InfoHub Logo

وقو، ماقتارال اۋدانى، جەتىساي قالاسى.
ينفورماتيكا ءپانىنىڭ ادىسكەرى
باباشيەۆ ماديار اسانوۆيچ

كومپيۋتەرلىك گرافيكا جانە ديزاين (قولدانبالى كۋرس باعدارلاماسى)

تۇسىنىكتەمە حات
ينفورماتيكا پانىندەگى كومپيۋتەردىڭ كومەگىمەن كەسكىندەردى وڭدەۋ جانە رەداكتورلەۋ ادىستەرى كومپيۋتەرلىك گرافيكا دەپ اتالادى. ءار ءتۇرلى ماماندىقتارداعى ادامدار كومپيۋتەرلىك گرافيكانى ءوز سالالارىندا سايكەسىنشە قولدانىلادى. ولار – ءار ءتۇرلى قولدانبالى جانە ءار ءتۇرلى عىلىمي ايماقتارداعى ىزدەنۋشىلەر، سۋرەتشىلەر، قۇراستىرۋشىلار، كومپيۋتەرلىك بەتتەۋشى (ۆەرستكا) ماماندارى، ديزاينەرلەر، مۋلتيمەديا - پرەزەنتاسيالارىنىڭ اۆتورلارى، مەديسينا ماماندارى، ماتا ونىمدەرى مودەلەرلەرى، فوتوگرافتار، ساۋلەتشىلەر، تەلە جانە بەينەمونتاج ماماندارى جانە ت. ب. كومپيۋتەر ەكرانىنداعى كەسكىندەر گرافيكالىق پروگراممالار ارقىلى قۇرىلادى جانە راسترلىق، ۆەكتورلىق رەداكتورلار ارقىلى وڭدەلەدى. «كومپيۋتەرلىك گرافيكا جانە ديزاين» كۋرسىندا يلليۋستراسيالار قۇرۋ جانە كەسكىندەردى وڭدەۋگە ياعني ۆەكتورلىق جانە راسترلىق باعدارلامالارعا باستى نازار اۋدارىلادى.
وقۋشىلاردىڭ شىعارماشىلىق ماسەلەسى جەكە تۇلعا پسيحولوگياسىنداعى نەگىزگى ماسەلەلەردىڭ ءبىرى بولىپ تابىلادى. وقۋشىلار شىعارماشىلىعىنىڭ بايقالۋى ۇسىنىلعان ويلاۋ تاپسىرمالارىن ورىنداۋ سيپاتى ارقىلى انىقتالادى. وقۋشىلاردىڭ شىعارماشىلىق ءىس - ارەكەتىنىڭ تومەندەگىدەي كومپونەنتتەرىن ەرەكشەلەۋگە بولادى:
- ىشكى موتيۆاسياسىنىڭ باسىمدىلىق ءرولى؛
- ماسەلەنى قويۋ مەن ونى شەشۋدە بايقالاتىن زەرتتەۋ جانە شىعارماشىلىق بەلسەندىلىك؛
- شەشىمدى بولجاي ءبىلۋ مۇمكىندىگى؛
- جوعارى تالعامدى ونەگەلى ينتەللەكتۋالدى باعالاۋدى قامتاماسىز ەتەتىن، يدەالدى ەتالوندار قۇرۋ قابىلەتى.
ۇسىنىلىپ وتىرعان ەلەكتيۆتى كۋرستا وقۋشىلاردىڭ شىعارماشىلىعىن دامىتۋ ولاردىڭ تانىمدىق ءىس - ارەكەتىن ەرەكشە جولمەن ۇيىمداستىرۋ ارقىلى جۇزەگە اسادى. كۋرس باعدارلاماسى وقۋشىلاردىڭ زەرتتەۋ جانە شىعارماشىلىق اقۋالىن وياتۋعا مۇمكىندىك بەرەتىن ءىس - ارەكەت تۇرلەرىن مەڭگەرۋگە قاجەتتى جاعدايلار قۇرۋعا نەگىزدەلەدى. بۇگىنگى تاڭدا Photoshop، CorelDraw پروگراممالارى كومپيۋتەرلىك ديزاين كۋرسىن جۇزەگە اسىرۋداعى قۋاتتى پروگراممالاردىڭ ءبىرى بولىپ تابىلۋدا. بۇل كۋرس مازمۇنى، وقۋشىلاردىڭ قىزىعۋشىلىعىن ارتتىرۋ جانە كەلەشەكتەگى كاسىپتىك ماقساتتارىن جۇزەگە اسىرۋعا ىقپال ەتۋ ءۇشىن قۇراستىرىلعان. باعدارلاما وسى اتالعان پروگراممالاردى مەڭگەرۋگە قاجەتتى ماتەريالدار مازمۇنىنان تۇرادى. كۋرس اپتاسىنا 10 - 11 سىنىپتاردا 1 ساعاتتان بارلىعى 68 ساعاتقا ەسەپتەلگەن.

