InfoHub Logo

شىمكەنتتە جارناما ارقىلى جۇمىس ىزدەگەن 18 جاستاعى ستۋدەنت قىز زورلىقتىڭ قۇربانى بولدى. الەۋمەتتىك جەلىدەگى «جاقسى جۇمىس» تۋرالى حابارلاندىرۋ ونى قورقىنىشتى جاعدايعا دۋشار ەتتى.

بۇل تۋرالى Infohub.kz اقپارات اگەنتتىگى حابارلايدى.

قىزداردى الداپ اكەتەتىن «ماسساج سالونى»

زارداپ شەككەن قىزدىڭ ايتۋىنشا، قالا تۇرعىنى وعان زورلىق كورسەتكەن. الايدا، قىزدىڭ تۋىستارىنىڭ ايتۋىنشا، كۇدىكتى دە، ونى ۇيىمداستىرعاندار دا ءالى كۇنگە دەيىن جاۋاپقا تارتىلماعان.

جاس قىز ءانونيمدى تۇردە وتكەن جازدا بولعان وقيعانى بايانداپ بەردى. ول الەۋمەتتىك جەلىدەگى جۇمىس تۋرالى حابارلاندىرۋعا جاۋاپ بەرىپ، كەيىننەن «بودي-ماسساج» قىزمەتتەرىن كورسەتەتىن مەكەمەگە كەلگەن. الايدا، ول جەردەن شىعا الماي قالعان، ونى كۇشپەن ۇستاپ وتىرعان.

«مەنى كۇشپەن ىشكە كىرگىزدى. شىقپاق بولعانىمدا، ەسىك الدىندا كۇزەتشىلەر تۇردى. ءبىر جىگىت مەنى ۇستاپ تۇردى، مەن جىلاپ، ايقايلاسام دا بوساتار ەمەس. كەيىن ماعان ەشكىم تيىسپەيتىنىن، تەك ماسساج جاساۋىم كەرەكتىگىن ايتتى، سوندا كەلىستىم. باسىندا-اق باس تارتۋىم كەرەك ەدى»، - دەدى زارداپ شەككەن قىز.

اتا-انانىڭ شاعىمى

قىزدىڭ شاعىمدارىنا قاراماستان، مەكەمە ءالى كۇنگە دەيىن «مونشا» دەگەن جەلەۋمەن جۇمىس ىستەپ تۇر. قىزدىڭ اتا-اناسى قۇزىرلى ورگانداردىڭ ءالى كۇنگە دەيىن ەشقانداي شارا قولدانباعانىنا قاتتى اشۋلى. قالا تۇرعىندارى وزدەرىنىڭ ومىرىنە ءقاۋىپ ءتونىپ تۇرعانىنا بايلانىستى جۋرناليستەرمەن كەزدەسۋگە ءماجبۇر بولعان.

«بۇل قاشان اياقتالادى؟ ەگەر ەرتەڭ مەنىڭ قىزىمدى كۇشتەپ شەتەلگە الىپ كەتسە نەمەسە ءولتىرىپ كەتسە، مەن نە ىستەيمىن؟ بىزگە بىرنەشە رەت قورقىتىپ حابارلاسقان، ەگەر ءىستى توقتاتپاساق، ولتىرەمىز دەپ»، - دەدى جابىرلەنۋشىنىڭ اناسى.

زارداپ شەككەن قىزدىڭ وتباسى زورلىق كورسەتكەن ەر ادامدى عانا ەمەس، قىزدى الداپ اكەلگەن ۇيىمداستىرۋشىلاردى دا جاۋاپقا تارتۋدى تالاپ ەتەدى. تۋىستارى ءىستى سوتقا بەرۋدى تەزدەتۋدى دە سۇراۋدا.

پوليسيانىڭ جاۋابى

ال شىمكەنت قالالىق پوليسيا دەپارتامەنتىنىڭ باسپا ءسوز قىزمەتىنەن حابارلاعانداي، زورلىق فاكتىسى بويىنشا قىلمىستىق ءىس قوزعالعان.

«كۇدىكتى تۇلعا ۇستالىپ، پوليسياعا جەتكىزىلدى»، - دەپ ءتۇسىندىردى باسپا ءسوز قىزمەتى.

قازىرگى ۋاقىتتا ءىستىڭ بارلىق ءمان-جايىن انىقتاۋعا باعىتتالعان تەرگەۋ ارەكەتتەرى جۇرگىزىلىپ جاتىر.