tengrinews.kz
كوكشەتاۋدا ميلليونداعان اقشاسىن سالىپ، بەس جىلدان بەرى پاتەر كۇتكەن ۇلەسكەرلەر
كوكشەتاۋداعى ۇلەسكەرلەر بەس جىلدان بەرى وزدەرىنىڭ اقشاسىنا سالىنعان پاتەرلەرىن الا الماي دالباسالاپ ءجۇر. قۇرىلىس كومپانياسى مەرزىمدى ۇنەمى كەيىنگە شەگەرىپ، حالىقتى الداپ وتىر.
بۇل تۋرالى Infohub.kz اقپارات اگەنتتىگى حابارلايدى.
ءۇمىت ۇزىلگەن ۇلەسكەرلەر
2021 جىلى باستالعان تۇرعىن ءۇي كەشەنىنىڭ قۇرىلىسى ءالى كۇنگە دەيىن اياقتالماعان. كوپتەگەن ۇلەسكەرلەر پاتەرلەرى ءۇشىن تولىق اقشاسىن تولەگەنىمەن، قۇرىلىس قارقىنى باسەڭدەپ، بەس جىلدان بەرى ءۇيدىڭ قاشان تاپسىرىلاتىنى بەلگىسىز بولىپ وتىر. تۇرعىندار جەرگىلىكتى بيلىكتەن ارالاسۋدى تالاپ ەتىپ، اقشالارىن قايتارۋدى نەمەسە قۇرىلىستى جەدەلدەتۋدى سۇراۋدا.
«ءبىز اقشامىزدىڭ ءبارىن، 100 پايىزىن تولەدىك. مەن 100 پايىزدىق ۇلەسكەرمىن. بىزگە جەلتوقسان ايىنىڭ باسىندا پاتەرلەرگە كىرەمىز، قۇجاتتارىمىز قولىمىزدا بولادى دەگەن ەدى. سودان بەرى، 2021 جىلدان بەرى، ءقازىر 2026 جىل بولدى. بۇل جاعىنان ەشتەڭە وزگەرگەن جوق»، - دەيدى ۇلەسكەر ماريا رومانوۆا.
قۇرىلىس كومپانياسىنىڭ ۋادەلەرى
قۇرىلىس باسقارماسى بۇل ماسەلەمەن بۇرىننان اينالىسىپ كەلەدى. ءالى باستالماعان ءۇشىنشى بلوكقا جاڭا مەردىگەر تابىلىپ، ول ءقازىر ۇلەسكەرلەر تۋرالى مالىمەتتەردى جيناپ، جۇمىستى باستاۋعا دايىندالۋدا. ەكىنشى بلوكتى بۇرىنعى كومپانيا اياقتايتىن بولادى. ونىڭ باسشىلىعى 2022 جىلعى داعدارىستى، ايماقتا كىرپىش تاپشىلىعى بولعانىن العا تارتتى. الايدا، بۇل جولى ءبارى اياقتالۋعا جاقىن ەكەنىنە سەندىرەدى. ءبىراق ناقتى مەرزىمدى ايتۋدان باس تارتتى.
«كومپانيا ءبىر كەزدەرى وسىنداي داعدارىسقا تاپ بولدى. قازىرگى تاڭدا ءبىز بۇل جاعدايدان شىعىپ كەلەمىز. قۇرىلىس اياقتالۋدا. تەك ىشكى ارلەۋ جۇمىستارى قالدى، سونداي-اق ەكى اي مەرزىمى بار ليفت جەتكىزىلىمىن كۇتەمىز»، - دەدى قۇرىلىس كومپانياسىنىڭ ديرەكتورى سانات شاكيموۆ.
-
مولودوي كانديدات ودەرجال پوبەدۋ نا ۆىبوراح اكيما شەنگەلدينسكوگو سەلسكوگو وكرۋگا، نابراۆ بولشينستۆو گولوسوۆ يزبيراتەلەي.
-
Hundreds of Kokshetau residents are still waiting for their apartments، having paid in full five years ago، as construction company faces ongoing delays and uncertainty.
