InfoHub Logo

اقتوبە قالاسى،
اقتوبە قۇرىلىس جانە بيزنەس كوللەدجى
ارنايى ءپان وقىتۋشىسى الەنوۆا التىناي جاۋلييەۆنا

جارىقتاندىرۋ جانە جارىقتاندىرعىش توراپتار» پانىنەن وتكىزىلگەن اشىق ساباقتىڭ ادىستەمەلىك ازىرلەمەسى

ساباق تاقىرىبى: جاساندى جارىق كوزدەرى
بىلىمدىلىك ماقساتى:
"جارىقتاندىرۋ جانە جارىقتاندىرعىش توراپتار» ءپانى بويىنشا ءبىلىم - بىلىك داعدىلارىن قالىپتاستىرۋ. جاساندى جارىق كوزدەرى تۋرالى ءبىلىم الۋشىلاردىڭ جالپى تۇسىنىكتەرىن قالىپتاستىرۋ؛ تۇرلەرىمەن جانە قۇرىلىسىمەن تانىستىرۋ؛ ولاردىڭ قولدانىلۋى، ارتىقشىلىعى مەن كەمشىلىگى تۋرالى ءبىلىمدى قالىپتاستىرۋ؛ ءبىلىم الۋشىلارعا وزدەرىنىڭ جەتىستىكتەرىن وزدەرىنە تالداتىپ، وزدىك باعالاۋ ارەكەتتەرىن ۇيىمداستىرۋ.
تاربيەلىك:
ادامگەرشىلىك تاربيەسىن بەرۋ، قازاقستاندىق، پاتريوتيزمگە تاربيەلەۋ، ءوزارا سىيلاستىققا تاربيەلەۋ. ەڭبەكتى، ماماندىقتى قۇرمەتتەۋگە تاربيەلەۋ؛ ەكونوميكالىق تاربيە بەرۋ. ەستەتيكالىق تاربيە بەرۋ؛ ادەپتىلىك ەرەجەلەرىن بويىنا سىڭىرگەن شىعارماشىلىق قابىلەتى مۇمكىندىگىنشە دامىعان ازامات تاربيەلەۋ
دامىتۋشىلىق.
جەكە تۇلعالىق قابىلەتتەرىن دامىتۋ: سالىستىرا بىلۋگە، ءوز ويلارىن جەتكىزە بىلۋگە، تاقىرىپتىڭ ماڭىزدى تۇستارىن اجىراتا بىلۋگە؛ ادەبيەتتەر مەن ينتەراكتيۆتى رەسۋرستاردى ءتيىمدى پايدالانۋعا تاربيەلەۋ.
كۇتىلەتىن ناتيجەلەر: جاساندى جارىق كوزدەرى تۋرالى جالپى تۇسىنىك بەرەدى، ەرەكشەلىكتەرىنە قاراي تۇرلەرىن اجىراتا الادى؛ قىزدىرۋ شامدارىنىڭ قۇرىلىسىن، جۇمىس پرينسيپتەرىن قولدانىلۋداعى كەمشىلىكتەرى مەن ارتىقشىلىقتارىن دالەلمەن تۇسىندىرە الادى. فرونتالدى جانە جەكە باقىلاۋ، ءوزارا باقىلاۋ جۇرگىزۋ
الدىن الا بولۋى ءتيىس بىلىمدەر مەن داعدىلار: اق جارىقتىڭ جىكتەلۋىن، ۆولفرامنىڭ فيزيكالىق - حيميالىق قاسيەتتەرىن جانە قولدانىلۋىن؛ جارىقتىق شامالاردى جانە ولاردىڭ ولشەم بىرلىكتەرىن اجىراتا ءبىلۋى ءتيىس. جارىقتاندىرۋ ەلەكتر قوندىرعىلارىن، ولاردىڭ تۇرلەرى مەن قۇرىلىسىن، قولدانۋ كەرنەۋىن ءبىلۋى ءتيىس.
ساباقتا قولدانىلاتىن ءادىس تاسىلدەر: بايانداۋ، ءتۇسىندىرۋ، سۇراق جاۋاپ، جالپىلاما جانە جەكە باقىلاۋ، ءوزارا باقىلاۋ، سلايد كورمە، تىرەك سىزبا، ءوز بەتىمەن جۇمىس
ساباقتا پايدالانىلاتىن يننوۆاسيالىق وقىتۋ تەحنولوگيالارى: اكت، ستو دامىتۋ.
ساباقتىڭ كورنەكىلىكتەرى مەن ينتەراكتيۆتى جابدىقتار، باعدارلامالار:
ينتەراكتيۆتى تاقتا، كومپيۋتەر، پروەكتور جانە شام، پاترون، باعالاۋ جەتونى.
قولدانىلعان وقۋ - ماتەريالدارى: وقۋ – ادىستەمەلىك قۇرال. «جارىقتاندىرۋ ەلەكتر قوندىرعىلارى»، پلاكات «جارىق كوزدەرى جانە شارتتى بەلگىلەرى»، ينتەرنەت - رەسۋرس، دارىستەر جيىنتىعى، سۇراق بەتشەلەرى، سۇراقتار.