كۋرستىڭ ماقساتى

- وقۋشىلاردىڭ ساناسىندا الەمنىڭ اقپاراتتىق بەينەسىن قالىپتاستىرۋ؛
- ءىس - ارەكەت قۇرالى رەتىندە كومپيۋتەردى پايدالانۋ مۇمكىندىكتەرى؛
- كومپيۋتەرلىك ينتۋيسيانى قالىپتاستىرۋ؛
- كومپيۋتەردى پراكتيكادا تەك ءتيىمدى بولعان جاعدايدا عانا پايدالانا ءبىلۋ ىسكەرلىگىن قالىپتاستىرۋ؛
وپەراسيالىق ويلاۋ ءستيلىن قالىپتاستىرۋ: ول تومەندەگىدەي ىسكەرلىكتەردىڭ بولۋىمەن نەگىزدەلەدى:
- ەسەپتى فورمالداۋ؛
- ودان لوگيكالىق وزىندىك ءبولىمىن ەرەكشەلەۋ، بۇل بولىكتەردىڭ ءوزارا بايلانىسىن انىقتاۋ؛
- تەحنولوگيالارمەن ورىنداۋعا قاجەتتى شەشىمدى جوبالاۋ؛
- ناتيجەنى انىقتاۋ؛
- كومپيۋتەر قامتاماسىز ەتەتىن قازىرگى تەحنولوگيالاردى پايدالانۋ ارقىلى وقۋشىلاردىڭ بەلسەندى شىعارماشىلىعىن كونسترۋكتورلىق جانە زەرتتەۋ داعدىلارىن قالىپتاستىرۋ؛
- 10 - 11 سىنىپ وقۋشىلارىنا وسى باعدارلامالار قۇرالدارىن مىسالعا الا وتىرىپ، راسترلىق جانە ۆەكتورلىق گرافيكا تۋرالى تۇسىنىكتەرىن قالىپتاستىرۋ جانە اتالعان پروگراممالاردى جەكە ماقساتتارىن جۇزەگە اسىرۋدا، بولاشاق كاسىبي قىزمەتتەرىندە ەركىن پايدالاناتىنداي دارەجەدە مەڭگەرۋ.

كۋرس مىندەتتەرى:
- كەسكىندەردى ساقتاۋ جانە تۇرعىزۋ پرينسيپتەرىنە تەرەڭىرەك تۇسىنىك قالىپتاستىرۋ؛
- گرافيكالىق فايلداردىڭ فورماتتارىن مەڭگەرۋگە جانە ولاردى ءار ءتۇرلى گرافيكالىق پروگراممالاردا قولدانۋدا پايدالانۋ؛
- كومپيۋتەرلىك گرافيكا نەگىزىن ءار ءتۇرلى گرافيكالىق پروگراممالاردا قولدانۋدى قاراستىرۋ؛
- گرافيكالىق پروگراممالار قۇرالدارىن پايدالانىپ وقۋشىلاردى وزدەرىنىڭ جەكە كەسكىن جۇمىستارىن قۇرۋ جانە رەداكتورلەۋگە ۇيرەتۋ؛
- ءار ءتۇرلى پروگراممالار اراسىندا گرافيكالىق دەرەكتەر الماسۋعا ۇيرەتۋ.