InfoHub Logo

انگليانىڭ «كريستال پەلاس» فۋتبول كلۋبى يسپانيانىڭ «رايو ۆالەكانو» كومانداسىن از گول ايىرماشىلىعىمەن جەڭىپ، ليگا كونفەرەنسياسىنىڭ فينالىندا توپ جاردى. بۇل – «كريستال پەلاس» تاريحىنداعى العاشقى حالىقارالىق كۋبوك.

بۇل تۋرالى Infohub.kz اقپارات اگەنتتىگى حابارلايدى.

فينالدىق ويىن

كەزدەسۋ گەرمانيانىڭ لەيپسيگ قالاسىنداعى «رەد بۋلل ارەنا» ستاديونىندا ءوتتى. ويىننىڭ نەگىزگى ۋاقىتىندا ەسەپ 1:0 بولىپ، «كريستال پەلاس» كومانداسىنىڭ باسىمدىلىعىمەن اياقتالدى. گولدى 51-مينۋتتا ماتەتا سوقتى.

كوماندالاردىڭ جولى

«كريستال پەلاس» پلەي-وفف كەزەڭىن 1/16 فينالدان باستاپ، جولدا بوسنيالىق «زرينسكيدى»، كيپرلىك اەك-تى، يتاليالىق «فيورەنتينانى» جانە ۋكراينالىق «شاحتەردى» ويسىراتا جەڭگەن بولاتىن.

ال «رايو ۆالەكانو» 1/8 فينالدان باستاپ جارىسقا قوسىلىپ، تۇركيالىق «سامسۋنسپوردى»، گرەكيالىق اەك-تى جانە فرانسيانىڭ «ستراسبۋر» كومانداسىن جولدان تايدىردى.

كوماندالاردىڭ قۇرامى

«كريستال پەلاس»: حەندەرسون (ق)، رياد، لاكرۋا، كانۆو، ميچەلل، مۋنوس، ۋورتون، كامادا، پينو، سارر، ماتەتا.

«رايو ۆالەكانو»: باتاليا (ق)، چاۆارريا، سيسس، لەجەن، راسيۋ، ۆالەنتين، لوپەس، گارسيا، دە فرۋتوس، پالازون، الەماو.

جەڭىس جانە كەلەشەك

«كريستال پەلاس» كلۋبىنىڭ بۇل جەڭىسى ولارعا كەلەسى ماۋسىمدا ليگا ەۆروپانىڭ توپتىق كەزەڭىنە جولداما بەردى. بۇل كۋبوك كوماندانىڭ تاريحىنداعى العاشقى حالىقارالىق جەتىستىگى بولىپ سانالادى.