InfoHub Logo

كوشباسشىلىق قابىلەتتى انىقتاۋ ساۋالناما

ءار ادامنىڭ بويىندا كىشكەنتاي بولسا دا، كوشباسشىلىق قابىلەت بولادى. ورتا، تاربيە، ءبىلىم – وسى ۇشتىك وداقتىڭ اسەر ەتۋىنە بايلانىستى كوشباسشىلىق قابىلەت ارتىپ نە باسەڭدەپ وتىرادى. ءسىزدىڭ بويىڭىزداعى وسى قاسيەت قانداي دەڭگەيدە ەكەن؟
مىنا سۇراقتارعا جاۋاپ بەرۋ ارقىلى بىلەيىك.

1. بالا كەزىڭىزدە ۇلكەننىڭ ءتىلىن الۋ مەن وزگەگە باعىنۋ ءسىز ءۇشىن اۋىر بولدى ما؟
ءيا (10 ۇپاي) ەسىمدە جوق، بىلمەيمىن (5 ۇپاي) جوق (0 ۇپاي)

2.«عىلىم مەن مادەنيەتتەگى جەتىستىكتەرگە تەك بيلىك ەتە الاتىن جاندار عانا قول جەتكىزە الادى»دەگەن پىكىرمەن كەلىسەسىز بە؟
ءيا، ارينە (10 ۇپاي) بىلمەيمىن، بالكىم، سولاي شىعار (5 ۇپاي) جوق، كەلىسپەيمىن (0 ۇپاي)

3.«ناعىز ەر - ازامات ايەل زاتىن ءوز تالاپتارى مەن زاڭدارىنا باعىندىرا ءبىلۋ كەرەك» دەگەن ويعا كوزقاراسىڭىز؟
وتە دۇرىس (10 ۇپاي) ناقتى ايتا المايمىن (5 ۇپاي) دۇرىس ەمەس (0 ۇپاي)

4. جاقىن جاندارىڭىزدىڭ استى - ۇستىڭىزگە ءتۇسىپ، ەركەلەتكەندىگى سىزگە ۇنايدى ما؟
ءيا، وعان ەش قارسىلىعىم جوق (10 ۇپاي) كەيدە - كەيدە (5 ۇپاي) شىنىمدى ايتسام، ۇنامايدى (0 ۇپاي)

5.«ايەل زاتى كونبىس بولۋ كەرەك» دەگەن پىكىرمەن كەلىسەسىز بە؟
ءيا، ارينە (10 ۇپاي) بىلمەيمىن، بالكىم، سولاي شىعار (5 ۇپاي) جوق، كەلىسپەيمىن (0 ۇپاي)

6.«مەنى قورشاعان جانداردىڭ جاعدايىن جاقسارتۋ ءۇشىن موينىما كوپ دۇنيەنى جۇكتەپ الدىم. الايدا، مۇنى بىرەۋ بىلسە، بىرەۋ بىلمەس». سىزگە تانىس جاعداي ما؟
ءيا، ءدال قازىرگى مەنىڭ جاعدايىم (10 ۇپاي) تانىس جاعداي، تەك مۇنى بارلىعى بىلۋگە ءتيىستى eمەس (5 ۇپاي) جوق، مۇنداي جاعدايعا ۇشىراعان ەمەسپىن (0 ۇپاي)

7.«مىقتى ادام» دەگەن تەڭەۋگە ساي كەلەتىن جان كوشباسشى بولا الادى» دەگەن پىكىرمەن كەلىسەسىز بە؟
ءيا، ارينە (10 ۇپاي) بىلمەيمىن، بالكىم، سولاي شىعار (5 ۇپاي) جوق، كەلىسپەيمىن (0 ۇپاي)

8. وڭتايلى ناتيجەنى تەز تابۋ كەرەك بولاتىن كەيبىر جاعدايلاردا شەشىمدى تەز قابىلدايسىز با؟
ءيا، تەز تابۋعا تىرىسامىن (10 ۇپاي) ناقتى ايتا المايمىن (5 ۇپاي) جوق، شەشىمدى بىردەن قابىلداي المايمىن (0 ۇپاي)

