Tengrinews.kz / تۋرار كازانگاپوۆ
كەزەكسىز قىزمەت: سون-دار Apple Store فورماتىنداعى سيفرلىق وفيسكە كوشەدى
قازاقستاننىڭ حالىققا قىزمەت كورسەتۋ ورتالىقتارى Apple Store-عا ۇقساس اشىق سەرۆيس ايماقتارى بار سيفرلىق وفيس فورماتىنا كوشەدى. بۇل وزگەرىس ازاماتتارعا مەملەكەتتىك قىزمەتتەردى جىلدامىراق، كەزەكسىز جانە وزدىگىنەن الۋ مۇمكىندىگىن كەڭەيتەدى.
بۇل تۋرالى Infohub.kz اقپارات اگەنتتىگى حابارلايدى.
نەلىكتەن وزگەرىس قاجەت
ۆيسە-پرەمەر – جاساندى ينتەللەكت جانە سيفرلىق دامۋ ءمينيسترى جاسلان مادييەۆ 2026 جىلعى 6 قاڭتارداعى ۇكىمەت وتىرىسىندا سون-داردى جاڭعىرتۋ جوسپارىن تانىستىردى. ونىڭ مالىمەتىنە سۇيەنسەك، قازاقستاندىقتار سون-دارعا جىل سايىن شامامەن 15 ميلليون رەت بارادى، ال جالپى اعىننىڭ 80 پايىزى بار بولعانى ەڭ تانىمال 10 مەملەكەتتىك قىزمەتكە تيەسىلى.
ءمينيستردىڭ ايتۋىنشا، وتكەن جىلى وسى قىزمەتتەردى تولىق سيفرلاندىرۋ باستالدى. ولاردىڭ ءبىر بولىگى بالاماسىز ونلاين-فورماتقا كوشىرىلگەن، سونىڭ ارقاسىندا سون-دارعا كەلۋشىلەر سانى تەز تومەندەپ كەلەدى.
جاڭا فورمات قالاي جۇمىس ىستەيدى
جوسپار بويىنشا سون ورنىنا «سيفرلىق وفيس» پايدا بولادى: ازاماتتار قىزمەتتەردى كومپيۋتەرلەر، تەرمينالدار مەن ءوزىن-وزى قىزمەت كورسەتۋ كيوسكىلەرى ارقىلى وزدەرى راسىمدەيدى. قىزمەتكەرلەردىڭ مىندەتى قۇجات قابىلداۋ ەمەس، كەڭەس بەرۋ جانە تەحنيكالىق قولداۋ كورسەتۋگە اۋىسادى. وسىلايشا «تەرەزە – كەزەك – قاعاز» ءتارتىبى بىرتىندەپ وتكەننىڭ ەنشىسىندە قالادى.
اكيماتتارعا تاپسىرما
جاسلان مادييەۆ وڭىرلەردەگى اكيماتتار جاڭا فورماتتاعى وفيسدەردى ءتيىستى تەحنيكامەن جانە ينفراقۇرىلىممەن جابدىقتاۋى ءتيىس ەكەنىن اتاپ ءوتتى. ونىڭ سوزىنشە، «ىڭعايلى سيفرلىق وفيس» ءار اكيماتتىڭ ازاماتتار الدىنداعى «ۆيزيت كارتوچكاسىنا» اينالۋى كەرەك.
دەرەكتەر قاۋىپسىزدىگى كۇشەيتىلەدى
مينيستر بۇعان دەيىن قازاقستاندا دەرەكتەردىڭ قاۋىپسىزدىگىن ارتتىرۋ ءۇشىن بازالارداعى اقپاراتتى ماسكيروۆكالاۋ جانە حەشتەۋ، سونداي-اق مالىمەتتەردى جاپپاي ۆىگرۋزكا جاساۋعا تىيىم سالۋ باستامالارىن جاريالاعان. بۇل شارالار سيفرلىق قىزمەتتەردىڭ كەڭەيۋى جاعدايىندا اقپاراتتىق قاۋىپسىزدىكتى قامتاماسىز ەتۋگە باعىتتالعان.
-
پرەزيدەنت ۋۆيازال فيكسيروۆانيە ندس نا ۋروۆنە 16% س زاداچامي ۋستويچيۆوگو روستا، سپراۆەدليۆوي ناگرۋزكي ي پروزراچنوستي نالوگوۆ — پەرۆىە رەزۋلتاتى وبەششانى ۋجە ۆ 2026 گودۋ.
-
Kazakhstan will transform public service centers into self-service digital offices، moving the 10 most-used services fully online to cut queues and speed up access to state services.
