InfoHub Logo

تاقىرىبى: «جىگىت سۇلتانى» سايىسى.
ماقساتى: ا) ەر بالالاردى اتا بابامىزدىڭ سالت - داستۇرىمەن تانىستىرۋ؛
ءا) بالالاردى ەلىن، جەرىن، ءتىلىن ءوز ءداستۇرىن بىلۋگە تاربيەلەۋ؛
ب) ۇلتتىق ونەرگە، ءان كۇيگە، بيگە قۇمار ەتىپ تاربيەلەۋ؛
ۆ) پاراساتتىلىققا، يماندىلىققا، مەيىرىمدىلىككە باۋلۋ؛
گ) دەنساۋلىعى زور، سىمباتتى، ەلىن، جەرىن قورعايتىن ءبىلىمدى دە بىلەكتى ناعىز قازاقستان پاتريوتىن تاربيەلەۋ.
كورنەكىلىك: شارلار، پلاكات
وتكىزۋ ورنى: اكت زالى.
قاتىسۋشىلار: 5 – 8 سىنىپ وقۋشىلارى.

سايىستىڭ بارىسى.
1 - جۇرگىزۋشى:
ارمىسىزدار اعايىن، قۇربى - قۇرداس!
بارمىسىزدار، جان كۇيەر ءاز - قاۋىمداس!
بۇگىنگى كەش سايىستى ءبىز باستايىق
سايىستا كوڭىلمەنەن قول سوعالىق.
بىزدەردە ويىن - ساۋىق باستالادى.
تاماشا كۇي تارتىلىپ ءان سالادى.
قوشەمەتتەپ قول سوعىپ وتىرالىق
ۇمىتارسىز كۇنى بويعى شارشاعاندى.
2 - جۇرگىزۋشى:
باعىنا باقىتتى ەلدىڭ تۋعان ۇلان،
بويىنا بار اسىلدى جيعان ۇلان.
قازاقتىڭ قاسيەتتى جىگىتتەرى.
جانىنا نۇر دارىعان، جىر دارىعان.
داريا وي، دانالاردان باتا العاندار.
اينىماس الماس قىلىش اتانعاندار.
قازاقتىڭ قاسيەتتى جىگىتتەرى
حالقىنا قالقان بولعان قاھارماندار – دەپ، ماحمۇتباي ءامىر ۇلى اعامىز جىرلاعانداي حالقىمىزدىڭ ادەت - عۇرپىندا وتباسىنا ۇل بالانىڭ كەلۋى «ۇل تۋعانعا كۇن تۋعان» - دەپ ەرەكشە ونى باقىت ساناعان. ونىڭ سەبەبى قازاقتا وتباسىنىڭ جالعاسى، شاڭىراقتىڭ يەسى ۇل بالا بولىپ ەسەپتەلگەن. حالقىمىز ۇل بالا تاربيەسىنە ەرەكشە كوڭىل بولگەن. ەر بالانى ادامگەرشىلىككە، باتىلدىققا، ەپتىلىككە، يماندىلىققا باۋلىعان.
1 - جۇرگىزۋشى:
«ۇلعا وتىز ۇيدەن تىيىم، ون سان ۇيدەن سىن» - دەمەكشى ەر جىگىتكە ايتىلار سىن كوپ، قويىلار تالاپ تا جوعارى بولعان. بۇگىنگى ءححى عاسىر ءبىلىم مەن عىلىم دامىعان زاماندا جىگىتتەرىمىزدىڭ ۇلكەن بەلەس اسۋلاردان كورىنۋى ەلگە اكەلگەن باقىتپەن تەڭ. ولاي بولسا جىگىتتەرىمىزدىڭ ونەرلەرىن، ەپتىلىگىن، بىلىمدەرىن، اقىلدىعىن تاماشالايىق.
2 - جۇرگىزۋشى:
ۋا، حالايىق، حالايىق!
مۇندا نازار سالايىق.
اتا - جولىن جالعايىق
ەل ءداستۇرىن قولدايىق
ۇلدار شىقسىن ورتاعا.