9. مەن وزگەلەردى وزىمە باعىندىرىپ، بيلىك ەتە الامىن
ءيا، ارينە (10 ۇپاي) بىلمەيمىن، بالكىم، سولاي شىعار (5 ۇپاي) جوق، بيلىك ەتە المايمىن (0 ۇپاي)

10. ەشكىمنىڭ الدىندا اشىلىپ سويلەپ، ءوزىمدى تولىق كورسەتكىم كەلمەيدى
ءيا (10 ۇپاي) بىلمەيمىن، ءار كەزدە ءار قالاي (5 ۇپاي) جوق (0 ۇپاي)

11. مەن بەيمازا، تىنىش ءومىردى ارماندايمىن
ءيا، ىشتە جاتقان سونداي ارمانىم بار (10 ۇپاي) بىلمەيمىن، ول تۋرالى ويلانباپپىن (5 ۇپاي) مەنىڭ ونداي ارمانىم جوق (0 ۇپاي)

12. باعىنىشتى ادام باستىعىنىڭ كەز كەلگەن تاپسىرماسىن ورىنداي ءبىلۋى كەرەك
ءيا، ارينە (10 ۇپاي) بىلمەيمىن، بالكىم، سولاي شىعار (5 ۇپاي) جوق، كەلىسپەيمىن (0 ۇپاي)

13. جاقىن جاندارمەن تىلدەسكەن كەزدە، اسىرەسە، ولاردان ءوتىنىش - جاردەم سۇراعان ىشتەي ءبىر قارسىلىقتىڭ تۇرعانىن سەزەمىن
ءيا، مۇنداي سەزىمدەر مەندە ءجيى بولادى (10 ۇپاي) بىلمەيمىن، اسا ءمان بەرمەپپىن (5 ۇپاي) جوق، مۇنداي سەزىمدە بولعان ەمەسپىن (0 ۇپاي)

14. مەنەن وزگەلەر تۇسىنىك سۇراپ، اقتالۋىمدى تالاپ ەتەدى.
ءيا، ونسىز دا تۇسىنىكتى دۇنيەلەردى قايتا سۇراپ جاتادى (10 ۇپاي) بىلمەيمىن، بايقاماعان ەكەنمىن (5 ۇپاي) جوق (0 ۇپاي)

15. مەنىڭ مىنەزىم ءۇيىمىزدىڭ تىرەگى اكەمنىڭ/انامنىڭ مىنەزىنە ۇقساس
ءيا (10 ۇپاي) بىلمەيمىن (5 ۇپاي) جوق (0 ۇپاي)

تەست ناتيجەسى 150 - 100 ۇپاي: ءسىز وكتەم جانسىز. ءسىز ءۇشىن الىنبايتىن قامال جوق. كەز كەلگەن جاعدايدىڭ وڭتايلى شەشىمىن تابا الاسىز. وزگەنى وزىڭىزگە باعىندىرا الاسىز. باسشى بولۋعا لايىقتى جانسىز.
99 - 50 ۇپاي: «جەتى رەت ولشەپ، ءبىر رەت كەس» دەگەن ماقالمەن ءومىر سۇرەسىز. بارلىعىن اقىلعا سالىپ، سابىرلىقتى سەرىك ەتەسىز. ءسىز باسشىلىق ەتە الاسىز، سونداي - اق، بەرگەن تاپسىرمانى تىڭعىلىقتى ورىندايسىز.
49 - 0 ۇپاي: ءسىز وتە كونبىس جانسىز. ءوز كۇشىڭىزگە ءوزىڭىز سەنبەيسىز. الايدا، ءسىز وڭتايلى شەشىم قابىلداي الاسىز. وزگەدەن ۇلگى الىپ، مىنەز - قۇلقىڭىزدى وزگەرتۋگە تىرىسىپ باعاسىز.
كوشباسشىلىق قابىلەتتى انىقتاۋ ساۋالناما جۇكتەۋ