sn.kz
جۋرناليست اسحات سادىربايعا قاتىستى قىلمىستىق ءىس قوزعالدى
بەلگىلى جۋرناليست اسحات سادىربايدىڭ ۇستىنەن قىلمىستىق ءىس قوزعالدى. بۇل تۋرالى Politico.kz اقپارات اگەنتتىگى حابارلايدى.
ءىس ءجۋرناليستىڭ بۇرىنعى جۇبايى ايعانىم بولات قىزىنىڭ ارىزى نەگىزىندە تىركەلگەن. استانا قالالىق پوليسيا دەپارتامەنتى بۇل دەرەكتى راستاپ، تەرگەۋ جۇمىستارىن ەسىل اۋداندىق پوليسيا باسقارماسىنىڭ جۇرگىزىپ جاتقانىن مالىمدەدى.
رەسمي مالىمەتتەرگە سۇيەنسەك، 1992 جىلى تۋعان ايعانىم بولات قىزى 1986 جىلى تۋعان اسحات مۇراتوۆيچ سادىربايەۆقا قاتىستى شارا قولدانۋ تۋرالى وتىنىشپەن پوليسياعا جۇگىنگەن.
ءىس قىلمىستىق كودەكستىڭ 110-بابى بويىنشا تەرگەلۋدە
«اتالعان دەرەك بويىنشا 2025 جىلدىڭ 9 قازانىندا قازاقستان رەسپۋبليكاسى قىلمىستىق كودەكسىنىڭ 110-بابى 2-بولىگى بويىنشا سوتقا دەيىنگى تەرگەپ-تەكسەرۋ باستالدى»، – دەلىنگەن پوليسيانىڭ رەسمي جاۋابىندا.
ايعانىم بولات قىزى بۇعان دەيىن بۇرىنعى كۇيەۋىنىڭ وزىنە زورلىق-زومبىلىق كورسەتكەنىن، ازاپتاپ، سوققىعا جىققانىن ايتىپ، قۇقىق قورعاۋ ورگاندارىنان جانە قوعامنان كومەك سۇراعان بولاتىن. اسحات سادىرباي بولسا، بۇل ايىپتاۋلاردى جوققا شىعارىپ، جالا ەكەنىن ايتىپ كەلگەن. بۇعان دەيىن جۋرناليست ەكس-جۇبايىن سوتقا بەرىپ، جەڭىسكە جەتكەنى دە حابارلانعان ەدى. الايدا، ايعانىم بولات قىزى كەيىن العان جاراقاتتارىن كورسەتىپ، قايتا ارىز تۇسىرگەن.
قازىرگى تاڭدا ءىس بويىنشا سوت-مەديسينالىق ساراپتامالار تاعايىندالىپ، تەرگەۋ امالدارى جالعاسۋدا. ق ر قىلمىستىق پروسەستىك كودەكسىنىڭ 201-بابىنا سايكەس، سوتقا دەيىنگى تەرگەپ-تەكسەرۋ دەرەكتەرى جاريا ەتىلمەيدى.
-
گەنپروكۋراتۋرا كازاحستانا سووبششيلا و حودە راسسلەدوۆانيا ۆ وتنوشەنيي بىۆشەگو رۋكوۆوديتەليا سلۋجبى سپەسيالنىح پروكۋروروۆ ولەسي كەكسەل.
-
وليمپيادا چەمپيونى ميحايل شايدوروۆ ءوزىنىڭ جالاقىسى تۋرالى جاريالانعان مالىمەتتەرگە قاتىستى پىكىرىن ءبىلدىرىپ، سپورتتاعى جاعدايدى باياندادى.
