InfoHub Logo

شۋ اۋدانى اكىمدىگى ءبىلىم ءبولىمىنىڭ «قوسقۇدىق» بالالار باقشاسى
«كوممۋنالدىق قازىنالىق مەملەكەتتىك كاسىپورىن
ورىس ءتىلى مامانى قامبار قىزى ايجان

«جىگىت سۇلتانى» بايقاۋى
«جىگىت سۇلتانى» بايقاۋىنىڭ ۇمىتكەرلەرى 8 ۇل بالا قاتىسادى
ماقساتى: ەر بالالاردىڭ بويىنداعى جاقسى قاسيەتتەردى، ونەردى، ءبىلىمدى سىرتقا شىعارۋ. اتا سالتىن ناسيحاتتاي وتىرىپ، ناعىز قازاق جىگىتىنىڭ بويىنداعى قاسيەتتەرىمەن ونەرىن كورسەتۋ، تاپقىرلىق، ساحنا مادەنيەتىن قالىپتاستىرۋ، دامىتۋ. ءوزارا مادەنيەتتى سويلەۋگە باۋلۋ. ادەپتىلىك پەن سۇلۋلىققا ۇيرەتۋ.
كورنەكىلىكتەر: سۋرەت - بيلبورد، شارلار، گۇلدەر.
بايقاۋعا قاتىساتىندار: توپ تاربيەلەنۋشىلەر.
بايقاۋدىڭ قوناقتارى: اتا - انالار، ارىپتەستەر، بالالار.

بايقاۋ بارىسى.
1. ۇيىمداستىرۋ كەزەڭى.
ۇلتتىق مۋزىكا اۋەنى وينالىپ تۇرادى، قوناقتاردى ورنالاستىرۋ.
«جان دوسىم» ءانى ورىندالادى.

فانفارا
جۇرگىزۋشى:
ۋا، حالايىق، حالايىق،
بار ونەرگە سالايىق.
بۇگىنگى سايىس تورىندە،
بارىمىزدى سالايىق.
ارمىسىزدار قۇرمەتتى قوناقتار، اتا - انالار، ارىپتەستەر، بالالار!
«جىگىت سۇلتانى» سايىسىمىزعا قوش كەلدىڭىزدەر!

فانفارا
بالاباقشاداعى باقىتتى بال داۋرەن بالانىڭ ەڭ ءبىر باقىتتى، الاڭسىز كەزى. ءبىز بالاباقشامىزدا تاربيەلەنىپ جۇرگەن ۇلدار مەن قىزدارىمىزدى زامان تالابىنا ساي اقىلدى دا، پاراساتتى، ەر جۇرەكتى، تاربيەلى، يمان ءجۇزدى بولىپ وسكەنىن قالايمىز.
سوندىقتاندا ءبىز ۇل بالالارىمىزدىڭ بالاباقشادا قانداي تاربيە الىپ جۇرگەنىن كورىپ، ءبىرىمىز كۇا بولايىق.
ءادىلقازى بەرەدى
وزدەرىڭە بيلەكتى
ونەردە كىم جەڭەدى
سول الادى سىيلىقتى
- دەپ ەڭ الدىمەن سىزدەردى ءادىل - قازىلار القاسىمەن تانىستىرىپ وتەيىن.
بۇگىنگى بايقاۋعا ءادىل باعا بەرەتىن قازىلار القاسىمەن تانىس بولىڭىزدار.
1.------
2.--------
3.--------------

جۇرگىزۋشى:
ال ەندى قوناقتار سايىستى ءبىز باستايىق،
سايىستا كوڭىل مەنەن قول سوعايىق.
ۇمىتارسىز بۇگىن سىزدەر شارشاعاندى - دەي وتىرا ساحناعا «جىگىت سۇلتانى» اتىنا لايىقپىن دەپ ءۇمىت ارتقان سۇلتانداردى شاقىرايىق.

كۆن ءانى ارقىلى جىگىتتەر ساحناعا كىرەدى.
ءانشى جىگىتىمىز ەلنۇر!
العىر جىگىتىمىز نۇرداۋلەت!
مەيىرىمدى جىگىتىمىز مەيىرجان!
شىرايلى جىگىتىمىز باقىتجان!
سالماقتى جىگىتىمىز سانجار!
مىقتى جىگىتىمىز ەرجىگىت
ونەرلى جىگىتىمىز راۋان!

