InfoHub Logo

ەندى مەملەكەتتىك كاسىپورىندار مەن مەملەكەتتىك ۇلەسى بار كومپانيالارعا اگروسەكتوردى نەسيەلەندىرۋ، ءتۋريزمدى دامىتۋ جانە جىلجىمايتىن مۇلىكپەن جۇمىس ىستەۋ سياقتى جاڭا باعىتتار اشىلدى. بۇل وزگەرىستەر كۆازيمەملەكەتتىك سەكتوردىڭ قىزمەتىن ايتارلىقتاي كەڭەيتىپ، ولارعا قوسىمشا «جەمقورلىق» مۇمكىندىكتەرىن تۋدىرۋى مۇمكىن دەگەن الاڭداۋشىلىق بار.

بۇل تۋرالى Infohub.kz اقپارات اگەنتتىگى حابارلايدى.

جاڭا ەرەجەلەرگە سايكەس، وڭىرلىك الەۋمەتتىك-كاسىپكەرلىك كورپوراسيالار (اكك) ەندى اۋىل شارۋاشىلىعى ونىمدەرىن وندىرۋشىلەر مەن ولاردى قايتا وڭدەۋمەن اينالىساتىن كاسىپورىندارعا ينۆەستيسيالىق ماقساتتارعا نەمەسە اينالىم قاراجاتىن تولىقتىرۋعا نەسيە بەرە الادى. بۇل مۇمكىندىك 2026 جىلدان 2029 جىلعا دەيىنگى مەرزىمگە بەرىلدى. بۇعان «سەمەي»، «كوكشە»، «اقتوبە»، «قونايەۆ»، «اتىراۋ»، «ەرتىس»، «تاراز»، «Aqjaiyq»، «سارىارقا»، «توبىل»، «بايقوڭىر»، «قازاقستان»، «پاۆلودار»، «سولتۇستىك»، «تۇركىستان»، «ۇلىتاۋ» جانە Shymkent اكك-لەرى قاتىسادى.

تۋريزم سالاسىنداعى ينۆەستيسيالىق جوبالاردى قارجىلاندىرۋ قۇقىعى «كاسپيي»، «جەتىسۋ»، «بايقوڭىر»، Astana جانە «پاۆلودار» اكك-لەرىنە بەرىلدى. بۇل باعىتتاعى جۇمىستار 2028 جىلدىڭ سوڭىنا دەيىن جالعاسادى.

جىلجىمايتىن مۇلىكپەن باسقارۋ

بۇعان قوسا، ۇكىمەت بيزنەس-ورتالىقتاردى، كەڭسەلەردى جانە اكىمشىلىك عيماراتتاردى جالعا بەرۋ، قوسالقى جالعا بەرۋ جانە باسقارۋ بويىنشا مەملەكەتتىك كاسىپورىنداردىڭ قىزمەتىن جاڭارتتى. بۇل تىزىمگە QAZAQGAZ AIMAQ، «قتج»، اقتاۋ تەڭىز ساۋدا پورتى، «كەدەنترانسسەرۆيس»، «قازتەمىرترانس»، «قازپوشتا»، Digital Silk Road Company، پاۆلودار مۇناي-حيميا زاۋىتى، «قازترانسويل»، «حابار»، KEGOC، Qazcontent، «قازاق گازەتتەرى» جانە باسقا دا كومپانيالار كىردى.

«قازاگروقارجى» اق-عا دا جاڭا مۇمكىندىكتەر بەرىلدى. ەندى بۇل كومپانيا تەك اۋىل شارۋاشىلىعىمەن عانا ەمەس، سونىمەن قاتار اقىلى نەگىزدە نەمەسە كەلىسىمشارت بويىنشا جىلجىمايتىن مۇلىكپەن باسقارۋمەن اينالىسا الادى. بۇل قۇقىق ءۇش جىلعا بەرىلدى.

بۇعان دەيىن كۆازيمەملەكەتتىك سەكتوردىڭ بيۋدجەتكە قانداي اسەر ەتەتىنى تۋرالى زەرتتەۋ جۇرگىزىلگەن بولاتىن.