Photo: Bia Limova (https://www.pexels.com/@bia-limova-1908542654) / Pexels
"ول مەنىڭ قىزىم ەمەس" دەپ كۇدىكتەنگەن اكە ءۇش جاسار ءسابيدى ءولتىردى
پاۆلودار وبلىسى تەرەڭكول اۋدانىندا اكەسى وگەي قىزىن اياۋسىز ۇرىپ، قازاسىنا سەبەپكەر بولدى. ەر ادامنىڭ قىزىنىڭ وزگە ەركەكتەن ەكەنىنە كۇدىكتەنگەنى ايتىلۋدا. بۇل تۋرالى Ozgeris.info سايتى حابارلايدى.
تەرگەۋ مالىمەتتەرىنە سۇيەنسەك، 26 جاستاعى ەر ادام ايەلىمەن بىرگە ءۇش جاسار قىزى مەن ءبىر جاسار ۇلىن تاربيەلەپ وتىرعان. الايدا، ول تۇڭعىشىنىڭ وزگە ەركەكتەن ەكەنىنە ۇنەمى كۇدىكتەنىپ كەلگەن.
پروكۋروردىڭ ايتۋىنشا، كۇدىكتى 2025 جىلدىڭ قاڭتار-قىركۇيەك ايلارى ارالىعىندا بالانى ءجيى ۇرىپ-سوعىپ، ءتۇن بويى كەرەۋەتكە بايلاپ قويعان.
قايعىلى وقيعا بولعان كۇنى ايىپتالۋشى كورشىسىنىڭ مونشاسىندا ىشىمدىك ءىشىپ، ۇيىنە ورالعان سوڭ قىزىن الىپ شىعىپ ساباعان. كەيىن ونى كورشىسىنىڭ اۋلاسىنا اپارىپ، بەتون ەدەنگە قاتتى لاقتىرعان.
سوتقا دەيىنگى تەرگەۋ بارىسى
«ساعات 22:00 شاماسىندا قىزىن وزىمەن بىرگە مونشاعا الىپ كىرگەن. سودان كەيىن كيىم اۋىستىراتىن بولمەدە، ماس كۇيدە بالانى جوعارى كوتەرىپ، بەتون ەدەنگە ادەيى لاقتىردى»، - دەيدى پروكۋرور كومەكشىسى ەلەنا كورنيەۆا.
وسىدان كەيىن كۇدىكتى قىزىن اۋداندىق اۋرۋحاناعا اپارعان. ساراپتاما ناتيجەسىندە بالانىڭ باۋىرى جىرتىلىپ، ىشىنە قان كەتكەنى انىقتالدى. العان اۋىر جاراقاتتارىنان ءسابي كوز جۇمدى.
قازىرگى ۋاقىتتا ءوز كىناسىن مويىنداۋدان باس تارتىپ وتىرعان ەر ادامعا ازاپتاۋ جانە ادام ءولتىرۋ باپتارى بويىنشا ايىپ تاعىلىپ وتىر. ول ءومىر بويىنا باس بوستاندىعىنان ايىرىلۋى مۇمكىن.
-
ۆ بانگلادەش وتەس سوۆەرشيل گەرويچەسكيي پوستۋپوك، سپاسايا سۆوەگو مالەنكوگو سىنا، ۋپاۆشەگو مەجدۋ پلاتفورموي ي پوەزدوم.
-
A tragic case unfolds in Kazakhstan where a stepfather's suspicions led to the fatal beating of his young stepdaughter.