«جىگىت سۇلتانى» سايىسىمىز 8 كەزەڭنەن تۇرادى.
1. «سالەم – ءسوزدىڭ اتاسى». تانىستىرۋ.
2. «ادام كوركى شۇبەرەك». ءسان كورسەتىلىمى.
3 «تالانتتى بولۋ – تاڭىردەن». ونەر سايىسى
4. «ءبىلىمدى مىڭدى جىعادى». تاپقىرلار سايىسى.
5. مەرگەندەر سايىسى. اسىق ويىنى.
6. قازاقتىڭ قولونەرى. قامشى ءورۋ.
7. «وتان، تۋعان جەر، جەڭىسىمىزگە 70 جىل» تاقىرىبىنا ارنالعان ليريكالىق ولەڭ جارىسى.
8. ءۇي تاپسىرماسى. اتا انالاردىڭ قاتىسۋىمەن.

جۇرگىزۋشى: سايىس الدىندا جاقسى تىلەك بىلدىرەيىك. ورتاعا نۇرداۋلەتتىڭ اتاسىن قوشامەتپەن شاقىرايىق.

باتا

جۇرگىزۋشى:
اقىل - كورىك بويلارىندا جەتەدى،
ءالى تالاي سىناقتاردان وتەدى.
مىنا وتىرعان بارشىڭىزدى وزىمەن
تەز ارادا تانىستىرىپ وتەدى - دەپ، سايىسىمىزدىڭ ءبىرىنشى ءبولىمى «سالەم – ءسوزدىڭ اتاسى» دەپ اتالادى.
ءبىرىنشى سايىسىمىزدىڭ قورىتىندىسى بويىنشا ءادىل - قازىلار القاسى باعالارىڭىزدى بەرسەڭىز.....
جۇرگىزۋشى:
تانىس بولدىق جىگىتتەر وزىمەنەن،
تۋىپ وسكەن مەكەنى، ەلىمەنەن.
ءبارى ءارى اقىن، ءارى ءانشى،
تانىستىرىپ كەتتى عوي تەگىمەنەن.
پاراساتتى ەر جىگىت،
اقىلىنا ساي جىگىت.
ونەرىڭدى وركەندەت،
تەڭ كەلەدى قاي جىگىت؟
جۇرت قاراسىن قىزىعىپ، دەي وتىرىپ، سايىسىمىزدىڭ ەكىنشى ءبولىمى
«ادام كوركى شۇبەرەك» ءسان ۇلگىسىن كورسەتۋ ءبولىمىن باستايمىز.
جىگىتتەر كيىم ۇلگىسىن اسەم اۋەن ارقىلى كورسەتەدى.
جۇرگىزۋشى: ال ەندى، ءادىل قازىلار القاسى، جىگىتتەرىمىزدىڭ ۇپايىن بەرسەڭىزدەر.

3 «تالانتتى بولۋ – تاڭىردەن». ونەر سايىسى.
جۇرگ.: قۇرمەتتى كورەرمەندەر، ءادىل - قازىلار! حالقىمىزدا «سەگىز قىرلى ءبىر سىرلى» دەگەن ماتەل بار. ەندى سايىسكەرلەرىمىزدىڭ ونەرىن تاماشالاپ ءادىل باعاسىن بەرەيىك.
ونەرلەرى
1. ەلنۇر «بوبەكتەر» ولەڭى
2. سانجار «ەلىمىزدىڭ ماقتانىشى» سپورت ءبيى
3. باحىتجان «تانگو» ءبيى
4. نۇرداۋلەت «ءۇندى» ءبيى
5. مەيىرجان «سۇلۋ قىز» ولەڭى
6. ەرجىگىت «كازانوۆا» ءازىل كورىنىس بي
7. راۋان «قازاق» ءبيى

4. «ءبىلىمدى مىڭدى جىعادى». تاپقىرلار سايىسى.

