InfoHub Logo

قازاقستاندىق تانىمال ءانشى جازيرا بايىربەكوۆا كوۋچ اينۇر تۇرسىنبايەۆانىڭ ۇيىمداستىرۋىمەن وتكەن پسيحولوگيالىق رەتريتكە قاتىسىپ، العان اسەرىن جەلىدە جاريالادى. بۇل شارا ونەر يەسىنە ءوزىن جاڭا قىرىنان تانۋعا مۇمكىندىك بەرگەن.

بۇل تۋرالى Infohub.kz اقپارات اگەنتتىگى حابارلايدى.

ءانشى رەتريت بارىسىندا اينۇر تۇرسىنبايەۆانى تەرەڭ ءبىلىمى بار كاسىبي پسيحولوگ رەتىندە تانىعانىن ايتتى. «مەن ايەكەمدى بۇرىننان تانيمىن، ءبىراق رەتريتتا ونى مۇلدەم باسقا قىرىنان – تەرەڭ، كاسىبي پسيحولوگ رەتىندە كوردىم»، – دەپ جازدى جازيرا بايىربەكوۆا.

ءوزىڭدى تانۋعا باعىتتالعان تاجىريبە

بايىربەكوۆا بۇل تاجىريبەنىڭ وزىنە ەرەكشە اسەر ەتكەنىن اتاپ ءوتتى. «پسيحولوگيالىق رەتريتكە قاتىسىپ، ءوزىمدى جاڭادان تانىعانداي بولدىم. ەگەر تاعى رەتريتى بولسا، مىندەتتى تۇردە قاتىسىڭىزدارشى»، – دەپ كەڭەس بەردى ءانشى.

ءسوزدىڭ قۇدىرەتى تۋرالى

رەتريتتە كوۋچ اينۇر تۇرسىنبايەۆا دا ءوز ويىمەن ءبولىسىپ، ءسوزدىڭ ماڭىزدىلىعىنا توقتالدى. «جاقسى سويلە، بولماسا ۇندەمە. اۋىزدان شىققان ءاربىر ءسوز – دۇعا. سوندىقتان تەك جاقسىنى ايتىپ، جاقسىلىق تىلەيىك. اۋىزدان شىققان ءاربىر ءسوزدىڭ سالماعى بار. جاقسى ءسوز جاقسىلىقتى شاقىرادى، ال تەرىس ءسوز ءوز يەسىنە قايتا ورالادى»، – دەدى تۇرسىنبايەۆا.

ول سونداي-اق، بۇرىنعى اقىندار مەن ايتىسكەرلەردىڭ دە اۋىر سوزدەردىڭ اسەرىن ومىرلەرىندە كورگەنىن مىسالعا كەلتىردى.

سوڭعى ۋاقىتتا قازاقستاندىق تانىمال تۇلعالار اراسىندا پسيحولوگيالىق رەتريتتەرگە قاتىسۋ جيىلەپ كەتكەنى بايقالادى.