InfoHub Logo

تانىمال پروديۋسەر بايان الاگوزوۆا ءوزىنىڭ بۇرىنعى شاكىرتى، ءانشى بالجان بيداشقا قاتىستى پىكىرىن اشىق ايتتى. "كەشيۋ" توبىنىڭ مەرەيتويىنا وراي بەرگەن سۇحباتىندا الاگوزوۆا، بيداشتىڭ وزىنە قاتىستى ايتقان سوزدەرىنە جانە جوبادان باس تارتۋىنا قىنجىلعانىن جەتكىزدى.

بۇل تۋرالى Infohub.kz اقپارات اگەنتتىگى حابارلايدى.

ءانشىنىڭ سىنىنا جاۋاپ

بايان الاگوزوۆانىڭ ايتۋىنشا، بالجان بيداش ونىڭ «ادەمى ەمەس» دەگەن پىكىرىن كوڭىلىنە العان. پروديۋسەر مۇنداي رەاكسيانى تۇسىنبەيتىنىن ايتىپ، ادامنىڭ وزىنە دەگەن سەنىمى سىرتقى پىكىردەن باسىم بولۋى كەرەكتىگىن اتاپ ءوتتى. «مەنى دە ۇسقىنسىز دەيتىندەر بار. ءبىراق مەن وزگەنىڭ پىكىرىنە ەمەس، وزىمە سەنەمىن»، – دەدى الاگوزوۆا.

ۋادەسىن ورىندامادى

سونىمەن قاتار، بايان الاگوزوۆا بالجان بيداشتىڭ ءبىر جوباعا قاتىسۋعا ۋادە بەرىپ، كەيىن ورتا جولدا باس تارتقانىنا قاتتى رەنجىگەنىن ءبىلدىردى. ونىڭ سوزىنشە، مۇنداي ارەكەت پروديۋسەر رەتىندە وعان اۋىر تيگەن. «قاتىسامىن دەپ ءسوز بەرىپ، كەيىن ۋادەسىن ورىندامادى. ءبىزدى ورتا جولدا قالدىردى. سوڭعى رەت كەزدەيسوق كەزدەسكەندە ءوزى امانداستى. مەن دە سالەمدەستىم دە، ءارى قاراي سويلەسپەدىم. سەبەبى مۇنداي ارەكەت جاساعان ادامعا قۇرمەتىم بولمايدى»، – دەپ پىكىرىن قورىتىندىلادى پروديۋسەر.