كۇلتەگىن
كۇلتەگىن (684 - 731 جج.) — ەكىنشى شىعىس تۇرىك قاعاندىعى (قاپاعان جانە بىلگە قاعاندار داۋىرىندەگى) اسكەرىنىڭ باس قولباسشىسى، «كوك تۇركىنىڭ كوك سەمسەرى» اتانعان اتاقتى باتىرى، قۇتلىق قاعاننىڭ كەنجە بالاسى. ول اكەسىنەن 7 جاسىندا جەتىم قالىپ، اعاسى قاپاعان قاعاننىڭ تاربيەسىندە وسەدى. كۇلتەگىن تىم ەرتە ەسەيىپ، قابىرعاسى قاتىپ، بۇعاناسى بەكىمەي جاتىپ، جاۋ جاراعىن اسىنىپ، تۇس-تۇستان تونگەن جاۋعا ۇلكەندەرمەن ءبىر قاتاردا تۇرىپ ەرلىكپەن ايقاسادى. مىنە، وسىدان بىلاي كۇلتەگىننىڭ ەرلىك جولى باستالادى. اعاسى بىلگە قاعان جانە تونىكوكپەن بىرگە ەل تاۋەلسىزدىگىن ساقتاپ قالۋ جولىندا ايانباي تەر توگەدى. كۇلتەگىننىڭ ەرلىگىن باتىردىڭ وزىنە ارناپ ورناتىلعان ەسكەرتكىشتەگى جازۋلاردان انىق اڭعارۋعا بولادى. ەسكەرتكىشتە سول داۋىردەگى قىرعىن سوعىستاردىڭ بىردە بىرەۋى كۇلتەگىنسىز وتپەگەنىن، دۋلىعاسى جارقىراپ، جاۋىن جاپىرىپ، قان مايداننىڭ ورتاسىندا جۇرگەنىن، سونىڭ بارىندە ول جاۋىنا جاسىنداي ءتيىپ، تۇركى اسكەرىن جەڭىسكە جەتكىزىپ وتىرعانىن تامسانا باياندايدى. تاريحي قۇجاتتارعا جۇگىنسەك، ونىڭ اسكەرىندە ميلليونعا جۋىق سالت اتتى سارباز بولعان. كۇلتەگىن باتىر 47 جاسىندا قايتىس بولادى.
You Might Also Like
-
بۇگىن استانادا جاستار جىلىنىڭ اشىلۋىنا ارنالعان شارادا قازاقستانداعى ەڭ جاس ستۋدەنت ابزال مىرزاش ق ر پرەزيدەنتى نۇرسۇلتان نازاربايەۆقا الداعى جوسپارلارى تۋرالى ايتىپ بەردى.
-
قازىرگە كەزدە ماماندىق تاڭداۋ اسا وڭايعا تۇسپەيدە. بىرەۋى دارىگەر، بىرەۋى كاسسير، بىرەۋى ساتۋشى، ەندى تاعى بىرەۋى ماشينيست بولۋدى ارماندايدى. ءار ادام وزىنە ۇنايتىن ماماندىقتى تاڭداۋ قاجەت، سەبەبى و...
