InfoHub Logo

قازاقستان قۇراماسىنىڭ شابۋىلشىسى ءارى رەسەيلىك «احمات» كلۋبىنىڭ ويىنشىسى ماكسيم سامورودوۆتى جانكۇيەرلەر ءساۋىر ايىنداعى ۇزدىك ويىنشى دەپ تانىدى. بۇل تۋرالى كلۋبتىڭ باسپا ءسوز قىزمەتى حابارلادى.

بۇل تۋرالى Infohub.kz اقپارات اگەنتتىگى حابارلايدى.

ءساۋىر ايىنداعى ويىندار

كوكتەمنىڭ ەكىنشى ايىندا كوماندا بەس كەزدەسۋ وتكىزدى. ءار ويىننان كەيىن جانكۇيەرلەر اراسىندا داۋىس بەرۋ جۇرگىزىلدى. وسى كەزدەسۋلەردە «اقتوبە» كلۋبىنىڭ تۇلەگى 1 گول سوعىپ، 1 ناتيجەلى پاس بەردى.

«ەسەپتەۋ قورىتىندىسى بويىنشا ماكسيم سامورودوۆ ەڭ كوپ ۇپاي جينادى. ونىڭ ەنشىسىندە 17 ۇپاي بار. ول ەكى رەت ماچتىڭ ۇزدىك ويىنشىسى اتانسا، تاعى ەكى رەت داۋىس بەرۋدە ەكىنشى، ءبىر رەت ءۇشىنشى ورىن الدى»، - دەلىنگەن كلۋب مالىمدەمەسىندە.

ماكسيم سامورودوۆ – ەلدەگى ەڭ قىمبات ويىنشىلاردىڭ ءبىرى

23 جاستاعى سامورودوۆ Transfermarkt پورتالىنىڭ باعالاۋى بويىنشا 2،5 ميلليون ەۋروعا باعالانادى. ودان تەك «قايرات» كلۋبىنىڭ ويىنشىسى داستان ساتپايەۆ (3 ميلليون ەۋرو) قىمباتىراق بولىپ سانالادى.

قازاقستان قۇراماسىنىڭ بەس ويىنشىسى شەتەل چەمپيوناتىندا ونەر كورسەتەدى. ولار: نۇرالى ءالىپ («زەنيت»، رەسەي)، باقتيەر زاينۋتدينوۆ («دينامو»، رەسەي)، عالىمجان كەنجەبەك («احمات»، رەسەي) جانە يسلام چەسنوكوۆ («حارتس»، شوتلانديا).

بيىلعى 2025/26 ماۋسىمىندا سامورودوۆ «احمات» ساپىندا ليگادا 26 ماچ وتكىزىپ، 5 گول سوعىپ، 8 ناتيجەلى پاس بەردى.