InfoHub Logo

كارىم ءماسىموۆتىڭ استاناداعى ءۇيى قالا اكىمدىگىنىڭ مەنشىگىنە وتپەكشى،دەپ حابارلايدى Infohub.kz.

ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆتەن تاركىلەنگەن استاناداعى تۇرعىن ءۇي رەسمي تۇردە قالا اكىمدىگىنىڭ بالانسىنا بەرىلەدى. بۇل تۋرالى اكىمدىك وكىلدەرى حابارلادى. جوسپار بويىنشا، نىسان “الەۋمەتتىك قاجەتتىلىكتەر ءۇشىن” پايدالانىلماق. ياعني، ءۇيدى الەۋمەتتىك سالاعا قاتىستى ماقساتتارعا – مەملەكەتتىك مەكەمەلەردى ورنالاستىرۋعا نەمەسە حالىققا قىزمەت كورسەتۋ باعىتىندا قولدانۋ كوزدەلۋدە.

ايتا كەتەيىك، اتالعان تۇرعىن ءۇي 2025 جىلدىڭ اقپانىندا ساتۋعا قويىلعان ەدى. ول كەزدە ءۇيدىڭ قۇنى 1،8 ميلليارد تەڭگە دەپ باعالانىپ، ساۋدا-ساتتىققا شىعارىلعان بولاتىن. الايدا كەيىننەن ستراتەگيالىق ماڭىزى ەسكەرىلىپ، ونى مەملەكەتتىك مەنشىككە قايتارۋ تۋرالى شەشىم قابىلداندى.

بۇعان دەيىن دە كارىم ءماسىموۆتىڭ ءتۇرلى مۇلكى مەملەكەت پايداسىنا تاركىلەنگەن بولاتىن. بۇل پروسەسس ونىڭ قىزمەت بابىن اسىرا پايدالانۋ، جەمقورلىققا قاتىسى بار دەگەن ايىپتاۋلار بويىنشا قوزعالعان قىلمىستىق ىستەر اياسىندا جۇزەگە اسىرىلعان.

استانا اكىمدىگى تاركىلەنگەن ءۇيدى قانداي ماقساتتا قولداناتىنىن جاقىن ارادا ناقتى جاريالايتىنىن مالىمدەدى. ازىرگە ۇيگە قاتىستى رەكونسترۋكسيالاۋ نەمەسە بەيىمدەۋ جۇمىستارىنىڭ قاجەتتىلىگى قاراستىرىلىپ جاتىر.

---