزىڭىز مەنى قاتتى ويلاندىردى. كونفەرەنسيادان شىعىپ، ۇيگە دەيىن جاقسى كورەتىن ەشكىمىم جوق ەكەنى تۋرالى ويلاپ باردىم. مەن وسىدان بەس جىل بۇرىن اكەممەن قاتتى ۇرىسىپ ۇيدەن كەتكەن بىرەۋمىن. سول كەزدەن بەرى بىر-بىرىمىزگە ءتىل قاتپايتىن بولدىق. ءتىپتى وتباسى بىرگە جينالعان كەزدەردىڭ وزىندە، ونىمەن كەزدەسپەۋگە تىرىساتىنمىن. ۇيگە جەتكەنىمدە “جاقسى كورەتىنىمدى” اكەمە ايتۋعا نيەتتەندىم. وسىنداي شەشىمگە كەلۋدىڭ ءوزى ۇستىمنەن اۋىر جۇك تۇسىرگەندەي بولدى. ۇيدەن شىعىپ، اتا-انامنىڭ ءۇيى جاعىنا باردىم. ولاردىڭ ەسىگىن قاعىپ، ەسىككە اكەمنىڭ شىعۋىن تىلەدىم. ويتكەنى ءبىرىنشى انامدى كورىپ قالسام، جاقسى كورگەنىمدى وعان ايتىپ اكەمە جولىعۋعا تاعى دا باتىلىم بارماي كەتەتىنىمدى سەزدىم. ەسىكتى اكەم اشتى. تابالدىرىقتى اتتاماي ەسىكتىڭ الدىنان: — “اكە، سەنى جاقسى كورەتىنىمدى ايتۋ ءۇشىن كەلدىم”، — دەدىم. اكەم بىردەن مۇلدەم باسقا ادام بولىپ كەتكەندەي بولدى: ءجۇزى جۇمسارىپ، كوزى جاساۋرادى! مەنى قۇشاقتاي سالىپ، باسىمنان سيپالاي بەردى دە:
— “مەن دە سەنى جاقسى كورەمىن، ۇلىم مەنىڭ. وسىنى ەرتەرەك ايتپاعانىما كەشىر”، — دەدى.
ەكى كۇننەن كەيىن اكەم ينفاركت بولىپ، اۋرۋحاناعا ءتۇستى. اكەمە جاقسى كورگەنىمدى ايتپاي تاعى جۇرە بەرگەنىمدە … وعان جاقسى كورگەنىمدى ايتىپ ۇلگەرمەگەنىمدە … ولاي ويلاۋدىڭ ءوزى قورقىنىشتى. ايتايىن دەگەنىم —جاقسى كورگەنىمىزدى دەر كەزىندە ايتۋ كەرەكتىگىن جاقسى ۇققاندايمىن. راقمەت سىزگە!
وقۋعا كەڭەس بەرەمىز:
دجون روكفەللەر بەرگەن چەك
You Might Also Like
-
قازاق حالقىنىڭ ۇلتتىق داستۇرلەرى مەن ادەت-عۇرىپتارى، رۋحاني ۇعىمدارى يسلام دىنىمەن ورىلگەن. داستۇرلەردىڭ كوپشىلىگى ءدىني نەگىزگە يە. سوندىقتان ۇلتتىق داستۇرلەر مەن ادەت-عۇرىپتار مادەنيەتتىڭ قاينار ك...
-
اقبوكەندى زەرتتەۋشى قازاقستاندىق عالىم البەرت سالەمگارەيەۆ تابيعاتتى قورعاۋ سالاسىنداعى بەدەلدى Whitley Awards 2023 جۇلدەسىن الدى.
