tengrinews.kz
جەتىسۋدا ايۋ تۋريستەردىڭ قوناق ۇيىنە كىرۋگە تىرىستى: تەمىر ەسىك تە توسقاۋىل بولا المادى
جەتىسۋ وبلىسىنداعى جونعار-الاتاۋ مەملەكەتتىك ۇلتتىق تابيعي پاركىنىڭ اۋماعىندا ورنالاسقان قوناق ۇيگە ايۋ كىرۋگە تىرىسقان. بۇل تۋرالى Tengrinews.kz سايتى حابارلادى.
وقيعا ورنىنان تۇسىرىلگەن ۆيدەو الەۋمەتتىك جەلىدە كەڭىنەن تارادى. ۆيدەودا جەتىسۋ تاۋلارىنداعى قوناق ۇيلەردىڭ بىرىنە كەلگەن قوڭىر ايۋدىڭ ارەكەتى كورسەتىلگەن. ايۋ تەمىر ەسىكتى قاعاز سياقتى مايىستىرىپ، ىشكە كىرۋگە ۇمتىلعان. باقىتىمىزعا وراي، بۇل وقيعادان ەشكىم زارداپ شەكپەدى.
ۇلتتىق پارك اكىمشىلىگىنىڭ حابارلاۋىنشا، بۇل جاعداي اتتاپقان شاتقالىندا بولعان.
ايۋ تاماق يىسىنە ۇمتىلعان
«تيان-شان قوڭىر ايۋى ادامعا سيرەك شابۋىلدايتىن جانۋارلار قاتارىنا جاتادى. الدىن الا مالىمەتتەر بويىنشا، ايۋ بۇل اۋماققا تاماق ءيىسىن سەزىپ كەلگەن. وقيعا سالدارىنان ەشكىم زارداپ شەككەن جوق»، - دەلىنگەن حابارلامادا.
ۇلتتىق پارك قىزمەتكەرلەرى كەلۋشىلەردى تاماق قالدىقتارىن قالدىرماۋعا جانە تاۋلى ايماقتا قاۋىپسىزدىك شارالارىن ساقتاۋعا شاقىردى.
-
قازاقستاننىڭ بەس ءىرى قالاسىندا 20 مامىردا اۋانىڭ لاستانۋى كۇتىلەدى. قازگيدرومەت قولايسىز مەتەورولوگيالىق جاعداي تۋرالى ەسكەرتۋ جاسادى.
-
A brown bear's determined attempt to enter a hotel in Kazakhstan's Zhongar-Alatau National Park was captured on video، highlighting wildlife encounters in the region.
