InfoHub Logo

Michelin كومپانياسى 15 جىل بۇرىن جەلى شىعىپ كەتپەيتىن دوڭگەلەك جاساۋدى ۇيعارادى. سول كەزدەن بەرى كومپانيا ءوندىرىپ جاتقان پروتوتيپتەر ب ا ق وكىلدەرىنىڭ نازارىن ءجيى اۋدارىپ كەلەدى، ال اسكەريلەر بۇل تەحنولوگيانى 2013 جىلدان بەرى قولدانادى – الايدا نارىقتىڭ تۇتىنۋشىلىق جانە ىسكەرلىك سەگمەنتى بۇگىنگە دەيىن وعان قول جەتكىزە الماعان. 

ءبىراق وزگەرىس بولدى. وتكەن جىلدىڭ قاراشاسىنان بەرى Michelin اۋاسى جوق شينالار مەن دوڭگەلەكتەردى شىعارا باستادى، ولارعا «X Tweel» دەگەن اتاۋ بەرىلدى – ولار ءقازىردىڭ وزىندە كەيبىر كوممەرسيالىق كولىكتەرگە سالىنا باستادى. Michelin تەك اۋاسى جوق شينالاردى شىعاراتىن فابريكانى قۇرۋ ءۇشىن 50 ميلليون دوللار قاراجات جۇمساعان.

ادەتتەگى پنيەۆماتيكالىق شينالارعا قاراعاندا، X Tweel دەفورماسيالاناتىن پوليۋرەتان سىمدارىن قولدانادى، سىرتقى بولىگى تەمىر مەن رەزەڭكەدەن، ال ءوسى تىعىز مەتاللدان تۇرادى. سىرتقى بولىگى قىسىمنىڭ كوپ بولىگىن ۇستاپ قالادى، ال سىمدارى مەن ءوسى دوڭگەلەك قانداي دا ءبىر كەدەرگىدەن وتكەندە ءتۇرلى بولىكتەرىن ۇلەستىرىپ الادى.

John Deere – X Tweel تەحنولوگياسىنا نازار اۋدارىپ، ZTrak ءشوپ قىرقۋ قۇرىلعىسىنا قولدانىپ جۇرگەن العاشقى كومپانيالاردىڭ ءبىرى. «X Tweel وزگە شينالارعا قاراعاندا ەكى-ۇش ەسە كوپكە شىدايدى»، - دەيدى X Tweel مەنەدجەرى چەيز تيۋ.

ازىرشە X Tweel باياۋ قوزعالاتىن تەحنيكاعا قولدانىلادى. ولاردى ءوندىرۋدى قاراشادا باستاعان فابريكا جۇك تيەيتىن اپپاراتتار مەن ءشوپ قىرقۋ قۇرىلعىسىنا ارنايى وندىرەدى (ۇلكەن جىلدامدىقتا اۋاسىز شينالار ۆيبراسياعا ۇشىراپ، زور داۋىس شىعارادى). الايدا Michelin ءوندىرىسىنىڭ جەلىسىن كەڭەيتۋدى جوسپارلاپ وتىر – ءتىپتى اۆتوموبيلدەرگە اۋاسىز دوڭگەلەك جاساۋعا دەيىن بارماقشى ەكەن.

---