جۇرگ.: مىقتى بولساڭ سۇراقتارعا جاۋاپ بەر،
كەلدى كەزەك تاپقىرلىقتى تانىتار
بۇل سىننان وتسەڭ ەگەر ءسۇيىنشى
جۇلدە سەندە، قۋانا بەر كۇلىمدە –
كەلدى كەزەك تاپقىرلىقتى تانىتار - دەپ
«ءبىلىمدى مىڭدى جىعادى» دەپ اتالاتىن سايىسىمىزعا كەزەك بەرەمىز. بۇل سايىستا سايىسكەرلەرىمىزدىڭ بىلىمدەرىن تەكسەرەمىز. بالاباقشامىزدا ءبىلىم الىپ جۇرگەن پاندەرى بويىنشا سۇراقتار بەرىلەدى. ءار سۇراقتىڭ دۇرىس جاۋابىنا 5 بالل.
جۇرگىزۋشى: ال ەندى، ءادىل قازىلار القاسى، جىگىتتەرىمىزدىڭ ۇپايىن بەرسەڭىزدەر.

ءادىل باعا بەرەتىن مۇشەلەرىنە، اتا - انالارعا توسىن سىي كورسەتۋ.

5. مەرگەندەر سايىسى. اسىق ويىنى

ءجۇر.: ءبىزدىڭ كەلەسى تاپسىرمامىز جىگىتتەردىڭ دالدىگىن، ياعني مەرگەندىگىن ءبىلۋ ءۇشىن «اسىق ويىن» وينايمىز. مەرگەندەر سايىسى.
1 م. – ءدال تيگىزسە – 5 ۇپاي؛
(ءادىل - قازى القاسى بەسىنشى سايىس بويىنشا باعا بەرەدى)

6. قازاقتىڭ قولونەرى. قامشى ءورۋ.

ءجۇر.: قامشى تارتۋ. اتا كورگەن وق جانار دەمەكشى. اكەلەرى ۇلدارىنا قامشى ءورۇدى قالاي ۇيرەتكەنىڭ، بالالارى قالاي ورىندايتىنىن باعالايسىزدار. بەرىلگەن ۋاقىتتا كىم قانشا ورگەنىن كورەمىز. بالالار قامشى ءورىپ تارتادى.
التىنشى سايىسىمىز بويىنشا ءادىل – قازى القالارى باعالارىن بەرسە
(ءادىل - قازى القاسى بەسىنشى سايىس بويىنشا باعا بەرەدى)

7. «وتان، تۋعان جەر، جەڭىسىمىزگە 70 جىل» تاقىرىبىنا ارنالعان ليريكالىق ولەڭ جارىسى.
جەتىنشى سايىسىمىز بويىنشا ءادىل – قازى القالارى باعالارىن بەرسە...

سايىسىمىزدىڭ سوڭعى ءبولىمى «ءۇي تاپسىرماسى...»
(بالالار ۇيدەن ءوز قولدارىمەن جاساعان بۇيىمدارىن كورسەتەدى)

1) قازىلار القاسى ءوز شەشىمىن شىعارعانشا «يا سولاي» اسەم ءانىن تاماشالاڭىزدار.
2) جىگىتتەرىمىزدىڭ ورىنداۋىندا «مى مالەنكيە زۆەزدى» ءانىن تاماشالاڭىزدار!

جۇرگىزۋشى:
«باتىر بولعان بابامنان،
ەل قورعاۋدى ۇيرەنگەن.
ارۋ بولعان انامنان،
ار قورعاۋدى ۇيرەنگەن» سۇلتاندارىمىزدى ورتاعا شاقىرامىز.
ءسوز كەزەگى ءادىل قازىلار القاسىندا.

جۇرگىزۋشى:
بۇگىن جىگىتتەرىمىز ناعىز تاماشا ونەر كورسەتتى. بۇل ولاردىڭ ەرتەڭگى ۇلكەن سىنعا قادام باسقان باستاۋى عانا. ءارقاشان سىنالعان شاقتا سۇرىنبەي، قادامدارىڭا نۇر جاۋسىن دەيمىز!
وركەندەرىڭ ءوسسىن، مەرەيلەرىڭ ۇستەم بولسىن! كەلەسى كەزدەسكەنشە، كۇن نۇرلى بولسىن!