Photo: Ayazhan (https://www.pexels.com/@ayazhan-3173683) / Pexels
"جۇلدىز حانىم، ويلانىڭىز!" – بەلسەندى پەداگوگتىڭ ءبىلىم مينيسترىنە ۇندەۋى
ءبىلىم ءمينيسترى جۇلدىز سۇلەيمەنوۆانىڭ مۇعالىمدەر اتتەستاسياسىنا قاتىستى ەنگىزبەكشى بولعان جاڭا ەرەجەلەرى قوعامدا قىزۋ تالقىلانىپ جاتىر. وسىعان وراي، بەلسەندى پەداگوگ ايمان ساعيدۋللا مينيسترگە اشىق حات جولداپ، جاڭا جۇيەنىڭ كەمشىن تۇستارىن سىنعا الدى.
بۇل تۋرالى Infohub.kz اقپارات اگەنتتىگى حابارلايدى.
پەداگوگتىڭ اشۋلى ۇندەۋى
ايمان ساعيدۋللا الەۋمەتتىك جەلىدەگى پاراقشاسىندا ءمينيستردىڭ ارەكەتىنە نارازىلىق ءبىلدىردى. ونىڭ ايتۋىنشا، مينيسترلىك پەداگوگتەرمەن بىرگە جۇمىس ىستەگەندەي بولىپ، نەگىزگى شەشىمدەردى وزدەرى قابىلداپ، مۇعالىمدەردى ەلەمەگەن.
«جۇلدىز دوسبەرگەن قىزى سۇلەيمەنوۆا حانىم! ەگەر ءبارىن وزدەرىڭىز شەشىپ تاستايتىن بولساڭىزدار، ءبىزدى نەگە تەگىننەن تەگىن جۇمىس توبىندا 4 اي ۇستادىڭىزدار؟ تەستى دە الىپ تاستادىڭىز. بەلسەندى مۇعالىمدەرمەن ويىن وينادىڭىزدار عوي كادىمگىدەي. نەگە ءبىز مىنا وزگەرىستەردى بىلمەيمىز، جۇمىس توبىندا وتىرىپ؟» – دەپ جازدى پەداگوگ.
«شوۋ ساباق» پەن بالالاردىڭ ۋاقىتى
ساعيدۋللانىڭ سوزىنشە، مۇعالىمدەر اتتەستاتتاۋدان ءوتۋ ءۇشىن 14-15 اشىق ساباق كورسەتۋگە ءماجبۇر. بۇل جاعداي بالالاردىڭ وقۋىنا كەدەرگى كەلتىرەدى.
«ءبىز اشىق ساباقتىڭ كوكەسىن ءوتىپ بەرە الامىز. ءبىراق 14-15 اشىق ساباق ءوتىپ، ليالياليا دەپ جۇرگەنىمىزدە بالالارىمىز نە وقيدى؟ شوۋ ساباقتى كورسەتىپ، وزىمىزگە ابىروي جيناپ، اتتەستاسيادان ءوتىپ جۇرگەنىمىزدە بالالاردىڭ بار ۋاقىتى ءبىز ءۇشىن جۇمسالاتىنىن بىلەسىزدەر مە؟» – دەپ اعىنان جارىلدى ول.
«شىندىقتىڭ قانىن جالاعان دۇرىس ەدى»
پەداگوگ مينيسترلىكتىڭ ارەكەتىن «وتىرىك» دەپ اتاپ، شىندىقتى ايتۋعا شاقىردى. ول جۇمىس توبىنان شىعىپ كەتكەنىنە قۋانىشتى ەكەنىن، ايتپەسە وقۋشىلاردىڭ كوز جاسىنا قالار ەدىم دەپ ويلايتىنىن جەتكىزدى.
«ءبىر وتىرىكتەن قۇتىلا الماي جۇرگەندە ەكىنشى وتىرىك. جۇمىس توبىنان شىعىپ كەتكەنىم جاقسى بولدى. ايتپەسە وقۋشىلاردىڭ كوز جاسىنا قالار ەدىم. اياتجان احمەتجان ۇلىنىڭ ءبىر اڭگىمەسى بار ەدى: "اشىق ساباق – تەاترلانعان قويىلىم"، – دەگەن. بجب مەن تجب دا وتىرىك. ءبىلىم ساپاسى دا وتىرىك. اشىق ساباق تا وتىرىك»، – دەدى ساعيدۋللا.
تەستكە ورالۋ ۇسىنىسى
ايمان ساعيدۋللا پورتفوليو مەن شوۋ ساباقتاردى الىپ تاستاپ، ورنىنا تەست جۇيەسىن قالدىرۋدى ۇسىندى. ونىڭ پىكىرىنشە، مەكتەپ باعدارلاماسىنان كەلەتىن تەستتى ءبىلىمى بار ءمۇعالىمنىڭ ءبارى تاپسىرا الادى.
«پورتفوليونى الىپ تاستاپ، تەستى قالدىرۋ كەرەك ەدى. مەكتەپ باعدارلاماسىنان كەلەتىن تەستى ءبىلىمى بار ءمۇعالىمنىڭ ءبارى تاپسىرا الادى. 50 سۇراقتان قاشاتىن مۇعالىمگە 140 سۇراقتى تاباتىن وقۋشى دايىنداۋدى تاپسىرۋ ۇياتتاۋ ەندى. جۇلدىز حانىم! ءالى دە ويلانىڭىز. اتتەستاسيادا تەستى قالدىرىپ، باسقا بۇكىل قۇجاتتاردى الىپ تاستاڭىز. پورتفوليو دا شوۋ ساباق تا كەرەك ەمەس. تەست ارقىلى جوو-عا ارنالعان بۇكىل گرانت تاراتىلادى. ال، ءبىز سول تەستكە وقۋشى دايىندايتىن ءمۇعالىمبىز»، – دەپ جازدى ول.
-
اتىراۋ وبلىسىندا رەسپۋبليكالىق ماڭىزى بار اۆتوجولداردا قاۋىپسىزدىكتى ارتتىرۋ ءۇشىن زاماناۋي تەحنولوگيالار ەنگىزىلۋدە. سونىڭ ءبىرى – جۇرگىزۋشىلەرگە ارنالعان لازەرلىك باعدارلاۋ جۇيەسى.
-
An active educator has penned an open letter to the Minister of Education، highlighting concerns about the new teacher certification process and its impact on students.
