InfoHub Logo

جاسوسپىرىمدەردىڭ اۋىتقۋشى مىنەز – قۇلىق ەرەكشەلىكتەرىن پسيحولوگيالىق تۇرعىدان تۇزەتۋ باعدارلاماسى

ماقساتى – جاسوسپىرىمدەردىڭ تۇلعالىق ەرەكشەلىكتەرىن پسيحولوگيالىق تۇزەتۋ.
قاتىسۋشىلار: 9 سىنىپتار
مىنەز – قۇلقىندا ەرەكشەلىگى بار جاسوسپىرىمدەرمەن جۇرگىزىلەتىن پسيحوكوررەكسيالىق جۇمىستىڭ تاپسىرمالارى:

1.تۇلعانىڭ ادامدىق تيپتەرىنىڭ قالىپتاسۋ ەرەكشەلىكتەرىمەن جاسوسپىرىمدەردى تانىستىرۋ.
2.مىنەز – قۇلىقتاعى اۋىتقۋشىلىقتىڭ الدىن الۋ باعىتتارى مەن فورمالارىمەن جاسوسپىرىمدەردى تانىستىرۋ.
3.اگرەسسيۆتىلىك دەڭگەيىنىڭ تومەندەۋى.
4.ەموسيونالدىق مازاسىزدىقتىڭ تومەندەۋى.
5.قارىم-قاتىناستىڭ ءتيىمدى تاسىلدەرىنە ۇيرەتۋ.
6.مىنەز-قۇلىقتاعى اكسەنتۋاسيا دەڭگەيىن تومەندەتۋ.
7.جاسوسپىرىمدەردىڭ تۇلعالىق ەموسيونالدى اۋماعىن تۇزەتۋ.
8.رولدىك ويىنداردىڭ كومەگىمەن مىنەز – قۇلىقتى تۇزەتۋ.
9.جاسوسپىرىمدەرگە ءوزىن-وزى باعالاۋىن قالىپتاستىرۋ.
10.اۋتورەلاكساسياعا وقىتۋ.

تۇزەتۋ باعدارلاماسىن وڭدەۋ بىرنەشە كەزەڭدەرگە بولىنەدى.
اعارتۋشىلىق كەزەڭدە – جاسوسپىرىمدەرمەن اڭگىمەلەسۋ، ءدارىس وقۋ.

ماقساتى – جاسوسپىرىمدەردى مىنەز – قۇلىقتاعى اۋىتقۋشىلىقتىڭ الدىن الۋ باعىتتارى مەن فورمالارىمەن تانىستىرۋ.

مىندەتى: جاسوسپىرىمدەردى تۇلعالىق ءتيپتىڭ قالىپتاسۋ ەرەكشەلىكتەرىمەن تانىستىرۋ.
كەلەسى كەزەڭ – جاسوسپىرىمدەردىڭ مىنەز – قۇلىق دەڭگەيىنىڭ ەرەكشەلىكتەرىنىڭ كورسەتكىشتەرىن تۇزەتۋگە ارنالعان ويىندار مەن جاتتىعۋلاردى جيناقتاۋ. بۇل كەزەڭنىڭ ماقساتى جاسوسپىرىمدەردىڭ تۇلعالىق پسيحولوگيالىق ەرەكشەلىكتەرىن تۇزەتۋ بولىپ تابىلادى.
باعدارلاما مەكتەپىشىلىك پەداگوگيكالىق كەڭەس وتىرىسىندا تالقىلاۋعا ۇسىنىلادى.

