InfoHub Logo

جەكە پاراقشاسىندا بەلگىلى رەجيسسەر اسەت اقمولدانىڭ جازباسىنان كەيىن، قازاق ەستراداسىنىڭ اتى اڭىزعا اينالعان تۇلعاسى ءمادينا ەرالييەۆانىڭ كۇندەلىگىنەن ءۇزىندى جارىق كوردى. بۇل جازبالار ءانشىنىڭ ومىرىندەگى ەڭ قىمبات ادامدارى – جالعىز ۇلى مەن سۇيىكتى سىڭلىسىنە دەگەن تەرەڭ سەزىمىن، سونداي-اق ونەر جولىنداعى تاعدىر تالكەگى مەن ىشكى تولعانىستارىن اشىپ كورسەتەدى.

بۇل تۋرالى Infohub.kz اقپارات اگەنتتىگى حابارلايدى.

ءمادينا ەرالييەۆانىڭ جازبالارىندا ۇلى ارسەننىڭ اكەسى، بەلگىلى تەاتر رەجيسسەرى بولات اتابايەۆپەن قارىم-قاتىناسى، ولاردىڭ ونەر جولىنداعى قيىندىقتارى مەن جەكە ومىرلەرىندەگى الشاقتىقتار تۋرالى ايتىلادى. رەجيسسەردىڭ نەمىس ءتىلى مامانى بولىپ، كەيىن تەاتر سالاسىنا اۋىسقانى، الماتى مەن قاراعاندىنىڭ اراسىنداعى قاشىقتىق سالقىنداتقان قارىم-قاتىناستارى تۋرالى دا ەستەلىكتەر قامتىلعان.

ۇلىنا دەگەن ماحاببات پەن قامقورلىق

ءانشىنىڭ ومىرىندەگى تىرەگى – ءسىڭلىسى ساعيرا. ول ءانشىنىڭ قولىندا تاربيەلەنىپ، كوركەمسۋرەت ۋچيليششەسىن بىتىرگەن. ءمادينانىڭ كونسەرتتىك ساپارلاردا ءجۇرىپ، ۇلىنا قاراي الماعان كەزدەرىندە ءسىڭلىسىنىڭ ارسەندى باعىپ-قاققانى، ءانشىنىڭ سىڭلىسىنە دەگەن ريزاشىلىعى مەن ونىڭ جالعىز قالىپ قالۋىنان قورقۋى جازبادا ايقىن كورىنەدى. ءقازىر ارسەن قازاق ۋنيۆەرسيتەتىنىڭ ستۋدەنتى. ءانشى ۇلىن شەتەلگە ەمەس، ەلىمىزدە وقىتۋدى ءجون كورگەنىن، بۇل شەشىمنىڭ قارجىلىق جاعدايعا ەمەس، ۇلىنىڭ بىلىمىنە دەگەن سەنىمى مەن قاتاڭ تالابىنان تۋىنداعانىن جەتكىزەدى.

ونەردەگى اڭىز بەن شىندىق

ءمادينا ەرالييەۆانىڭ ءومىرى وتىرىك-شىن ارالاس اڭىز اڭگىمەلەرگە تولى بولدى. سولاردىڭ ءبىرى – مۇستافا وزتۇرىك سىيلاعان «مەرسەدەس» كولىگى تۋرالى. ءانشى بۇل ءسوزدى جوققا شىعارىپ، وزتۇرىكپەن اراداعى سىيلاستىقتى جوعارى باعالاعانىمەن، ەشقانداي ءىرى سىيلىق بولماعانىن ناقتىلايدى. ءوزىنىڭ «دجيپ» كولىگى مەن ۇلىنىڭ «ماكسيماسى» تۋرالى دا قىزىقتى دەرەكتەر كەلتىرەدى.

شارشاعان جاننىڭ سىرقاتى مەن سىرلاسۋى

سوڭعى جىلدارى ءانشى مەن ونىڭ ۇلىنىڭ دەنساۋلىعى سىر بەرگەن. ءمادينا ۇلىنىڭ جاعدايىنا قاتتى الاڭداپ، ارىستانباب اۋليەگە بىرنەشە رەت زيارات ەتكەنىن ايتادى. كەيدە ءوزىن «التىن تورعا قامالعان قۇستاي» سەزىنىپ، «دەپرەسسيامەن» كۇرەسكەنىن جاسىرمايدى. مۇنداي ساتتەردە تابيعات اياسىنا شىعىپ، تاۋ ىشىندە ايقايلاپ ءان سالىپ، ىشىندەگى شەرىن تارقاتىپ، ەنەرگياسىن شىعارىپ، جەڭىلدەپ قايتاتىنىن جازعان.

ايتا كەتەيىك، ءمادينا ەرالييەۆا 2000 جىلدىڭ 27 قاراشاسىندا جول اپاتىنان قايتىس بولعان.