جيگۋلي دايرابايەۆ "اۋىل" پارتياسىنداعى قىزمەتىنەن نەگە كەتكەنىن مالىمدەدى
ءماجىلىس دەپۋتاتى جيگۋلي دايرابايەۆ "اۋىل" پارتياسى ءتوراعاسىنىڭ ورىنباسارى قىزمەتىنەن بوساتىلۋىنىڭ سەبەبىن ءتۇسىندىردى. ونىڭ ايتۋىنشا، بۇل وزگەرىس پارتياىشىلىك جاڭارۋ ۇدەرىسىمەن بايلانىستى.
جيگۋلي دايرابايەۆ بۇل شەشىمنىڭ ماجىلىستە كوتەرگەن دەپۋتاتتىق ساۋالىمەن ەش بايلانىسى جوق ەكەنىن اتاپ ءوتتى.
"ءقازىر پارتياعا جاڭا تولقىن، جاس بۋىن كەلىپ جاتىر. بۇل – پارتيانىڭ دامۋ جولىنداعى قالىپتى پروسەسس. مەنىڭ دەپۋتاتتىق قىزمەتىم مەن بۇل شەشىمنىڭ اراسىندا ەشقانداي بايلانىس جوق،" – دەپ قىسقا قايىردى ول.
ايتا كەتەيىك،28 اقپاندا "اۋىل" پارتياسىنىڭ ساياسي كەڭەسى جيگۋلي دايرابايەۆتى پارتيا ءتوراعاسىنىڭ ورىنباسارى قىزمەتىنەن بوساتۋ تۋرالى ءبىراۋىزدان شەشىم قابىلدادى. بۇل وزگەرىستەر پارتيانىڭ ىشكى قۇرىلىمدىق رەفورمالارىمەن ءتۇسىندىرىلدى.
جيگۋلي دايرابايەۆ – قازاقستانداعى اگرارلىق سالانىڭ تانىمال مامانى، ءماجىلىس دەپۋتاتى. ول اۋىل شارۋاشىلىعى ماسەلەلەرىن ءجيى كوتەرىپ، وسى سالاداعى رەفورمالارعا قاتىستى باستامالارىمەن تانىمال بولعان.
You Might Also Like
-
شوقان ءۋاليحانوۆ (1835-1865) — قازاقتىڭ كورنەكتى عالىمى، زەرتتەۋشىسى، ەتنوگرافى، تاريحشىسى جانە ساياحاتشىسى. ول ورتا ازيانىڭ تاريحي، مادەني جانە ەتنوگرافيالىق زەرتتەۋلەرىنە ۇلكەن ۇلەس قوسقان.
-
رەسەيدەن قازاقستانعا: وزبەكستان ميگرانتتارىنىڭ جاڭا تاڭداۋى
