- 05 ناۋ. 2016 00:00
- 299
كوگەنگە ءتۇسۋ
"كوگەنگە ءتۇسىپ" قايتقان جىگىتتە قادىر-قاسيەت قالمايدى. ءسادىر مىنا جىگىتتەرگە سول قورلىقتى كورسەتىپ جاتىر" (ع. مۇسىرەپوۆ).
بارىمتاشىلاردى نەمەسە قولعا تۇسكەن ۇرىلاردى قورلاۋدىڭ، اۋىر جازا تارتىپ ماسقارالاۋدىڭ ءبىر ءتۇرى - ەكى قولىن ارتىنا قايىرىپ بايلاپ، ولاردى كادىمگى قوي كوگەندەگەندەي ەتىپ كوگەندەپ ۇستاۋ. ەرتە كەزدەردە بۇل ەل اراسىندا ءجيى قولدانىلعان. "كوگەنگە تۇسكەندەر" قارا تاڭبا باسىلعانداي، كۇلكىگە ۇشىراپ، ار-ۇياتىنان ايىرىلعان ءقادىرسىز ادام ەسەبىندە بولادى. ولارعا ەشقاشان قۇرمەت كورسەتىلمەيدى. ولە-ولگەنشە "كوگەنگە تۇسكەن" اتى ۇمىتىلماي، كىسى بەتىنە قاراي الماي، تومەنشىكتەپ جۇرەدى.