جارالى اق بوكەن
قۇرالايدى كوزىنەن اتقان مەرگەن جىگىت اڭ اۋلاۋعا شىعادى. نە كەزىكسە قۇتقارمايتىن، نەنى اتىپ الام دەپ اتتانسا، سونى قانجىعالاپ كەلەتىن مەرگەن بۇل جولى اق بوكەن اتىپ اكەلۋ نيەتىمەن شىعادى ەكەن. ول جول-جونەكەي كەزىككەن باسقا اڭداردىڭ ەشبىرىنە وق شىعارماي نەشە كۇن سارىلىپ تەك اق بوكەن ىزدەيدى. اق بوكەننىڭ تەرىسى ساۋداگەرلەر ءۇشىن تابىلمايتىن قازىنا، قالتا تولتىرار بايلىق بولسا كەرەك-تى. جىگىت نەشە كۇن سارىلىپ ىزدەپ ءجۇرىپ جوندا جايىلىپ جۇرگەن ءبىر توپ اق بوكەنگە تاپ بولادى. قانجىعام مايلاندى، تابان تەرىم اقتالدى دەپ ويلاعان مەرگەن باسپالاپ كەلىپ اق بوكەننىڭ بىرەۋىن نىساناعا الىپ، ولەر جەرىڭ وسى دەپ باسىپ قالادى. بوكەندەر ۇركە جونەلىپ قىراتتى اسىپ كەتەدى. مەرگەننىڭ جىقتىم-اۋ دەپ اتقان اق بوكەن دە اقساڭداي باسىپ توپ بوكەننىڭ ارتىنان ەرىپ، قاشىپ قىرقانى اسىپ كەتەدى. جىگىت ارتىنان قۋسا دا، بوكەنگە جەتە المايدى، جارالى اق بوكەن ولىمنەن قۇتىلىپ كەتەدى. مەرگەننىڭ وعى قالت ءتيۋىن بوكەننىڭ كيەسىنەن دەپ ويلاعان كۇيشى، اقساق بوكەننىڭ ءجۇرىسىن قوسىپ وسى كۇيدى تارتىپتى-مىس.
You Might Also Like
-
ءبىر ايۋ ارالعا اپان سالعان ەكەن. بىردە ول قونجىقتارىنا جەم ىزدەپ تاۋعا شىعىپ كەتىپتى. سول ۋاقىتتا نوسەر جاڭبىر جاۋىپ، سەل جۇرەدى. تاسقىن سۋ ايۋدىڭ اپانىن قۇلاتىپ، كۇشىكتەرىن شايىپ اكەتەدى. سۋدىڭ بەتى...
-
وپتيميزم — تىرشىلىكتەگى قيىنشىلىقتار مەن كەلەڭسىزدىكتەرگە قاراماستان بارلىق نارسەنىڭ جاقسى بولاتىنىنا جورۋ، ۇمىتتەنۋ، سەنۋ دەگەندى بىلدىرەدى. ياعني ۇمىتسىزدىككە، كۇيزەلىسكە تۇسپەۋ، بولاشاققا س...