پسيحوكوررەكسيالىق جۇمىستىڭ ادىستەمەلىك نەگىزى:
مەكتەپ اكىمشىلىگى، اتا-انالار، مۇعالىمدەرمەن اڭگىمەلەسۋ بارىسىندا قازىرگى تاڭدا جاسوسپىرىمدەردىڭ مىنەز – قۇلقىنداعى ەرەكشەلىكتەر ۇلكەن ماسەلە تۋىنداتىپ وتىرعانىن كورىپ وتىرمىز. ول جاسوسپىرىمدەردىڭ داۋ-دامايعا كوپ ءتۇسۋى، ءوزىن-وزى باسقارا الماي قالۋى ت.ب. بولىپ تابىلادى. بالانىڭ دامۋى ءوزىنىڭ مادەني - الەۋمەتتىك ورتاعا كىرۋىمەن سيپاتتالادى، ياعني بالانىڭ الەۋمەتتەنۋى جانە بەيىمدەلۋىنىڭ قالاي ءجۇرىپ جاتقانىنا تاۋەلدى. پسيحوكوررەكسيالىق جۇمىستى جۇرگىزۋدى مەكتەپ اكىمشىلىگىنەن، اتا – انالاردان جانە جاسوسپىرىمدەردىڭ وزدەرىنەن رۇقسات الۋ قاجەت. كىشى توپتا جاسوسپىرىمدەر اراسىنداعى تابيعي ءوزارا ءىس - ارەكەتتە ارنايى مەحانيزمدەر كورىنىس بەرەدى؛ مۇنداي اراقاتىناس ۇردىسىندە جاسوسپىرىمدەر ءبىر – ءبىرىن جەتكىلىكتى تۇردە تانىپ الادى. ءوزىن جانە باسقالاردى تۇسىنۋگە ۇيرەنەدى، قابىلەتتەرىن كورسەتەدى، قاندايدا ءبىر جاعدايدا نەنى ىسكە اسىرۋ كەرەكتىگىن بىلەدى. ترەنينگتى جۇرگىزۋشىنىڭ ماقساتى – بالالاردىڭ ىس-ارەكەتىندە تەڭ قۇقىقتىڭ ساقتالۋىن قاداعالاۋ. باعدارلاما ساباقتىڭ ماقساتىن ساقتاي وتىرىپ، ونىڭ باسقا بولىمدەرىن تاپسىرمالارىن، جاتتىعۋلارىن، ماتەريالدارىن، تاپسىرمانىڭ ءوتۋ ۇزاقتىعىن وزگەرتۋگە بولاتىنداي ەتىپ جاسالعان. جاتتىعۋلار ساباقتان تىس ۋاقىتتاردا وتكىزىلەتىن بولعاندىقتان ساباق كەستەسى قىسقارتىلعان كۇندەرى تاڭدالىنىپ الىنعانى ءجون. ءاربىر ساباق بالالاردىڭ ەموسيالىق جاعدايى مەن قىزىعۋشىلىقتارىنا بايلانىستى 40 مينۋتتان 1،5-2 ساعاتتى قامتۋى مۇمكىن.

ساباق قۇرىلىمى: بارلىق ساباقتاردىڭ قۇرىلىمى بىردەي، جانە ولاردىڭ جەكە كومپونەنتتەرىن اۋىستىرۋعا، ورىندارىن وزگەرتۋگە بولادى.

ساباق جالپى تۇردە تومەندەگىدەي بەرىلەدى:
1. سالەمدەسۋ، قوشتاسۋ ءراسىمى؛
2. اڭگىمە، ءدارىس، پىكىرتالاستار؛
3. بايلانىس ويىندارىن، پسيحولوگيالىق ۇردىستەردى جاتتىقتىرۋعا ارنالعان ەتيۋدتەر، ءارتۇرلى جاعدايلارداعى مىنەز-قۇلىق ۇلگىلەرىن وڭدەۋگە بايلانىستى ەتيۋدتەر؛
4. قوزعالمالى ويىندار جانە ديناميكالىق رەلاكساسيالار؛
5.پسيحوتەحنيكالىق جاتتىعۋلار؛ سەزىم مەن ەموسيانى وڭدەۋگە ارنالعان ەتيۋدتەر، ءارتۇرلى جاعدايلارداعى مىنەز – قۇلىق ۇلگىلەرىن وڭدەۋگە بايلانىستى ەتيۋدتەر؛
6. قوزعالمالى ويىندار جانە ديناميكالىق رەلاكساسيالار؛
7. اۋتوگەندىك، تىنىس الۋ جاتتىعۋلارى، مەديتاسيا؛
8. كەزەكپەن تالقىلاۋ جانە ەركىن سۋرەت سالۋ ارقىلى پسيحوتەراپيەۆتتىك وقيعالاردى تىڭداۋ؛
9. جەكە سۋرەتتەردىڭ سيۋجەتتەرىن اڭگىمە جانە پىكىرتالاس ارقىلى تالقىلاۋ؛

