InfoHub Logo

تانىمال تەلەجۇرگىزۋشى ءلايلا سۇلتان قىزى شىمكەنتتە قايتىس بولعان جاس قىزدىڭ ولىمىنە بايلانىستى ءوز پىكىرىن ءبىلدىرىپ، قوعامدى ويلاندىردى. بۇل وقيعا قوعامدا ۇلكەن رەزونانس تۋدىردى.

بۇل تۋرالى Infohub.kz اقپارات اگەنتتىگى حابارلايدى.

ءلايلا سۇلتان قىزىنىڭ جانايقايى

ءلايلا سۇلتان قىزى جاس قىزدىڭ وتباسىنا قايعىرا كوڭىل ايتتى. ول ءوزىنىڭ الەۋمەتتىك جەلىدەگى جازباسىندا: "ءوزىمدى ورنىما قويىپ، جان دۇنيەم الاي-دۇلەي بولدى. ويلاشى، قانشا ارمان، قانشا ەڭبەك، اتا-انانىڭ ءۇمىتى ءبىر جاۋىزدىڭ كەسىرىنەن دالاعا كەتتى. زاڭ دا، ءتارتىپ تە ورىندالار. قاداعالانار. جازا بەرىلەر. ول ءومىر بويى تەمىر توردىڭ ار جاعىندا وتىرسا دا، نۇراي قايتىپ كەلمەيدى. «ولتىرمەي، حوتيا بى ۇرمادى ما؟» «ءوزى بۇيتكەن شىعار، سويتكەن شىعار» دەگەن پىكىرلەردى وقىعاندا توبە شاشىڭ تىك تۇرادى… قالاي؟ ءبارىمىزدىڭ اپكە-سىڭلىمىز، انامىز، قىزىمىز بار ەمەس پە؟ قازاقستان رەسپۋبليكاسىنىڭ كونستيتۋسياسىندا انىق جازىلعان: «ەڭ قىمبات قازىنا — ادام جانە ادامنىڭ ءومىرى، قۇقىقتارى مەن بوستاندىقتارى». ەشبىر ءتىرى جان سوققىعا دا، قول كوتەرۋگە دە توزۋگە مىندەتتى ەمەس. ولگەن ادامنىڭ كۇيىن كەشۋ مۇمكىن ەمەس. ال اتا-انا شە؟ باۋىر ەتىڭنەن ايىرىلۋدان اۋىر جازا جوق. نۇرايدىڭ اناسىمەن تولىق كەلىسەمىن، قىلمىسكەرگە ەڭ اۋىر جازا بەرىلسە دە، انانىڭ جۇرەك تىنىشتىعى قايتىپ كەلمەيدى. قايعىرىپ كوڭىل ايتامىن. مەن ادىلەتسىزدىككە، قاتىگەزدىككە، دۇرىس تاربيە بەرمەگەن اتا-اناعا، توقتاۋ ايتپاعان «دوسسىماقتارعا» وكپەلىمىن"، - دەدى تەلەجۇرگىزۋشى.

جىگىتتەرگە ەسكەرتۋ

ءلايلا سۇلتان قىزى جىگىتتەر قاۋىمىنا ەرەكشە ەسكەرتۋ جاسادى: "ايتپاقشى، قىزدار، جىگىتتىڭ ارتىنان قالماۋى، قايتا-قايتا ىزدەۋى، العان بەتىنەن قايتپاۋى - جىگىتتىك ەمەس. بۇل - ستالكەرلىك. زاڭمەن قۋدالانادى. ونلاين بولسىن، وفلاين بولسىن - ۇلكەن قىلمىستىڭ باستاۋى. جىگىتتەر! نامىس دەگەن - كۇش كورسەتۋ ەمەس. نامىس - توقتاي ءبىلۋ. نامىس - «جوقتى» قابىلداۋ. نامىس - السىزگە قول كوتەرمەۋ. نامىس - قورعاۋ، قورلاۋ ەمەس. وسىنى تۇسىنبەسەك - كەيىن تاعى دا كەش بولادى"، - دەدى ءلايلا سۇلتان قىزى.