InfoHub Logo

الەمدە العاش رەت مالتا ەلىنىڭ بارلىق ازاماتتارىنا ChatGPT Plus-قا تەگىن قولجەتىمدىلىك بەرىلەدى. بۇل تۋرالى امەريكانىڭ OpenAI كومپانياسى مەن مالتا ۇكىمەتى اراسىنداعى بىرەگەي سەرىكتەستىك اياسىندا حابارلاندى.

بۇل تۋرالى Infohub.kz اقپارات اگەنتتىگى حابارلايدى.

OpenAI كومپانياسىنىڭ رەسمي سايتىندا جاريالانعان مالىمەتكە سايكەس، بۇل باستاما ازاماتتارعا جاساندى ينتەللەكتىنى (جي) جاۋاپكەرشىلىكپەن پايدالانۋدى ۇيرەتۋگە باعىتتالعان. مالتا ۋنيۆەرسيتەتى ازىرلەگەن ارنايى كۋرس اياقتالعاننان كەيىن، قاتىسۋشىلار ءبىر جىل بويى ChatGPT Plus قىزمەتىن تەگىن پايدالانا الادى.

باعدارلامانىڭ العاشقى كەزەڭى

جوبانىڭ العاشقى كەزەڭى مامىر ايىندا باستالادى. مالتانىڭ سيفرلىق يننوۆاسيالار باسقارماسى باعدارلاما تالاپتارىنا سايكەس كەلەتىن قاتىسۋشىلارعا قولجەتىمدىلىكتى قامتاماسىز ەتەدى. جوسپار بويىنشا، ەل تۇرعىندارى مەن شەتەلدەگى ازاماتتار كۋرسقا كوبىرەك قاتىسا باستاعان سايىن، بۇل مۇمكىندىك كەڭەيتىلەدى.

مالتا – سيفرلىق ءداۋىردىڭ كوشباسشىسى

مالتانىڭ ەكونوميكا، كاسىپكەرلىك جانە ستراتەگيالىق جوبالار ءمينيسترى سيلۆيو شەمبري بۇل سەرىكتەستىكتىڭ ماڭىزدىلىعىن اتاپ ءوتتى. «مالتا مۇنداي اۋقىمدى سەرىكتەستىكتى باستاعان العاشقى ەل بولدى، سەبەبى ءبىز ازاماتتارىمىزدىڭ سيفرلىق داۋىردە ارتتا قالۋىن قالامايمىز. ءبىز حالقىمىزدى جاھاندىق وزگەرىستەردىڭ الدىڭعى قاتارىنا شىعارامىز»، - دەدى مينيستر.

OpenAI وكىلدەرى بۇل سەرىكتەستىك ارقىلى مالتانىڭ ازاماتتارىنا جي قولجەتىمدىلىگىن ۇسىنۋدا ەۋروپا مەن الەمدەگى كوشباسشى ەلدەردىڭ بىرىنە اينالعانىن ايتتى. كومپانيا باسقا ەلدەردىڭ دە وسى ۇلگىنى ۇلگى ەتۋىنە ءۇمىت ءبىلدىردى.

مالتا – جەرورتا تەڭىزىندە ورنالاسقان، اۋماعى 320 شارشى شاقىرىمدى قۇرايتىن پارلامەنتتىك رەسپۋبليكا. ەلدىڭ حالقى 500 مىڭنان اسادى. قازىرگى تاڭدا ChatGPT Plus جازىلىمىنىڭ ايلىق قۇنى 20 اقش دوللارىنا تەڭ.