قاجەتتى قۇرال – جابدىقتار:
a.ماگنيتوفون؛
b.مەديتاسيا جانە رەلاكساسياعا ارنالعان اۋەندەرى بار كۇيتاباق؛
c.سەزىمدەر مەن ەموسيالار جازىلعان بلانكتار؛ جاعداياتتار جازىلعان كارتوچكالار؛ جاعىمدى قاسيەتتەر جازىلعان بلانكتار؛
d.سكوچ، قايشى، ءتۇرلى-تۇستى قاعاز؛
e.سۋرەت سالۋعا ارنالعان قاعاز، ءتۇرلى –ءتۇستى قارىنداشتار، پاراقتار، قالامدار، بوياۋ، قىلقالام.

جۇمىستىڭ ەففەكتيۆتىلىك قاعيدالارى ءجاسوسپىرىمنىڭ تۇلعالىق جەكە قاسيەتتەرىنىڭ دامۋى، ونىڭ شىعارماشىلىق تالاپتارىنىڭ اشىلۋى، ىشكى دۇنيەسىنىڭ تىنىشتالۋى، ءوزىن - ءوزى باعالاۋدىڭ ادەكۆاتتىلىعى، مىنەز – قۇلىق كورىنىستەرىنىڭ جاعىمدى ديناميكاسى، مازاسىزدىق دەڭگەيىنىڭ ءتۇسۋى، ەموسيونالدى كەرنەۋىنىڭ، اگرەسسيۆتىلىك دەڭگەيىنىڭ تومەندەۋى بولىپ تابىلادى.
جاسوسپىرىمدەردىڭ تۇلعالىق پسيحولوگيالىق ەرەكشەلىكتەرىن تۇزەتۋگە ارنالعان باعدارلاما 6 ساباقتان تۇرادى.

№ 1 ساباق
ۋاقىت – 40 مينۋت. ءدارىس. وقۋشىلارمەن ناعىز قازاقتارعا ءتان مىنەز-قۇلىق جايىندا اڭگىمەلەسۋ.
ماقساتى: قازىرگى تاڭدا جاسوسپىرىمدەر مىنەز-قۇلىق ەرەكشەلىكتەرى وزگەرىپ، شەتەلدەن كوپتەگەن اقپارات قۇرالدارى (ينتەرنەت، تەلەديدار) ارقىلى قازاق مەنتاليتەتىنە، مىنەز-قۇلقىنا جات كوپتەگەن مالىمەتتەر الۋىنا بايلانىستى، الدىن-الۋ شارالار جۇرگىزىپ، دارىستەر وقۋ، اڭگىمەلەسۋ.
قوشتاسۋ ءراسىمى.

№ 2 ساباق
ۋاقىتى – 55 مينۋت.
ءدارىس «ءوز سوزىمنەن باستاپ...».
ماقساتى: جاسوسپىرىمدەرگە سويلەۋ مادەنيەتىنىڭ ءبىزدىڭ ومىرىمىزگە، دەنساۋلىعىمىزعا اسەر ەتەتىندىگى جايلى ماعلۇمات بەرۋ.

