InfoHub Logo

قازاق ءتىلى مەن ادەبيەتى ءپانىنىڭ ءمۇعالىمى: وتەبايەۆا ا.ە.

توپتاماداعى ساباقتىڭ تاقىرىپتارى:
1. ومونيمدەر
2. «سىرتتاندار» ەرتەگىسى
3. اقساق قۇلان، جوشى حان
4. جيرەنشە شەشەن مەن قاراشاش سۇلۋ

ساباقتىڭ تاقىرىبى: ومونيمدەر
سىلتەمە: جوسپار.
جالپى ماقساتى: ومونيمدەر تۋرالى تۇسىنىك بەرىپ، جاڭا تاقىرىپتى مىسالدار ارقىلى مەڭگەرتۋ. لەكسيكالىق تالداۋ جاساتا وتىرىپ، سوزدەردىڭ ماعىنالارىن تانىتۋ.
وقىتۋ ناتيجەسى: وزىندىك جۇمىس تۇرلەرىن ورىنداتۋ ارقىلى وي - ورىستەرىن كەڭەيتۋ، شىعارماشىلىق تاپسىرمالار ارقىلى سويلەۋ تىلدەرىن دامىتۋ.
ءتۇيىندى يدەيالار: ومونيمدەردىڭ ومونيم ەكەنىنە كوز جەتكىزۋ ءۇشىن ونداي سوزدەرگە سينونيم ىزدەپ كورۋ. سۇراق - جاۋاپ، بايانداۋ، تالداۋ.
اقپارات كوزدەرى: ينتەراكتيۆتى تاقتا، سلايد سۋرەتتەر، كەستە، ۆەنن دياگرامماسى.

ساباقتىڭ بارىسى:
ءمۇعالىمنىڭ ءىس - ارەكەتى
I. ۇيىمداستىرۋ كەزەڭى. وقۋشىلاردى توپتارعا ءبولىپ، قۇرال - جابدىقتاردى ۇلەستىرۋ.

ءۇي تاپسىرماسىن تەكسەرىپ، قورىتىندىلاۋ.
كوپ ماعىنالى سوزدەر.
60 - 61 جاتتىعۋلار.
سۇراقتار مەن تاپسىرمالار:
1. ءسوز دەگەن نە؟
2. ءسوز ماعىناسى دەگەن نە؟
3. ءسوزدىڭ قانداي ماعىنالارى بولادى؟
4. ءسوزدىڭ تۋرا ماعىناسى دەگەن نە؟
5. ءسوزدىڭ اۋىسپالى ماعىناسى دەگەن نە؟
6. كوپ ماعىنالى سوزدەر دەگەن قانداي سوزدەر؟

60 - جاتتىعۋ.
*سالماقتى، ارەكەت، قارۋلى سوزدەرىنىڭ بىرەۋىن تاڭداپ، سول بويىنشا شاعىن ءماتىن قۇراۋ. ماتىندە كوپ ماعىنالى سوزدەر بولۋىن ەسكەرۋ.

61 - جاتتىعۋ.
● تومەندەگى سوزدەردى پايدالانىپ، تۋرا ماعىنا مەن اۋىسپالى ماعىنادا قولدانىلاتىن بىرنەشە سويلەم قۇراپ جازىڭدار. جەل، سۋىق، جىلى، وتكىر، كىلت.
♦ سول سوزدەردىڭ نەگىزگى ماعىناسى مەن اۋىسپالى ماعىنالارىنىڭ ءوزارا بىرلىگى مەن ايىرماشىلىقتارىن ايتىڭدار.
ءىى. جاڭا ساباق.
تاقىرىپ: ومونيمدەر

1. كىرىسپە ءبولىم
ءمۇعالىم ماعىناسىن ايتادى، مىسال كەلتىرەدى.

ۆەنن دياگرامماسى.
1
1. ءسوزدىڭ ەكى يا ودان دا كوپ ماعىناعا يە بولۋى.
2. كوپ ماعىنالى سوزدەر ءبىر نەگىزدەن تارالادى دا، ءبىر ءسوز تابىنا قاتىستى بولادى.

2
1. ءسوز بايلىعىن كورسەتەدى.
2. بىركەلكى دىبىستالادى.

3
1. ايتىلۋى بىردەي، ماعىنالارى بولەك.
2. ءار ءسوز تابىنان بولادى، سوعان وراي اتقاراتىن قىزمەتتەرى دە بولەك بولادى.

1. كوپ ماعىنالى سوزدەردىڭ وزىنە ءتان بەلگىلەرى.
2. كوپ ماعىنالى سوزدەر مەن ومونيمدەردىڭ ورتاق قاسيەتتەرى.
3. ومونيم سوزدەردىڭ وزىنە ءتان بەلگىلەرى.
ءار توپقا تاپسىرما بەرىلەدى.
ءار توپ وزدەرىنىڭ شەشىمىن ايتادى. جيناقتالعان ماتەريالدان قورىتىندى شىعارادى.

ءىىى. جاتتىعۋلار جۇمىسى تاقتامەن جۇمىس. 62 - جاتتىعۋ (تاقتامەن جۇمىس، استىن سىزۋ)
ينتەراكتيۆتى تاقتامەن جۇمىس:

وقۋلىقپەن جۇمىس.
63 - جاتتىعۋ (كەيىپكەرلەرگە مىنەزدەمە بەرىڭدەر)

65 - جاتتىعۋ
قول، ساباق، ءسىڭىر، قوي سوزدەرى ومونيم بولاتىنداي تىركەستەر قۇرىپ جازىڭدار.

♦ ماتىننەن اۋىسپالى ماعىناداعى سوزدەردى تاۋىپ، داپتەرلەرىڭە جازىڭدار.

ءىV. بەكىتۋ:
جيناقتاۋ، قورىتىندىلاۋ.

V. باعالاۋ
ءار توپقا ءبىر - ءبىرىن باعالاۋ تاپسىرىلادى.
ءمۇعالىم ساباقتى باعالاۋعا بايلانىستى كريتەرييلەرگە سۇيەنىپ، وقۋشىلاردى باعالايدى.
Vءى. ۇيگە تاپسىرما بەرۋ.
1. 28 - 29 بەتتەر ارالىعىن وقۋ، ەرەجەنى جاتتاۋ.
2. 64 - جاتتىعۋ. اڭگىمەنى مانەرلەپ وقىپ، مازمۇنداۋ. ومونيم بولاتىنداي مىسالدار (5 سويلەم تۇرىندە جازۋ). اڭگىمە كەيىپكەرلەرى وزدەرىڭە تانىس بولسا، ولار تۋرالى كەڭىرەك اڭگىمەلەڭدەر. وقۋشىلارعا ساباقتىڭ سوڭىندا تاقىرىپ بويىنشا العان وڭ جانە كەرى اسەرلەرىن جازىپ قويۋدى تاپسىرادى. وسىعان بايلانىستى ۇسىنعان سۇراقتارعا جاۋاپ بەرىپ، تۇزەتۋ جۇمىستارىن جۇرگىزەدى.