InfoHub Logo

ساباقتىڭ تاقىرىبى: كومەكتەس سەپتىك
ساباقتىڭ ماقساتى: كومەكتەس سەپتىك تۋرالى بىلىمدەرىن تەرەڭدەتىپ، «زات ەسىمنىڭ سەپتەلۋى» تاقىرىبىن بەكىتۋ.
ساباقتىڭ ءتيپى: بەكىتۋ
ساباقتىڭ جابدىعى: ينتەربەلسەندى تاقتا، سەمانتيكالىق كارتا
ساباقتىڭ ادىستەرى: «وي قوزعاۋ»، «كلاستەر»، «سەمانتيكالىق كارتا»، «بالىق سۇيەگى»، «نىسانا».
ءپانارالىق بايلانىس: دۇنيەتانۋ، ادەبيەتتىك وقۋ

ساباقتىڭ بارىسى:
ءى. ءبىلۋ.
«وي قوزعاۋ» ءادىسى ارقىلى قىزىعۋشىلىقتارىن وياتۋ.
جۇمباق شەشۋ.
ۇلكەن - ۇلكەن تۇيەنى
تاستاپتى اتام شوگەرىپ.
وركەشى بۇلتقا تيەدى،
باۋىرى جاتىر كوگەرىپ. (تاۋ)
ساباعىمىزدى تاۋلار تۋرالى اڭگىمەدەن باستايمىز.
- قازاقستان جەرىندەگى قانداي تاۋلاردى بىلەسىڭدەر؟
-«كلاستەر» سىزباسى ارقىلى ەلىمىزدەگى تاۋلاردى كورسەتىڭدەر.
- ەلىمىزدىڭ، تۋعان جەرىمىزدىڭ جەر بەدەرىن بىلۋگە تيىسسىڭدەر.

ءىى. ءتۇسىنۋ.
- 347 - جاتتىعۋداعى تاۋ تۋرالى ءماتىندى وقىپ، وعان ات قويايىق.
- الاتاۋ كورىنىسىنە نازار اۋدارىپ، الاتاۋ جايلى نە ايتا الاسىڭدار؟
ينتەراكتيۆتى تاقتادان تاۋدىڭ ءارتۇرلى كورىنىسىن كوسەتۋ.
- وسى ماتىننەن كومەكتەس سەپتىكتەگى ءسوزدى تابىڭدار. دالەلدە.
ەرەجەنى ەسكە ءتۇسىرۋ.

ءىىى. قولدانۋ.
- ەندى تاقتاداعى سۋرەتتەرگە قاراپ، اتتارىن اتاڭدار.
- كومەكتەس سەپتىگىنە قويىپ، سويلەم قۇراستىرىڭدار.
بىرنەشە وقۋشىعا سويلەمدەرىن وقىتۋ، كومەكتەس سەپتىگىندەگى ءسوزدى ايتقىزۋ.

ءىV. تالداۋ.
«سەمانتيكالىق كارتامەن» جۇمىس
- ءار باعاننان كومەكتەس سەپتىككە قاتىستى بەلگىلەردى تاۋىپ دالەلدەڭدەر.

سەرگىتۋ ءساتى.
V. جيناقتاۋ.
- تاقتاداعى ءتۇرلى - ءتۇستى بوياۋمەن جازىلعان ولەڭدەردى كەزەكپەن مانەرلەپ وقيمىز.
قول دوبىنان جۇلدە ءۇشىن تالاسار،
ۇمىتكەرلەر اراسىندا جاراس بار.
شارشى الاڭعا شىققانىندا جاراستىڭ،
شەبەرلىگىن، باتىلدىعىن جاراتتىم.
سوققان دوبى الدىرماستان ءارى اسسا،
جانكۇيەرلەر ءدان ريزا جاراسقا.
ويىنمەنەن كوزگە تۇسكەن جاراستى،
قۇرامالار شاقىرىسىپ تالاستى.
شەبەرلىكتىڭ بارلىق سىرى جاراستا
تانىپ ونى ارداقتادى الاش تا.
باپكەرلەرى ءۇمىت كۇتىپ جاراستان،
جاي - كۇيىنە، جاعدايىنا قاراسقان.
بىرگە وقىپ، بىرگە وينايتىن جاراسپەن،
جاتتىعۋعا ەرىنەتىن بالالار دا بار، اتتەڭ!..
«بالىق سۇيەگى» سىزباسى ارقىلى شۋماقتارداعى قايتالانىپ كەلگەن ءسوزدى تاۋىپ، ۇستىنگى جاعىنا، ال استىنا ولاردىڭ سەپتىكتەرىن جازىڭدار.

VI. باعالاۋ.
- كەلەسى تاپسىرمانى ورىنداۋ ءۇشىن وقۋلىقتاعى سۋرەتكە نازار اۋدارىڭدار.
- ناۋرىز مەرەكەسى جايلى نە بىلەسىڭدەر؟
- ناۋرىز مەرەكەسىن مەكتەپتە قالاي تويلايمىز؟
- مەرەكەنى ۇيدە قالاي قارسى الاسىڭدار؟
- ناۋرىز مەرەكەسى كەلگەندە ادامدار نەگە قۋانادى؟
- ەندى جۇپپەن جۇمىس جاساپ، كومەكتەس سەپتىگىن قولدانا وتىرىپ، سۋرەت بويىنشا اڭگىمە جازىڭدار
2 - 3 اڭگىمەنى وقۋشىلارعا وقىتۋ، تىڭداۋشىلارعا باعالاتۋ.
- قاي جۇپتىڭ اڭگىمەسى ۇنادى؟ نەلىكتەن؟
كەرى بايلانىس.
«نىسانا» كەرى بايلانىسى ارقىلى ساباقتى باعالايدى.
- كورسەتكىشتەرگە باعا قويۋ ءۇشىن ءار وقۋشىنىڭ نىساناعا ستيكەرمەن اتۋعا 4 مۇمكىندىگى بار (نىسانانىڭ ءار بولىگىنە 1 رەت)

كومەكتەس سەپتىك. جۇكتەۋ