«ەموسيا تەڭىزىندە» جاتتىعۋى
نۇسقاۋ: قانە، قايسىمىز ءارتۇرلى سەزىمدى بەينەلەيتىن اتاۋلاردى كوبىرەك اتار ەكەنبىز؟ كەزەكپەن ءسوزدى ايتىپ ونى پلاكاتقا جازىپ كەتەسىز.

جۇرگىزۋشىگە كەڭەس: ماقساتىمىز قاتىسۋشىلاردىڭ ەموسيالىق سوزدىك قورلارىن بايىتۋ. بۇل جۇمىستى توپتار ارالىق جارىس نە «ميعا شابۋىل» تۇرىندە ۇيىمداستىرا الاسىز. جۇمىستىڭ ناتيجەسى رەتىندە – پلاكاتقا جازىلعان سوزدەردى ساباقتىڭ بارلىق بولىكتەرى بارىسىندا قولدانۋعا بولادى جانە جۇمىس بارىسىندا بۇل سوزدەردى تولىقتىرىپ وتىرۋعا بولادى. بۇل توپتىڭ ەموسيالىق سوزدىگى بولىپ تابىلادى.
تالداۋ: اتالعان سەزىمنىڭ قايسىسى ساعان باسقاسىنا قاراعاندا كوبىرەك ۇنايدى؟ سەنىڭشە، قاي سەزىم ەڭ ۇنامسىز؟ ساعان وسى سەزىمدەردىڭ قايسىسى (جاعىمدى نە جاعىمسىز) كوبىرەك تانىس؟
جۇرگىزۋشى ءبىر سەزىمدى ىشتەي ويلاپ جاسىرادى. سودان كەيىن تول شەڭبەردەن تەرىس بۇرىلىپ تۇرىپ كورسەتپەي، «شۋرۋم-بۋرۋم» دەگەن ءسوزدى عانا سيپاتتايدى.
قوشتاسۋ ءراسىمى

№3 ساباق
«سەزىم» جاتتىعۋى
ۋاقىتى – 45 مينۋت
ماقساتى: قارىم-قاتىناسقا ءتۇسۋ بارىسىندا كوڭىل – كۇيدى، ەموسيانى سەزىنە ءبىلۋدى ۇيرەتۋ.

جاتتىقتىرۋشى: قازىرگى كوڭىل – كۇيلەرىن فلوماستەرمەن قاعاز بەتىنە ەموسيالاردى بەينەلەي وتىرىپ كورسەتۋلەرىن تاپسىرۋ.
نۇسقاۋ: ءسىزدىڭ الدىڭىزدا ءتۇرلى سەزىمدەر كەلتىرىلگەن. سويلەمدى اياقتاڭىز:
•مەنىڭ الدىمنان شىعا كەلسە، وندا مەن ... سەزىنەمىن.
•كىشكەنتاي بالانى كورگەندە، مەن ... سەزىنەمىن.
•تانىمايتىن ادامدى كورگەندە، مەن ... سەزىنەمىن.
•بىرگە وقىعان سىنىپتاستارىمدى كورگەندە، مەن ... سەزىنەمىن.
•مەنىڭ تانىسىم توقتاي قالىپ، قالتاسىنا قارادى، مەن ... سەزىنەمىن.
•مەن بىرەۋمەن سالەمدەسكەنىم، بوتەن بولىپ شىقتى، مەن ... سەزىنەمىن.
•مەن ەسكى ماحابباتىمدى كوردىم، مەن .. سەزىنەمىن.
قوشتاسۋ ءراسىمى

