جاستار جانە تەلەديدار
گەرمانيالىق «STERN» جۋرنالىنداعى حاباردا قازىرگى تاڭداعى تەلەارنالاردا جاۋىزدىققا، زۇلىمدىققا نەگىزدەلگەن ساحنالاردىڭ تىم كوبەيگەندىگى جانە بۇل ءوز كەزەگىندە جاستاردىڭ بويىنان مەيىرىم، جاناشىرلىق سەكىلدى سەزىمدەردى، ادامي قاسيەتتەردى ۇزاقتاتىپ جاتقاندىعى مالىمدەندى. بالالار مەن جاس جەتكىنشەكتەردىڭ تەلەديدارداعى جاۋىزدىق ساحنالارىنان اسەرلەنىپ، الدارىنان شىققان ءبىرىنشى مۇكىندىكتە-اق بۇلاردى ىسكە اسىرۋعا ۇمتىلىپ جاتقاندىعى جازىلعان ماقالادا بۇل پىكىر سوڭعى كەزدەرى سوت ىستەرىنە كوپتەپ ءتۇسىپ جاتقان وقيعالاردىڭ سالدارىنان پايدا بولعانىن شەگەلەدى. تەلەديدارلاردان كۇنىنە 70 جاۋىزدىق، ال اپتاسىنا 2700 زۇلىمدىق ساحنالارىن كورۋگە بولاتىنى پايىمدالعان ماقالادا ءبىر بالانىڭ 12 جاسقا دەيىن 14000 ءارتۇرلى جاۋىزدىق ىستەردىڭ كورەرمەنى بولاتىنىن جانە قازىرگى تاڭدا بالالار پارتادا ەمەس، تەلەديدار الدىندا كوپ وتىراتىنى، تاربيەنى تەلەديداردان الىپ جاتقاندىعى باياندالدى. بۇدان جاس-كارى بۇكىل كورەرمەندەر دە اسەرلەنبەۋى مۇمكىن ەمەس دەگەندى ايتقان عىلىمي حاباردا مۇعالىمدەردىڭ دە وسى تۇرعىداعى شاعىمدارىن تىزبەكتەدى. بالالاردىڭ تەلەديداردان كورگەن نارسەلەرىنەن اسەرلەنىپ بۇزىلىپ بارا جاتقانىنان الاڭداۋلى مۇعالىمدەر جوعارعى جاۋاپتى وكىلدەرگە بۇعان شارا قولدانۋلارىن تالاپ ەتىپ وتىر. بالالاردىڭ توبەلەستەرى بۇرىنعىداي جاي عانا جىرىق، سىرىقتار ەمەس، باس جارۋ، قول سىندىرۋ ت.ب. اۋىر جاراقاتتارعا اكەپ سوعۋدا. جاسالعان ساۋالناما ناتيجەسى دە 69% جاس جەتكىنشەكتەردىڭ كۇن سايىنعى كوبەيىپ جاتقان جاۋىزدىققا بەيىمدەلۋىمەن بۇزىلىپ جاتقاندىعىنان تەلەديدارداعى زۇلىمدىق جانە جىنىستىق ۇلگىدەگى كورسەتىلىمدەردىڭ كەسىرى دەپ بىلەتىندىكتەرىن ايتتى.
وقۋعا كەڭەس بەرەمىز:
You Might Also Like
-
ۇستەل تەننيسى وتە كەڭ تاراعان ويىن. بۇل ۇستەل تەننيسىنىڭ سپورتتىق جانە قوزعالىس ويىندارى رەتىندە اسا كوپ ماتەريالدىق شىعىندى جانە سپورتتىق جارىستاردا، جاتتىعۋلاردا اسا كوپ ورىندى تالاپ ەتپەيدى. سون...