بۇگىنگى سايىستا سۇلتان اتتانباق!
1 - جۇرگىزۋشى.
ءسوز تاۋىپ كۇن قىلاتىن كوڭىل كۇيدى،
مەكتەپتە ونەرىمەن بولعان سىيلى.
6-شى سىنىپتىڭ ەر جىگىتى
شاقىرايىق ورتامىزعا
دياس ۇلدى.
2 - جۇرگىزۋشى.
قىزىق بولسىن كورگەنىڭ
جانا بەرسىن ەڭبەگىن.
ءماندى بولسىن ءومىرىن
شالقي بەرسىن كوڭىلىن! دەپ كەلەسى جىگىت 5 – ءشى سىنىپ وقۋشىسى كاريم اۋليەحان.
1 - جۇرگىزۋشى.
سپورتپەنەن ءبىلىم جاعىن ءبىر قوسقان.
كەم قالماعان تالانتپەنەن تابىسقان.
قاراڭىزدار ايدوس جىگىت ورتادا تۇر
تاۋدى وزار شىن كىرىسسە نامىستان.
2 - جۇرگىزۋشى.
ءومىر سەنى نە قيىنعا سالسا دا.
سۇيكىمدى بول
اتا – اناڭا بارشاعا
ەلىمىزدىڭ قۇرمەتتى ۇلى بول
جاسىڭ جۇزگە جەتكەنشە شارشاما – ورتاعا نۋرالين اسحاتتى شاقىرامىز.
1 - جۇرگىزۋشى.
بىلەدى ول جاقسى مەنەن جاماندى.
ونەرمەنەن تامساندىرعان ادامدى
قوشەمەتپەن شاقىرايىق ورتاعا.
ءادىلحان اتتى جىگىت بولعان ساربازدى.
2 - جۇرگىزۋشى.
ەندى سايىستىڭ باعدارلاماسىمەن تانىستىرىپ وتەيىك:
● «تانىستىرسام ءوزىمدى» - تانىستىرۋ.
● «بايگە».
● «شەبەردىڭ قولى ورتاق»
● «سەگىز قىرلى، ءبىر سىرلى»
● «جيناپ كور»
● «بي جارىس»
● «باتا بەرۋ»
1 - جۇرگىزۋشى.
توي باستالدى، توي باستالدى.
قولعا سىرناي الايىق.
كەل شىرقايىق «تويباستاردى».
قوشتاپ كەتسىن حالايىق! دەپ كەزەكتى «كەلىنشەك كۇي» ءان شاشۋىمەن ورتاعا 6 - سىنىپ وقۋشىسى ۋلبايەۆا ارۋجاندى شاقىرامىز.
2 - جۇرگىزۋشى.
ءادىلقازى، اققازىعا ءبىر سالەم!
ادىلدىككە باس يەدى كۇللى الەم.
جۇيىرىك وزار سايىستاردا نەشە ءبىر،
ساراپقا ساپ ادىلدىكپەن شەشە ءبىل!- دەپ ەندى وسى جىگىتتەردىڭ ونەرىن باعالايتىن ءادىلقازى مۇشەلەرىمەن تانىستىرايىق:

1 - جۇرگىزۋشى. 1 - سايىس «تانىستىرسام ءوزىمدى».
ەي، تاكاپپار دۇنيە،
ماعان دا ءبىر قاراشى
تانيمىسىڭ سەن مەنى
مەن قازاقتىڭ بالاسى – دەپ اقىن اعالارىمىز جىرلاعانداي سايىسىمىزدىڭ ءبىرىنشى كەزەڭى «تانىستىرسام ءوزىمدى». سونىمەن ءبىرىنشى جىگىتتى شاقىرامىز.
2 - جۇرگىزۋشى:
دۇنيەدە قىمبات قوي اكە دەگەن
بالاسىن ايالاعان، ماپەلەگەن.
مەن بۇگىن اكەگە ارناپ ءان سالامىن – «اكە تۋرالى وي» انىمەن ورتاعا 6 - سىنىپ وقۋشىسى ماكاتوۆا ايجاندى شاقىرامىز.