كەلەشەكتە حالىققا قىزمەت كورسەتۋ ورتالىقتارى جابىلۋى مۇمكىن
پرەمەر-مينيستر ولجاس بەكتەنوۆ مەملەكەتتىك قىزمەتتەردىڭ ونلاين فورماتقا كوشۋ پروسەسى جايلى پىكىر ءبىلدىردى. ونىڭ ايتۋىنشا، قازىرگى ۋاقىتتا ەلىمىزدە مەملەكەتتىك قىزمەتتەردىڭ كوپشىلىگى ونلاين رەجيمدە كورسەتىلۋدە، بۇل بولاشاقتا حالىققا قىزمەت كورسەتۋ ورتالىقتارىنىڭ قاجەتتىلىگىن جويۋى مۇمكىن.
«بولاشاقتا حالىققا قىزمەت كورسەتۋ ورتالىقتارىنا دەگەن سۇرانىس ازايىپ، ولاردىڭ قاجەتتىلىگى جوققا شىعارىلۋى مۇمكىن دەپ سانايمىز. ازىرگە حقكو-لار جۇمىس ىستەپ جاتىر، ءبىراق ولاردىڭ تيىمدىلىگىن ارتتىرۋعا جانە جۇمىستى جەتىلدىرۋگە باعىتتالعان شارالار قابىلدانۋى كەرەك»، – دەدى ول.
قازىرگى تاڭدا ەلىمىزدە 334 حالىققا قىزمەت كورسەتۋ ورتالىعى 1296 قىزمەت ءتۇرىن ۇسىنادى. 2023 جىلى ورتالىقتار 23 ميلليوننان استام قىزمەت كورسەتكەن. ءبىراق بۇل كورسەتكىش سوڭعى جىلدارمەن سالىستىرعاندا تومەندەگەن. پرەمەر-مينيستردىڭ ايتۋىنشا، بۇل قۇلدىراۋدىڭ باستى سەبەبى – ەلەكتروندى قىزمەتتەردىڭ بەلسەندى دامۋى.
سونىمەن قاتار، 2024 جىلى قاراعاندى جانە قىزىلوردا قالالارىندا سۋپەر حقكو-لار اشىلدى. بۇل ورتالىقتاردا بىرنەشە مەملەكەتتىك ورگاندار، كوممۋنالدىق ۇيىمدار مەن بانك وكىلدەرى بىرىگىپ، تۇرعىندارعا ءبىر تەرەزە جۇيەسى بويىنشا قىزمەت كورسەتۋدە.
You Might Also Like
-
2025 جىلدىڭ قاڭتار-اقپان ايلارىندا قازاقستان مەن وزبەكستان اراسىنداعى تاۋار اينالىمى 639،1 ملن اقش دوللارىن قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 11،4%-عا جوعارى (573،5 ملن اقش دو...
-
قازاقستان مەن تۇركيا پرەزيدەنتتەرى ءبىر-بىرىن ورازا ايت مەرەكەسىمەن قۇتتىقتاپ، ەكى ەل حالىقتارىنا باق-بەرەكە تىلەدى.