ساباق بارىسى:
ءى. ۇيىمداستىرۋ 3 مين

1. توپپەن امانداسۋ، ساباققا دايىندىعىن تەكسەرۋ، جۋرنال بويىنشا تۇگەندەۋ.
2. وقۋ كابينەتىنىڭ ساباققا دايىندىعىن تەكسەرۋ.
3. توپتىڭ زەيىنىن ساباققا اۋدارۋ.
4. ساباقتىڭ تاقىرىبىن تاقتاعا جازۋ جانە ماقساتىن حابارلاۋ.

بۇگىنگى ساباقتا ءبىلىمىمىزدى ودان ءارى جۇيەلەپ، جاڭا بىلىممەن تولىقتىرامىز.
ستو دامىتۋ تەحنولوگياسىنىڭ ينسەرت ستراتەگياسى بويىنشا «نەنى بىلەمىن؟ نەنى بىلگىم كەلەدى؟ نەنى ءبىلدىم؟ جوسپارىمەن جۇمىس جاسايمىز. ساباق بويىنا جاۋاپ بەرگەندەرىڭدى جەتون بەرۋ ارقىلى باعالاپ وتىرامىن.
سونىمەن، نەنى بىلەسىڭدەر؟ تەكسەرەمىز.

ءىى. ءۇي جۇمىسىن تەكسەرۋ نەنى بىلەمىن؟ 7 مين

ۇيگە قانداي تاپسىرما بەرىلدى؟
جالپىلاما تاپسىرما (ينتەراكتيۆتى تاقتانى پايدالانا وتىرىپ، «اداسقان سوزدەردىڭ ورنىن تابۋ» ستراتەگياسى بويىنشا جاڭا ساباقتى مەڭگەرۋگە قاجەتتى ءبىلىم – بىلىك داعدىلارىن تەكسەرۋ). الدارىنا تاپسىرما بەتشەلەرمەن تاراتىلادى.
ينتەراكتيۆتى تاقتادا جىلجىتۋ فۋنكسياسى ارقىلى ورىندالادى. تاقتاعا بىرنەشە ءبىلىم الۋشى شىعارىلادى. باعالانادى.

ءۇي جۇمىسىن قورىتىندىلاۋ، جاڭا ساباق تاقىرىبىنا ءوتۋ
سونىمەن، جارىقتاندىرۋ جۇيەسىندە ەلەكتر ەنەرگياسىن جارىق ەنەرگياسىنا اينالدىراتىن نە ەكەن؟ وسىنى بىلگىمىز كەلە مە؟ نەنى بىلگىم كەلەدى؟ جوسپارى بويىنشا جاڭا ساباقتى باستايمىز.

ءىىى. جاڭا ساباقتى ءتۇسىندىرۋ 20 مين
ءدارىس جوسپارى
1. جاساندى جارىق كوزدەرى تۋرالى جالپى ماعلۇماتتار
2. قىزدىرۋ شامدارى
3. گاز تولتىرىلعان قىزدىرۋ شامدارى
ساباق ينتەراكتيۆتى تاقتادا تىرەك - سىزبا كومەگىمەن تۇسىندىرىلەدى. روwer Point باعدارلاماسىندا كورمە - سلايد تۇرىندە كورسەتىلەدى.
1. جاساندى جارىق كوزدەرى تۋرالى جالپى ماعلۇماتتار

جاساندى جارىق كوزى دەپ قانداي دا ءبىر ەنەرگيا ءتۇرىن وپتيكالىق ساۋلەلەنۋگە تۇرلەندىرەتىن قۇرىلعىنى ايتادى.
ەلەكترلىك جارىق كوزى ەلەكتر ەنەرگياسىن جارىققا تۇرلەندىرەدى. تۇرلەندىرۋ ادىسىنە قاراي ەكى توپقا بولىنەدى.

1 - سۋرەت. ەلەكترلىك شامدار: ا - قىزدىرۋ؛ ب - ليۋمينەسەنتتى؛ ۆ - جوعارعى قىسىمدى سىناپتى. 1 - سوكول؛ 2 - اياقشالار؛ 3 - ەلەكترود؛ 4 - ىلمەك؛ 5 - كولبا؛ 6 - قىل؛ 7 - تۇتىك؛ 8 - رەزيستور؛ 9 - نەگىزگى ەلەكترود؛ 10 - كۆارس جانارعى؛ 12 - ليۋمينوفور؛ 13 - شىنى تۇتىك.