Photo: Pixabay (https://www.pexels.com/@pixabay) / Pexels
كونايەۆ اكىمدىگى 150 مىڭ گەكتار جەردى زاڭسىز بەرىپ جىبەردى
ءقوناقۇي مەن ويىن-ساۋىق كەشەنىن، سونىڭ ىشىندە حايۋاناتتار باعىن سالۋ ءۇشىن كونايەۆ اكىمدىگى بۇرىن بەرگەن 150 مىڭ گەكتار جەر مەملەكەتكە قايتارىلدى. جەر رەسۋرستارىن باسقارۋ دەپارتامەنتىنىڭ تەكسەرۋى ناتيجەسىندە، شەنەۋنىكتەر جەر زاڭناماسىن بۇزىپ، قالانىڭ باس جوسپارىنا قايشى كەلەتىن ۋچاسكەنى بولگەنى انىقتالدى.
بۇل تۋرالى Infohub.kz اقپارات اگەنتتىگى حابارلايدى.
الماتى وبلىستىق جەر رەسۋرستارىن باسقارۋ دەپارتامەنتى كونايەۆ قالاسى اكىمدىگىنىڭ قىزمەتىنە جوسپاردان تىس تەكسەرۋ جۇرگىزدى. تەكسەرۋگە جەر ۋچاسكەسىنىڭ زاڭدىلىعىنا قاتىستى سۇراقتار سەبەپ بولدى.
زاڭسىزدىق انىقتالدى
تەكسەرۋ بارىسىندا 150 مىڭ گەكتار جەردىڭ تۇرعىن ءۇي جانە ويىن-ساۋىق كەشەنى، سونداي-اق حايۋاناتتار باعىن سالۋ ءۇشىن بەرىلگەنى بەلگىلى بولدى. الايدا، شەنەۋنىكتەر جەر كودەكسىنىڭ تالاپتارىن بۇزعان. ۋچاسكە ءبولۋ قالانىڭ باس جوسپارىنا سايكەس كەلمەگەن.
اكىمدىك تالاپتى ورىندامادى
دەپارتامەنت اكىمدىككە زاڭبۇزۋشىلىقتاردى جويۋ تۋرالى نۇسقاما بەرگەنىمەن، بيلىك ونى ورىندامادى. وسىدان كەيىن پروكۋراتۋرا كونايەۆ قالالىق سوتىنا جۇگىندى. سوت پروسەسىنە جەر رەسۋرستارىن باسقارۋ دەپارتامەنتىنىڭ وكىلدەرى ءۇشىنشى تاراپ رەتىندە قاتىسىپ، انىقتالعان زاڭبۇزۋشىلىقتار تۋرالى تۇسىنىكتەمە بەردى.
سوت شەشىمى
سوت پروكۋراتۋرانىڭ تالاپتارىن تولىق قولدادى. ناتيجەسىندە، كوممەرسيالىق ماقساتتاعى جەر ۋچاسكەسى مەملەكەت مەنشىگىنە قايتارىلدى.
بۇعان دەيىن الماتى وبلىسىنىڭ ساۋلەت جانە قالا قۇرىلىسىن باسقارۋ باسقارماسى جاڭا باس جوسپاردى ازىرلەۋگە شامامەن 4،9 ملرد تەڭگە جۇمساعانى تۋرالى جازعان بولاتىنبىز.
-
تۇيمەگۇل تەمىربايەۆا، ستارەيشايا جيتەلنيسا كازاحستانا، وتپرازدنوۆالا 116-لەتيە ي پودەليلاس سۆويم ۆزگليادوم نا دولگۋيۋ ي اكتيۆنۋيۋ جيزن.
-
A court has returned 150،000 hectares of land to state ownership after the Kōnaev administration unlawfully allocated it for development.
