InfoHub Logo

Threads جەلىسىندەگى بەلسەندىلەردىڭ ءبىرى كەشيۋ توبىنىڭ بۇرىنعى مۇشەسى ايدا سماعۇلوۆانى وتباسىلى ەر اداممەن كوڭىل قوسقان دەپ ايىپتاپ، جازبا جاريالادى. بۇل جازبا جەلى قولدانۋشىلارى اراسىندا قىزۋ تالقىعا ءتۇستى.

جازبا اۆتورىنىڭ ايتۋىنشا، كۇيەۋىنىڭ وپاسىزدىعىن بىلگەننەن كەيىن، ونىڭ كوڭىلدەسى وسى ايدا سماعۇلوۆا ەكەنى انىقتالعان.

«6 ماۋسىم كۇنى مەنىڭ ءومىرىم «دەيىن» جانە «كەيىن» بولىپ ەكىگە ءبولىندى. كۇيەۋىمنىڭ كوزىمە ءشوپ سالعانىن ءبىلدىم. كەيىن بەلگىلى بولعانداي، ول قىز – كەشيۋ توبىنىڭ بۇرىنعى مۇشەسى ايدا سماعۇلوۆا ەكەن. پروديۋسەرلەر قاراڭىزدارشى، كىمدى تاربيەلەپ، قولداپ جۇرسىزدەر. الەۋمەتتىك جاۋاپكەرشىلىگى تومەن ايەل. ول ەر ادامنىڭ وتباسى بارىن، 3 جانە 5 جاستاعى ەكى بالاسى بارىن بىلە تۇرا، ونىمەن رومانتيكالىق قارىم-قاتىناس باستاپ، توسەگىن ءبولىستى»، – دەپ جازدى جازبا يەسى.

اۆتور كۇيەۋىن دە كىنالايتىنىن، الايدا وتباسىنىڭ بۇزىلۋىنا ءۇشىنشى تۇلعانىڭ دا جاۋاپكەرشىلىگى بار ەكەنىن اتاپ ءوتتى.

«ەش كۇمانسىز، ەڭ الدىمەن كىنالى – مەنىڭ كۇيەۋىم. ول ءوز ارەكەتى ءۇشىن مىندەتتى تۇردە جاۋاپ بەرەدى. ءبىراق وسىنداي ايەلدەر بار كەزدە قوعامىمىز ىشتەن ءىريدى. ونىڭ بارىنە دايىن بولعانىنىڭ كەسىرىنەن مەنىڭ ەكى بالام تولىق ەمەس وتباسىندا وسەدى. بۇل تەك وعان عانا ەمەس، وزگەنىڭ شاڭىراعىن شايقالتاتىن بارلىق ايەلدەرگە قاتىستى. ولار دا ەرەسەك ادامدار جانە ءوز ىس-ارەكەتتەرى ءۇشىن جاۋاپ بەرۋى ءتيىس. جاعدايعا ەكىنشى تاراپتىڭ كوزىمەن دە قاراپ كورىڭىزدەر»، – دەدى ول.

ازىرگە ايدا سماعۇلوۆا اتالعان ايىپتاۋلارعا قاتىستى رەسمي پىكىر بىلدىرگەن جوق.