tengrinews.kz
كوللەكتورلاردان 16 ميلليون قازاقستاندىقتىڭ دەرەكتەر بازاسى تابىلدى
جەتىسۋ وبلىسىندا كوللەكتورلىق اگەنتتىكتىڭ قىزمەتى توقتاتىلدى. تەرگەۋ مالىمەتتەرى بويىنشا، ولار ميلليونداعان قازاقستاندىقتىڭ جەكە دەرەكتەرىن قامتيتىن بازانى زاڭسىز پايدالانعان. كۇدىكتىلەردىڭ قولىندا ەل ازاماتتارىنىڭ 16 ميلليونعا جۋىق دەرەگى بار اقپاراتتىق جۇيە بولعان.
بۇل تۋرالى Infohub.kz اقپارات اگەنتتىگى حابارلايدى.
پوليسيانىڭ حابارلاۋىنشا، بۇل زاڭسىز ارەكەتتى جەتىسۋ وبلىستىق پوليسيا دەپارتامەنتىنىڭ قىزمەتكەرلەرى پروكۋراتۋرا جانە ۇقك دەپارتامەنتىمەن بىرلەسىپ انىقتاعان.
تارازدا كوللەكتورلىق اگەنتتىك قىزمەتكەرلەرى ازاماتتاردىڭ جەكە دەرەكتەرىن قامتيتىن ارنايى اقپاراتتىق جۇيەنى زاڭسىز قولدانعان. بۇل بازا بويىنشا ءاتى-جونى، جسن جانە ۇيالى تەلەفون ءنومىرى ارقىلى ىزدەۋ جۇرگىزۋگە مۇمكىندىك بەرگەن.
ۇستالعاندار جانە تاركىلەنگەن زاتتار
جەدەل-ىزدەستىرۋ شارالارى بارىسىندا بۇل دەرەكتەر بازاسىن ۇيىمداستىرۋعا جانە پايدالانۋعا قاتىسى بار دەپ كۇدىكتەلگەن ءۇش ادام ۇستالدى. ولاردىڭ تۇرعىلىقتى جانە جۇمىس ورىندارىندا ءتىنتۋ جۇرگىزىلىپ، كومپيۋتەرلىك تەحنيكا مەن ۇيالى قۇرىلعىلار تاركىلەندى. بۇل قۇرىلعىلار جەكە دەرەكتەردى ساقتاۋ جانە وڭدەۋ ءۇشىن پايدالانىلۋى مۇمكىن.
اتالعان فاكتى بويىنشا سوتقا دەيىنگى تەرگەۋ باستالدى. قۇقىق قورعاۋ ورگاندارى وقيعانىڭ ءمان-جايىن، سونداي-اق قۇپيا اقپاراتتىڭ قايدان الىنعانىن جانە قالاي تاراتىلعانىن انىقتاپ جاتىر.
پوليسيا ازاماتتاردىڭ جەكە دەرەكتەرىن زاڭسىز جيناۋ، ساقتاۋ، تاراتۋ جانە پايدالانۋ قازاقستان زاڭناماسىندا بەلگىلەنگەن جاۋاپكەرشىلىككە اكەپ سوعاتىنىن ەسكە سالدى.
-
ۆلاديمير پۋتين راسسكازال و حاراكتەرە روسسييسكو-كازاحستانسكيح وتنوشەنيي، وتمەتيۆ سلوجنوست پەرەگوۆوروۆ پو منوگيم ۆوپروسام.
-
Authorities in Kazakhstan have shut down a debt collection agency suspected of illegally accessing and using a database containing personal information of nearly 16 million citizens.
