InfoHub Logo

قازاقستاندىق ءانشى جازيرا بايىربەكوۆا بىرىككەن اراب امىرلىگىنەن (ءباا) جانكۇيەرلەرىنە ارناپ بەينەجولداۋ جاساپ، ەلگە اسىعاتىنىن ايتتى. ءانشىنىڭ بۇل ارەكەتى كوپشىلىكتىڭ جۇرەگىن ەلجىرەتتى.

بۇل تۋرالى Infohub.kz اقپارات اگەنتتىگى حابارلايدى.

جۇرەككە جىلى سوزدەر

ءانشى ءوزىنىڭ امان-ەسەندىگىن جەتكىزۋ ءۇشىن ارنايى ۆيدەو تۇسىرگەنىن ايتتى. ۆيدەودا ول «كەلشى، ايىم» ءانىن ورىنداپ، جاقىندارىن ساعىنىپ، وتانىنا تەزىرەك ورالعىسى كەلەتىنىن ءبىلدىردى.

«بۇل باا-دەن جىبەرىلگەن ءپوزيتيۆتى ۆيدەو بولسىن، ءبىزدىڭ جاعدايىمىز جاقسى ەكەنىن حابارلاسىن»، - دەدى ءانشى ءان ايتۋ بارىسىندا.

جانكۇيەرلەرگە العىس

جازيرا بايىربەكوۆانىڭ ايتۋىنشا، بۇل قىسقا بەينەروليكتى العاشقىدا تەك ستوريس رەتىندە جاريالاپ، ءوزىن ۋايىمداپ جازعان تانىستارى مەن جانكۇيەرلەرىنە جاۋاپ بەرمەك بولعان. الايدا، ۆيدەو الەۋمەتتىك جەلىلەر مەن باق-تا كەڭىنەن تارالىپ كەتتى.

ءانشى ءوزىن قولداپ، حابارلاسقان بارشاعا العىس ايتىپ، ەشكىمدى الاڭداتقىسى كەلمەگەنىن اتاپ ءوتتى. قازىرگى تاڭدا ءانشى مەن ونىڭ جاقىندارى ومان استاناسى ماسكات قالاسىندا ەكەنى بەلگىلى بولدى.

ەلگە ورالۋ جوسپارى

ەلشىلىكتىڭ مالىمەتىنشە، قازاقستانعا ارنايى رەيستەرمەن ءبىرىنشى كەزەكتە جۇكتى ايەلدەر، I-II توپتاعى مۇگەدەكتەر، 5 جاسقا دەيىنگى بالالار مەن قارت ادامدار الىنادى.

جازيرا بايىربەكوۆانىڭ توبى التى ادامنان تۇراتىنىن جانە ولار بۇل ساناتتارعا جاتپايتىنىن، سوندىقتان باسقا ەلدەر ارقىلى ۇشۋ مۇمكىندىگىن كۇتىپ وتىرعانىن ايتتى.

ءانشى قازاقستانداعى كونسەرتتەرىنە بيلەت ساتىپ العان كورەرمەندەردەن كەشىرىم سۇرادى. ەگەر ۋاقتىلى ورالماسا، كونسەرتتەر كەيىنگى كۇندەرگە اۋىستىرىلاتىنىن جەتكىزدى.

«ەگەر كونسەرتتەرگە ۇلگەرمەسەك، امان-ەسەن ورالعان سوڭ باسقا كۇنگە اۋىستىرامىز. بارشا جاقسى تىلەكتەرىڭىز وزدەرىڭىزگە دە ورالسىن. قۋانىشتا كەزدەسەيىك»، - دەدى ءانشى.

الەۋمەتتىك جەلىلەردە كوپشىلىك ءانشىنى قولداپ، ونىڭ امان-ەسەن ورالۋىن تىلەدى. پىكىرلەر اراسىندا «اللا جار بولسىن»، «حالىقتىڭ ىزگى تىلەگى قابىل بولسىن»، «وتە اسەرلى بولدى»، «بارلىعىن جاراتۋشىعا تاپسىرامىز» دەگەن جازبالار بولدى.