InfoHub Logo

ءجىتى تۇماۋ (رينيت) - ءجيى كەزدەسەتىن اۋرۋلاردىڭ ءبىرى. ونىڭ پايدا بولۋىنىڭ سەبەپتەرى - باكتەريالىك، تەرميالىق، مەحانيكالىق، حيميالىق تىتىركەندىرگىشتەر.

ءجىتى تۇماۋدىڭ ءجيى سەبەبى — ينفەكسيا. وزىنە ءتان قوزدىرعىشى ءالى انىقتالماعان. ءجىتى تۇماۋ ورگانيزمگە قولايسىز جاعدايدا مۇرىن قۋىسىندا بولاتىن ميكروبتار بەلسەندىلىگىنىڭ ارتۋىنان دا تۋىندايدى، ول سۇزگىشتەن ءوتىپ كەتەتىن ۆيرۋستار ارقىلى دا جۇعادى. جانە تەمپەراتۋرانىڭ كۇرت وزگەرۋى، قۇرعاق اۋانىڭ جىلدام ىلعالدانۋى، وتە جىلى نەمەسە جىلىلىعى جەتكىلىكسىز كيىم، شاڭ-توزاڭ، كومىر ۇنتاقتارى دا سەبەپشى بولۋى مۇمكىن. ءجىتى تۇماۋدا - وزىنشە جەكە نەمەسە باسقا اۋرۋلاردىڭ بەلگىلەرى دە كەزدەسەدى (مىسالى، قىزىلشا، سۇزەك اۋرۋلارىمەن اۋىرعان ناۋقاستاردا).

بەلگىلەرى

جالپى السىزدىك پايدا بولىپ، كەيدە دەنە قالتىراپ، مۇرىن، جۇتقىنشاق قۇرعايدى، مۇرىن قىشىپ، تۇشكىرىپ، ودان كەيىن ەكى تاناۋ دا كەزەك-كەزەك ءبىتىپ قالادى. اۋرۋ كوپ جاعدايدا وسى بەلگىلەرىمەن شەكتەلۋى مۇمكىن، ءبىراق كەيدە ودان ءارى دامي تۇسەدى: ءيىس سەزۋى كۇرت تومەندەيدى، ءدام سەزىمى، داۋىسى وزگەرەدى. مۇرنىنان سۋ اعىپ، ەرنەۋى قىزارىپ، جارىق پايدا بولادى. بىرتىندەپ بولىنەتىن زاتتىڭ ءتۇرى قويۋلانىپ، اۋرۋ ۇزاققا سوزىلعاندا ول شىرىشتى - ءىرىڭدى، نەمەسە ءىرىڭدى تۇرگە اينالادى.

بىرتىندەپ بولىنەتىن زاتتىڭ مولشەرى مەن قۇرامى وزگەرەدى، اقىرىندا 12-14 كۇننەن كەيىن ءبارى ءوز قالپىنا كەلەدى. كەيدە ءجىتى تۇماۋ كەزىندە ەمدەلمەگەندىكتەن اسقىنىپ، جۇتقىنشاقتىڭ شىرىشتى قابىعى، وڭەش، قولقا، وكپە قابىنۋى مۇمكىن.

رينوسكوپيامەن تەكسەرگەندە مۇرىن قۋىسىنىڭ شىرىشتى قابىعىنىڭ قانتالاعانى، بارلىق شىرىشتى قابىقتىڭ ىسىنگەنى جانە مۇرىن ءتۇبى مەن ونىڭ ءارتۇرلى بولىمشەلەرىندە ءشىرىشتى-ىرىڭدى زاتتىڭ كوپ مولشەردە جينالعانى بايقالادى.

ەمدەۋ

تۇماۋدىڭ ءجىتى كەزىندە سىڭبىرمەۋگە تىرىسۋ كەرەك، قاتتى سىڭبىرگەندە سىرقاتتىڭ اسقىنىپ كەتۋى مۇمكىن، سەبەبى ەسىتۋ تۇتىگى ارقىلى ينفەكسيا ورتاڭعى قۇلاقكا ءوتىپ، ونى قابىندىرادى. جىلى، قويۋ قىشا ارالاستىرىلعان ىستىق سۋعا اياقتى سالىپ قويۋ، ىستىق شاي، ءسۇت ءىشۋ، اسپيرين تۇيمەداعىن قابىلداۋ جانە جىلى، قۇرعاق توسەككە ورانىپ جاتۋ، مۇرىن ىشىنە جۇمسارتقىش ماي جاعۋ، كۇنىگە 2-3 رەت 5 تامشىدان ۆازەلين مايىن تامىزۋ، جانە 5 تامشىدان 2-3 رەت 2 پايىزدىق پروتورگول نەمەسە 2 پايىزدىق كوللارگول قۇيۋ كەرەك. سۋلفانيلاميد جانە انتيبيوتيكتەردەن ىستەلگەن ءدارى ۇنتاقتارىن مۇرىن ىشىنە ۇرلەۋ جاقسى ناتيجە بەرەدى. جاڭا دايىندالعان 1-2 پايىزدىق ەفەدرين ەرىتىندىسىندە پەنيسيللين، امپيسيللين جانە ت.ب. مۇرىنعا قۇيۋدىڭ دا ايتارلىقتاي جاردەمى تيەدى. ءدارى دارمەكتەرمەن قاتار فيزيوەمدەر دە كەڭىنەن قولدانىلادى.
ءجىتى تۇماۋدىڭ الدىن الۋ ءۇشىن ناۋقاستىڭ قورشاعان ورتاسىن تازا ۇستاۋعا قامقورلىق جاساۋ بولمەلەردى دىمقىلداپ تازارتۋ، ۇيىقتار الدىندا بولمەنى جەلدەتىپ الۋ كەرەك.

ق.مەدەتبەكوۆا، جوعارى ساناتتى تەراپيەۆت-دارىگەر.
م.گۋبەيەۆ، حيرۋرگ.

---