№4 ساباق
«ءيا» جاتتىعۋى
ماقساتى: مازاسىزدانۋ دەڭگەيىن تىنىشتاندىرۋ جانە تومەندەتۋ
ۇزاقتىعى: 20 مينۋت
ءماتىن: كوزدى جۇمىڭدار، وزدەرىڭدى ورماندا ءجۇرمىن دەپ ەلەستەتىڭدەر.
جاپىراق ءيىسىن يىسكەپ، قۇستار ءانىن تىڭداپ، ورماندا قىدىرىڭدار. قىدىرىپ ءجۇرىپ، ۇڭگىرگە جاقىندادىڭ. قابىرعاسىن قولمەن ۇستاپ، تاستىڭ قاتتىلىعىن سەزىن. ۇڭگىردىڭ قاسىندا سارقىراپ سۋ اعىپ جاتىر. سونى تاپ. سۋدىڭ اققانىن جانە ورمان تىنىشتىعىن قۇستاردىڭ ءانىن ەستۋگە تىرىس. وسىنىڭ بارلىعىنا ىشكى جان دۇنيەڭدى اش: وزىڭە ىڭعايلى ورىنعا وتىرىپ تىنىشتىقپەن ۇيلەسىمگە كەل. بۇكىل اينالا ءسىزدىڭ دەنەڭىزدى باستان اياق تولتىرسىن، «ءيا» دەگەن ءسوز بارلىق اسەرگە ەنسىن، وسى سوزبەن ءسىزدىڭ جامان كوڭىل-كۇيىڭىز كەتسىن. ءيا، مەنىڭ تاماشا بۇگىنىم مەن ەرتەڭىم. ىشىڭىزدەن كۇلكىنى سەزىڭىز. ءوز وتكەنىڭىز، بۇگىن ەرتەڭىڭىزگە كۇلىمدەڭىز، بۇل كۇلكى وتە مايدا، جۇقا، جاڭا اشىلعان راۋشان گۇل سياقتى، ول ءسىزدىڭ ىشىڭىزدە اشىلىپ بۇكىل دەنەڭىزگە حوش ءيىس تاراتادى. وزىڭىزگە ايتىڭىز «مەن باقىتتى، سالماقتى بولعىم كەلەدى، ءالى مەن سونداي بولامىن».

قوشتاسۋ ءراسىمى.

№5 ساباق
«ءوز كوڭىل – كۇيىن بەينەلەۋ» جاتتىعۋى
تاپسىرما:
• ءوز كوڭىل – كۇي، سەزىم، ەموسياسىن سانالى باسقارۋ قابىلەتىن دامىتۋ.
• باسقا اداممەن اسەرلەنۋ ءوز سەزىمى مەن كوڭىل – كۇي ىڭعايلاستىرۋ قابىلەتىن دامىتۋ.
• ورىنداۋ ۋاقىتى: 30 مينۋت.
• جۇرگىزىلۋ بارىسى: بالالار ءوز قالاۋىنداعى سۋرەتتى سالىپ، وزدەرىنىڭ كوڭىل – كۇيلەرىنە قاتىستى ونى ءتۇرلى – تۇسكە بويايدى.

№6 ساباق
«بارىنە ورتاق زەيىن» جاتتىعۋى
ماقساتى:
• قارىم-قاتىناستىڭ ۆەربالدى جانە ۆەربالدى ەمەس قۇرالدارىن ۇشتاستىرا ءبىلۋدى دامىتۋ؛
• قارىم-قاتىناس قۇرالدارى ارقىلى قورشاعانداردىڭ زەيىنىن اۋدارۋ داعدىلارىن قالىپتاستىرۋ.
ويىنعا قاتىسۋشىلاردىڭ بارلىعىنا قاراپايىم ءبىر تاپسىرمانى ورىنداۋ جۇكتەلەدى. فيزيكالىق ارەكەتتەرگە جۇگىنبەي، كەز-كەلگەن قۇرالدار ارقىلى قورشاعانداردىڭ زەيىنىن وزىنە اۋدارۋ كەرەك. بارلىق قاتىسۋشىلار بۇل تاپسىرمانى ءبىر مەزەتتە ورىندايدى. سوڭىندا كىم، قانداي قۇرالدار ارقىلى باسقالاردىڭ زەيىنىن وزىنە اۋدارا بىلگەندىگى تالقىلانادى.

جاتتىعۋعا 15 مينۋت ۋاقىت بەرىلەدى.